கர்ப்பமா இருக்கும் போது நெஞ்சு எரிச்சலா இருக்கா? இத படிங்க...

எலுமிச்சை

எலுமிச்சையை ஜூஸ் போன்று செய்து குடித்தால், நெஞ்சு எரிச்சலை விரைவில் தடுக்கலாம்.

சூயிங் கம்

உண்மையில் சூயிங் கம் சாப்பிட்டால், அதனை மெல்லும் போது, வாயில் சுரக்கும் அதிகப்படியான எச்சிலானது, வயிற்றில் சென்று, அவை வயிற்றில் சுரக்கும் அமிலத்தால் ஏற்படும் ஆபத்தை தடுத்து, எரிச்சலைத் தடுக்கும்.

இஞ்சி

இஞ்சி ஒரு சிறந்த மருத்துவப் பொருள். இந்த இஞ்சியை பயன்படுத்தி பல ஆயுர்வேத மருந்துகள் செய்யப்படுகின்றன. அதிலும் இந்த மருந்துகள் அனைத்தும் வயிற்றில் ஏற்படும் பிரச்சனைகளுக்கு சிறந்ததாக உள்ளது. எனவே இந்த இஞ்சி கர்ப்பிணிகளுக்கும் மிகவும் சிறப்பானதாக இருக்கும். அதற்கு அவர்கள் டீ போன்று, சூடான நீரில், சிறிது இஞ்சி மற்றும் சர்க்கரையை போட்டு கொதிக்க விட்டு, குடித்தால், நெஞ்சு எரிச்சலைத் தடுக்கலாம்.

பேரிச்சம் பழம்

பேரிச்சம் பழத்தை கொஞ்சம் பாலில் சேர்த்து அதை நன்றாக காய்ச்சி நெஞ்சு எரிச்சலின் போது சாப்பி்ட்டால் நெஞ்சு எரிச்சல் குணமாகும்.

தண்ணீர்

கர்ப்பிணிகள் தண்ணீர் அதிகம் குடிக்க வேண்டும். ஆகவே அவ்வப்போது எரிச்சல் ஏற்படும் போது சிறிது நீரைக் குடித்து வர எரிச்சல் சரியாகும். குழந்தையும் ஆரோக்கியமாக இருக்கும்.

உணவு மாற்றங்கள்

நெஞ்சு எரிச்சல் இருக்கும் போது, அதிகமான காரம் உள்ள உணவுகள், காப்பைன் உள்ள பானங்கள் மற்றும் எண்ணெய் அதிகம் உள்ள உணவுகளால் ஏற்படுவதால், அவற்றை தவிர்க்க வேண்டும். அதற்கு பதிலாக அவ்வப்போது, ஏதேனும் ஜூஸை சிறிது சிறிதாக குடித்துக் கொண்டு இருந்தால், எரிச்சல் ஏற்படுவதை கட்டுப்படுத்தலாம்.