1 கப் கடலைமாவு இருந்தா இந்த மாதிரி சைவ ஆம்லெட்டை செஞ்சு சாப்பிடுங்க... முட்டை ஆம்லெட் மாதிரியே இருக்கும்...!

Saiva Omelette Recipe in Tamil: முட்டையை என்னதான் விதவிதமாக சமைத்து சாப்பிட்டாலும் சிலருக்கு என்னவோ ஆம்லெட்டாக சாப்பிட தான் பிடிக்கும். சிலருக்கு கடைகளில் என்ன சாப்பிட்டாலும் சைடிஷ் ஆக ஆம்லெட் சாப்பிடுவது வழக்கமாக இருக்கும். நாம் வீட்டில் குழந்தைகளுக்கும் முட்டை ஆரோக்கியமானது என்பதாலும், குழந்தைகளை சளி பிரச்சனைகளில் இருந்து விடுவிக்க உணவில் மிளகை சேர்க்க என்னும் போதும் ஆம்லெட்டில் சேர்த்து கொடுப்பது எளிதாக இருக்கும்.

காலையில் எப்பவும் இட்லி, தோசை செய்து போரடித்தவிட்டதா? ஆம் எனில் சற்று வித்தியாசமான சுவையைக் கொண்ட ஒரு அருமையான டிபனை செய்ய நினைக்கிறீர்களா? 1 கப் கடலை மாவும், கால் கப் மைதாவும் இருந்தா இந்த சைவ ஆம்லெட்டை செய்யுங்க. ஆம்லெட் சுவையிலேயே இருக்கும் இது முழுக்க முழுக்க சைவமாகும். ஆம்லெட் சாப்பிட விரும்பும் சைவ உணவுப்பிரியர்கள் இந்த கடலை மாவும் ஆம்லெட்டை தாராளமாக சாப்பிடலாம். மேலும் இது செய்வதற்கு சுலபமாகவும் இருக்கும்.

உங்களுக்கு சைவ ஆம்லெட்டை எப்படி செய்வதென்று தெரிந்து கொள்ள வேண்டுமா? கீழே சைவ ஆம்லெட் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- 1 கப் கடலை மாவு
- ¼ கப் மைதா மாவு
- ½ டீஸ்பூன் உப்பு
- ½ டீஸ்பூன் மஞ்சள் தூள்
- 1 டீஸ்பூன் பேக்கிங் பவுடர்
- தேவையான அளவு தண்ணீர்
- 1 பெரிய வெங்காயம், பொடியாக நறுக்கியது
- ½ தக்காளி, பொடியாக நறுக்கியது
- 2 பச்சை மிளகாய், பொடியாக நறுக்கியது
- 2 டேபிள்ஸ்பூன் கொத்தமல்லி, பொடியாக நறுக்கியது
- எண்ணெய் தேவையான அளவு
- 1 ஸ்பூன் வெண்ணெய்
- 1 ஸ்பூன் மிளகுத்தூள்

செய்முறை:

- முதலில், ஒரு பெரிய பாத்திரத்தில் 1 கப் கடலை மாவு, ¼ கப் மைதா மாவு, ½ டீஸ்பூன் உப்பு, ½ டீஸ்பூன் மஞ்சள் தூள் மற்றும் 1 டீஸ்பூன் பேக்கிங் பவுடர் ஆகியவற்றை எடுத்துக் கொள்ளவும்.

- தேவையான அளவு தண்ணீர் சேர்த்து, கட்டிகள் இல்லாத மென்மையான மாவை தயார் செய்து வைத்துக் கொள்ளவும்.

- மாவு தோசை மாவு பதத்தில் ஊற்றும் பதத்தில் இருக்க, தண்ணீரின் அளவை பதத்திற்கு ஏற்ப சரிசெய்து கொள்ளவும்.

- பின்னர் மாவில் நறுக்கிய பெரிய வெங்காயம், ½ தக்காளி, 2 பச்சை மிளகாய் மற்றும் 2 டேபிள்ஸ்பூன் கொத்தமல்லி சேர்த்து நன்றாக கலக்கவும்.

- இப்போது, ​​தோசைக்கல்லை சூடாக்கி, எண்ணெயை தடவவும்.

- ஒரு கரண்டி மாவை ஊற்றி, ஆம்லெட் போல தோசைக்கல் முழுவதும் சீராகப் பரப்பவும்.

- மிளகுத்தூள் தூவி, ஓரங்களிலும் நடுவிலும் வெண்ணெய் சேர்க்கவும்.

- ஆம்லெட் எல்லாப் பக்கங்களிலும் வேகும் வரை மிதமான தீயில் வேக வைக்கவும்.

- மறுபுறம் திருப்பிப் போட்டு இருபுறமும் நன்றாக வேக வைக்கவும்.

- அவ்வளவுதான் சுவையான சைவ ஆம்லெட் ரெடி!