பட்டாணி மற்றும் கார்ன் சாலட்

சாலட் ஒரு அருமையான மற்றும் ஆரோக்கியமான ஸ்நாக்ஸ் ரெசிபி. அந்த சாலட்டுகளில் பல வெரைட்டிகள் உள்ளன. அவை அனைத்தும் விருப்பத்தைப் பொறுத்ததே. அந்த வகையில் இங்கு குழந்தைகள் விரும்பி சாப்பிடக்கூடியவாறு ஒரு அருமையான சாலட் ரெசிபியைக் கொடுத்துள்ளோம்.

அது தான் பட்டாணி மற்றும் கார்ன் சாலட். இதனை உடல் எடையை குறைக்க நினைப்போரும் சாப்பிடலாம். சரி, இப்போது அந்த பட்டாணி மற்றும் கார்ன் சாலட் ரெசிபியை எப்படி செய்வதென்று பார்ப்போம்.

தேவையான பொருட்கள்:

வேக வைத்த பட்டாணி - 1 கப்
வேக வைத்த கார்ன்/சோளம் - 1/2 கப்
வெங்காயம் - 1 (பொடியாக நறுக்கியது)
தக்காளி - 1 (பொடியாக நறுக்கியது)
கொத்தமல்லி - சிறிது (நறுக்கியது)
எலுமிச்சை சாறு - தேவையான அளவு
மிளகு தூள் - 1 டீஸ்பூன்
உப்பு - தேவையான அளவு
துருவிய சீஸ் - சிறிது

செய்முறை:

முதலில் ஒரு பௌலில் பட்டாணி மற்றும் சோளத்தைப் போட்டு, பின் அதில் வெங்காயம், தக்காளி மற்றும் கொத்தமல்லி சேர்த்து கலந்து கொள்ள வேண்டும்.

பின்னர் எலுமிச்சை சாறு, உப்பு மற்றும் மிளகு தூள் சேர்த்து கலந்து கொள்ள வேண்டும்.

அடுத்து அதன் மேல் துருவிய சீஸை தூவி நன்கு கலந்து பரிமாறினால், ஆரோக்கியமான பட்டாணி கார்ன் சாலட் ரெசிபி ரெடி!!!