சாக்லெட் மில்க் ஷேக்

சாக்லெட் சாப்பிட்டால், இதயம் ஆரோக்கியமாக இருக்கும் என்று ஆய்வுகள் பலவற்றில் நிரூபிக்கப்பட்டுள்ளன. எனவே தினமும் சிறிது சாக்லெட் சாப்பிடுவது மிகவும் நல்லது என மருத்துவர்களே சொன்ன பின்னர், சாக்லெட்டை எப்படி சாப்பிட்டால் என்ன? மேலும் பலருக்கு சாக்லெட் என்றால் மிகவும் பிடிக்கும்.

பலர் சாக்லெட் சுவையில் உள்ளவற்றை விரும்பி சாப்பிடுவர். அதிலும் சாக்லெட் மில்க் ஷேக் என்றால் சொல்லவா வேண்டும். இது அருமையான பானம் மட்டுமின்றி, எனர்ஜியைத் தரும் பானமும் கூட. இப்போது அந்த சாக்லெட் மில்க் ஷேக்கை எப்படி எளிதில் செய்வதென்று பார்ப்போமா!!!

தேவையான பொருட்கள்:

பால் - 1 கப்
சாக்லெட் சிரப் - 2 டீஸ்பூன்
சர்க்கரை - 2 டீஸ்பூன்
வென்னிலா ஐஸ் க்ரீம் - 1 ஸ்கூப்

செய்முறை:

முதலில் மிக்ஸி/பிளெண்டரில் பால், சாக்லெட் சிரப், சர்க்கரை சேர்த்து நன்கு அடித்துக் கொள்ள வேண்டும்.

பின்னர் அதில் வென்னிலா ஐஸ் க்ரீமை சேர்த்து நன்கு அடித்து, டம்ளரில் ஊற்றி பரிமாறினால், சுவையான சக்லெட் மில்க் ஷேக் ரெடி!!!