4 முருங்கைக்காய் இருந்தா இந்த மாதிரி சூப் வைச்சு குடிங்க... உங்க எடை புயல் வேகத்துல குறையும்...!

Drumstick Soup Recipe in Tamil: தற்போது மாறி வரும் பருவநிலை காரணமாக குழந்தைகளுக்கு சளி காய்ச்சல் போன்ற உபாதைகள் அதிகம் ஏற்படும். பலர் இதன் காரணமாக காய்ச்சி ஆற வைத்த தண்ணீர் குடிப்பது, பூண்டு மிளகு சேர்த்து ரசம் சாப்பிடுவது என பலவற்றை முன்னெச்சரிக்கை நடவடிக்கையாக மேற்கொள்ள துவங்கி இருப்பார்கள். உங்கள் வீட்டிலும் சிலர் சளி, இருமலால் அவதிப்பட்டு கொண்டிருக்கிறார்களா? அப்படியானால் அவர்களுக்கு நோயெதிர்ப்பு சக்தியை அதிகரிக்கும் வகையில் சூப் செய்து கொடுங்கள்.

முக்கியமாக உங்கள் வீட்டில் முருங்கைக்காய் இருந்தால், அதை வைத்து சூப் செய்யுங்கள். இந்த முருங்கைக்கீரை சூப் மாலை வேளையில் காபி, டீ-க்கு பதிலாக குடிக்க ஏற்றதாக இருக்கும். முக்கியமாக இந்த சூப் உடலின் நோயெதிர்ப்பு சக்தியை அதிகரிப்பது மட்டுமின்றி, உடலில் இரத்தத்தை அதிகரிக்கவும் உதவுகிறது.

உங்களுக்கு முருங்கைக்காய் சூப் எப்படி செய்வதென்று தெரிந்து கொள்ள வேண்டுமா? கீழே முருங்கைக்காய் சூப்பின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- 4 முருங்கைக்காய்
- 1 டேபிள்ஸ்பூன் துவரம் பருப்பு
- 1 வெங்காயம்
- 3 டேபிள்ஸ்பூன் நறுக்கிய பூண்டு
- 1 சிறிய தக்காளி
- 1 டேபிள்ஸ்பூன் மிளகு
- 1 டேபிள்ஸ்பூன் உப்பு (உங்கள் சுவைக்கேற்ப சரிசெய்யவும்)
- 1 டேபிள்ஸ்பூன் கொத்தமல்லி இலைகள்

தாளிக்க:

- 1 ஸ்பூன் எண்ணெய்
- 1 பிரியாணி இலை
- 1 துண்டு இலவங்கப்பட்டை
- 2 கிராம்பு

செய்முறை:

- முருங்கைக்காயை கழுவி, சிறுசிறு துண்டுகளாக நறுக்கவும். ஒரு பாத்திரத்தில் முருங்கைக்காய் துண்டுகளை 4 கப் தண்ணீர் சேர்த்து வேகவைக்கவும்.

- முருங்கைக்காய் வெந்ததும், தண்ணீரை வடிகட்டாதீர்கள், ஏனெனில் இந்த தண்ணீரில் முருங்கைக்காயின் ஊட்டச்சத்துக்கள் நிறைந்திருக்கும். எனவே, முருங்கைக்காயை வேகவைத்த தண்ணீரை சூப்பிற்கு பயன்படுத்தவும்.

- முருங்கைக்காயை வடிகட்டி தனியாக வைக்கவும். ஒவ்வொரு துண்டு முருங்கைக்காயிலிருந்தும் அதிலுள்ள சதையை தனியாக எடுத்து வைத்துக்கொள்ளவும்.

- பருப்பையும் இதேபோல வேகவைத்துக் கொள்ளவும்.

- ஒரு கடாயை சூடாக்கி அதில் எண்ணெயை ஊற்றவும். பின்னர் தாளிக்க கொடுத்துள்ள பொருட்களைச் சேர்த்து ஒரு நிமிடம் வதக்கவும்.

- பின்னர் பொடியாக நறுக்கிய வெங்காயம் மற்றும் பூண்டை ஒரு சிட்டிகை உப்பு சேர்த்து வெங்காயம் கண்ணாடி பதத்திற்கு வரும் வரை வதக்கவும்.

- வெங்காயத்துடன் நறுக்கிய தக்காளி மற்றும் மிளகுத்தூள் சேர்த்து தக்காளி மென்மையாகும் வரை வதக்கவும். தக்காளி வெந்ததும், வேகவைத்த பருப்பைச் சேர்த்து நன்கு கலக்கவும்.

- முருங்கைக்காய் தண்ணீரை வாணலியில் சேர்த்து, சூப் கலவையை மிதமான தீயில் கொதிக்க விடவும்.

- சதையில் பாதியை தனியாக வைத்துவிட்டு பாதியை சூப்பில் சேர்த்து கலக்கவும். பின்னர் முருங்கைக்காய் சூப்பை மிதமான தீயில் 10 நிமிடங்கள் கொதிக்க விடவும். தேவையான அளவு உப்பு சேர்க்கவும்.

- பின்னர் மீதமுள்ள முருங்கைக்காய் சதையை சேர்த்து மிதமான தீயில் கொதிக்க வைத்து மிளகுத்தூள் மற்றும் கொத்தமல்லி சேர்த்து இறக்கினால் சுவையான மற்றும் ஆரோக்கியமான முருங்கைக்காய் சூப் ரெடி!