சுவையான...அவியல்!!!

By Maha

Published: Wednesday, August 29, 2012, 11:09 [IST]

இன்று ஓணம் தினத்தை முன்னிட்டு, அனைத்து கேரள வீட்டிலும் நல்ல சுவையான உணவுகளை செய்து சாப்பிடுவார்கள். அவ்வாறு அவர்கள் செய்யும் அந்த உணவுகளில் கண்டிப்பாக கேரள நாட்டு பாரம்பரிய உணவுகளில் ஒன்றான அவியலை செய்வார்கள். இப்போது அந்த சுவையான அவியலை எவ்வாறு செய்வதென்று பார்ப்போமா!!!

தேவையான பொருட்கள் :

சௌசௌ - 1 கப் (நீளமாக நறுக்கியது)
உருளைக்கிழங்கு - 1 கப் (நீளமாக நறுக்கியது)
கேரட் - 1 கப் (நீளமாக நறுக்கியது)
பூசணிக்காய் - 1 கப் (நீளமாக நறுக்கியது)
வாழைக்காய் - 1 கப் (நீளமாக நறுக்கியது)
வெங்காயம் - 1 (நறுக்கியது)
தேங்காய் - 1/2 கப்
பச்சை மிளகாய் - 2
தயிர் - 1/2 கப்
சீரகம் - 1 டேபிள் ஸ்பூன்
கடுகு - 1/2 டீஸ்பூன்
உளுத்தம் பருப்பு - 1/2 டீஸ்பூன்
கொத்தமல்லி - சிறிது
தேங்காய் எண்ணெய் - தேவையான அளவு
உப்பு - தேவையான அளவு

செய்முறை :

முதலில் குக்கரை அடுப்பில் வைத்து, அனைத்து காய்கறிகளையும் போட்டு, 2 கப் தண்ணீர் ஊற்றி, 20 நிமிடம் மூடி வேக வைத்து இறக்கிக் கொள்ளவும். சிறிது நேரம் கழித்து, அதில் உள்ள நீரை வடித்து ஒரு பாத்திரத்தில் போட்டு, தனியாக வைத்துக் கொள்ளவும்.

பின்னர் மிக்ஸியில் தேங்காய், பச்சை மிளகாய், சீரகம் ஆகியவற்றை போட்டு, நன்கு நைஸாக அரைத்துக் கொள்ளவும்.

பிறகு ஒரு வாணலியை அடுப்பில் வைத்து, அதில் காய்கறிகள், அரைத்து வைத்துள்ள தேங்காய் கலவை மற்றும் சிறிது உப்பை சேர்த்து, கிளறி 5 நிமிடம் கொதிக்க விடவும்.

பின் அதில் தயிரை ஊற்றி 2 நிமிடம் கிளறி இறக்கி விடவும்.

மற்றொரு வாணலியை அடுப்பில் வைத்து, அதில் எண்ணெய் ஊற்றி, கடுகு, உளுத்தம் பருப்பு போட்மு தாளித்து, பின் வெங்காயம் சேர்த்து, அதனை பொன்னிறமாக வதக்கி, அத்துடன் அந்த காய்கறி கலவையை ஊற்றி, ஒரு கொதி விட்டு, கொத்தமல்லி இலையை தூவி இறக்கி விடவும்.

இப்போது சுவையான அவியல் ரெடி!!!