மீல் மேக்கர் சால்னா ரெசிபி - இந்த மாதிரி சால்னா செஞ்சு பாருங்க - சப்பாத்தி, பூரி அட்டகாசமா இருக்கும்

Meal Maker Salna Recipe in Tamil: தினமும் காலையில் இட்லி, தோசை, சப்பாத்தி போன்ற டிபனுக்கு என்ன சைடு டிஷ் செய்வதென்று தெரியாமல் மண்டையைப் போட்டு குழப்பிக் கொண்டிருக்கிறீர்களா? உங்கள் வீட்டில் மீல் மேக்கரும், வெங்காயமும், தக்காளியும் உள்ளதா? அப்படியானால் அட்டகாசமான சுவையில் சோயா சால்னாவை செய்யுங்கள்.

இந்த மீல் மேக்கர் சால்னா இட்லி, தோசையுடன் மட்டுமின்றி, சப்பாத்தி, பூரியுடனும் சேர்த்து சாப்பிட சூப்பராக இருக்கும். இந்த சுவையான சால்னாவை செய்வது மிகவும் எளிதாகும். புரோட்டின் நிறைந்த மீல் மேக்கரை வைத்து இந்த சால்னா செய்யப்படுவதால் இது ஆரோக்கியமானதாகவும் இருக்கும்.

உங்களுக்கு சுவையான மீல் மேக்கர் சால்னாவை எப்படி செய்வதென்று தெரிந்து கொள்ள வேண்டுமா? கீழே மீல் மேக்கர் சால்னா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- தேங்காய் எண்ணெய் - 2 ஸ்பூன்
- பெரிய வெங்காயம் - 1 (மெல்லியதாக நறுக்கியது)
- தக்காளி - 1 (மெல்லியதாக நறுக்கியது)
- பச்சை மிளகாய் - 2 (நீளமாக கீறியது)
- இஞ்சி பூண்டு விழுது - 1 ஸ்பூன்
- கறி மசாலா தூள் - 1 ஸ்பூன்
- காஷ்மீரி மிளகாய் தூள் - 2 ஸ்பூன்
- மஞ்சள் தூள் - 1 ஸ்பூன்
- உப்பு - தேவையான அளவு
- நறுக்கிய கொத்தமல்லி - 2 ஸ்பூன்
- மீல் மேக்கர் - 2 கப் (வெந்நீரில் ஊறவைத்தது)

வறுத்து அரைக்க:

- தேங்காய் எண்ணெய் - 1 ஸ்பூன்
- சோம்பு - 1 ஸ்பூன்
- பட்டை - 1 சிறிய துண்டு
- சின்ன வெங்காயம் - 10
- தக்காளி - 1
- தேங்காய் - 1 கப் (துருவியது)

செய்முறை:

- முதலில் மீல் மேக்கரை சூடான நீரில் அரை மணி நேரம் ஊற வைக்கவும்.

- மீல் மேக்கர் ஊறியதும் அதை பிழிந்து வைத்துக் கொள்ளவும்.

- ஒரு வாணலியில் தேங்காய் எண்ணெயைச் சூடாக்கி, சோம்பு மற்றும் இலவங்கப்பட்டை சேர்க்கவும்.

- அதன்பின் வெங்காயம் மற்றும் தக்காளி சேர்த்து ஒரு நிமிடம் வதக்கவும். பிறகு தேங்காயைச் சேர்த்து 2 நிமிடங்கள் வதக்கவும். இதை ஆறவைத்து, ஒரு மிக்சியில் போட்டு சிறிதளவு நீர் சேர்த்து மென்மையான விழுதாக அரைத்து தனியே எடுத்து வைக்கவும்.

- ஒரு கடாயில் தேங்காய் எண்ணெயைச் சூடாக்க்கவும். எண்ணெய் சூடானதும் நறுக்கிய வெங்காயம் மற்றும் மிளகாயைச் சேர்த்து, பொன்னிறமாகும் வரை வதக்கவும்.

- பின்னர் இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.

- அதன்பின் நறுக்கிய தக்காளி சேர்த்து அவை நன்கு குழையும் வரை வதக்கவும்.

- கறி மசாலாத் தூள், மிளகாய்த்தூள், மஞ்சள் தூள் மற்றும் உப்பு ஆகியவற்றைச் சேர்க்கவும். நன்கு கலக்கவும்.

- அதன்பின் கறி மசாலாத் தூள், மிளகாய்த்தூள், மஞ்சள் தூள் மற்றும் உப்பு ஆகியவற்றைச் சேர்க்கவும். நன்கு கிளறவும்.

- மசாலா பச்சை வாசனை போனதும் அரைத்த விழுது சேர்த்து நன்கு கலக்கவும்.

- அதன்பின் வேகவைத்த சோயா துண்டுகளைச் சேர்த்து நன்றாகக் கலக்கவும்.

- பின்னர் மீல் மேக்கர் மூழ்கும் அளவிற்குத் தண்ணீர் ஊற்றவும். கொதிக்க வைத்து, 10 நிமிடங்கள் மிதமான தீயில் வேகவைக்கவும்.

- இறுதியாக நறுக்கிய கொத்தமல்லி தூவி அடுப்பை அணைக்கவும். அவ்வளவுதான் சூப்பரான மீல் மேக்கர் சால்னா ரெடி!