குறைந்தது தங்கம், வெள்ளி விலை!! இப்படி ஒரு சான்ஸ் மீண்டும் கிடைக்காது!! டிரம்ப் வாய திறந்துட்டா பிரச்சினை!!

சென்னையில் நேற்று தடாலடியாக உயர்ந்து மக்களுக்கு கண்ணீரை வரவழைத்த தங்கம், வெள்ளி விலை இன்றைய தினம் குறைந்துள்ளது. 2025 ஆம் ஆண்டில் தங்கம் விலை பல மடங்கு வேகமாக உயர்ந்தது. 2026 ஆம் ஆண்டு இதற்கு ஒரு முற்றுப்புள்ளி வைக்கப்படும் என எதிர்பார்க்கப்பட்டது. ஆனால் 2026 தொடங்கி இந்த ஒரு மாத காலத்தில் தங்கத்தின் விலை ஒவ்வொரு நாளும் புதிய வரலாற்று உச்சங்களை தொட்டது.

குறிப்பாக ஜனவரி ஒன்றாம் தேதியிலிருந்து நேற்று வரை மட்டும் தங்கத்தின் விலை ஒரு சவரனுக்கு 35 ஆயிரம் ரூபாய் வரை உயர்வு கண்டது. பல்வேறு சர்வதேச காரணிகள் தான் தங்கத்தின் விலை உயர்வுக்கு காரணம். ஆனால் ஒரே மாதத்தில் இத்தனை மடங்கு தங்கம் விலை உயர்ந்தது வீட்டில் திருமணம் உள்ளிட்ட நிகழ்வுகளை வைத்திருந்தவர்களுக்கு, தங்க நகை வாங்க வேண்டிய கட்டாயத்தில் இருந்தவர்களுக்கெல்லாம் பெரிய அதிர்ச்சியை ஏற்படுத்தியது.

தங்கத்தை விட பல மடங்கு வேகமாக வெள்ளியின் விலை உயர்ந்ததால் வெள்ளியை கூட வாங்க முடியாத நிலைக்கு மக்கள் ஆளாகினர். இந்த நிலையில் தான் மக்களுக்கு ஆறுதல் தரும் வகையில் இன்றைய தினம் தங்கம், வெள்ளி விலை குறைந்திருக்கிறது.

சென்னையில் இன்று 22 கேரட் ஆபரண தங்கம் ஒரு கிராம் 600 ரூபாய் விலை குறைந்திருக்கிறது. நேற்று 22 கேரட் ஆபரணத் தங்கம் கிராம் 16,800 ரூபாய் என வரலாற்று உச்சபட்ச விலையில் விற்பனையானது. அதுவே இன்று 600 ரூபாய் விலை குறைந்து 16,200-க்கு விற்பனை செய்யப்படுகிறது. ஒரு சவரன் தங்கம் நேற்று 1, 34,400 ரூபாய்க்கு விற்பனையான நிலையில் இன்று 4,800 ரூபாய் விலை குறைந்து 1, 29,600 ரூபாய்க்கு விற்பனை செய்யப்படுகிறது. 10 கிராம் தங்கம் 6000 ரூபாய் விலை சரிந்து 1,62,000 ரூபாய்க்கு விற்பனையாகிறது.

இப்போது தங்கம், வெள்ளி வாங்கலாமா? பிப்ரவரி 1 மத்திய பட்ஜெட் வரை காத்திருக்கலாமா?

திங்கட்கிழமை ஜனவரி 26 ஆம் தேதி தொடங்கி இன்று வரையிலான இந்த ஐந்து வர்த்தக நாட்களில் மட்டும் தங்கத்தின் விலை மூன்று நாட்கள் உயர்ந்திருக்கிறது இரண்டு நாட்கள் சரிவடைந்து இருக்கிறது. 24 கேரட் தங்கம் கிராமுக்கு 655 ரூபாய் விலை குறைந்து 17,673 ரூபாய்க்கும் ஒரு சவரன் 5,240 ரூபாய் விலை குறைந்து 1, 41,384 ரூபாய்க்கும் விற்பனையாகிறது. 18 கேரட் தங்கம் கிராமுக்கு 400 ரூபாய் விலை குறைந்து 13, 500 ரூபாய்க்கும், சவரனுக்கு 3,200 ரூபாய் விலை சரிந்து 1,08,000 ரூபாய்க்கும் விற்பனையாகிறது.

தங்கத்தை போலவே இன்றைய தினம் வெள்ளியும் விலை குறைந்திருக்கிறது. நேற்று வரலாற்றிலேயே இல்லாத உச்சமாக சென்னையில் ஒரு கிராம் இல்லை 425 ரூபாய்க்கு விற்பனையான நிலையில் இன்று 10 ரூபாய் விலை குறைந்து 415 ரூபாய்க்கு விற்பனை செய்யப்படுகிறது. ஒரு கிலோ வெள்ளி 10,000 ரூபாய் விலை குறைந்து 4,15,000 ரூபாய்க்கு விற்பனையாகிறது.

மக்களே..! தங்க நகை வாங்குவதை மறந்திடுங்க.. வெளியானது ஷாக் ரிப்போர்ட்..!

தங்கம் மற்றும் வெள்ளி விலை உலக சந்தை நிலவரத்திற்கு ஏற்ப இன்றைய தினம் குறைந்து இருக்கின்றன. சர்வதேச சந்தையில் பார்க்கும்போது ஒரு அவுன்ஸ் தங்கத்தின் விலை 167 டாலர்கள் குறைந்து 5206 டாலர்களாக விற்பனை ஆகிறது. அதேபோல வெள்ளியின் விலை பொறுத்தவரை 3 டாலர்கள் குறைந்து 110 டாலராக விற்பனையாகி வருகிறது.

அமெரிக்கா மத்திய வங்கி வட்டி குறைப்பு நடவடிக்கையை கைவிட்டது, உலக அளவில் தங்கம் மற்றும் வெள்ளியின் விலை வரலாற்று உச்சத்தை தொட்டதால் முதலீட்டாளர்கள் லாபத்தை பதிவு செய்தது ஆகியவையே தங்கம் , வெள்ளி விலை குறைவதற்கு ஒரு முக்கிய காரணமாக இருக்கிறது. மேற்கொண்டு டிரம்ப் எதுவும் பேசாமல் அமைதியாக இருந்தால் விலை மேலும் குறையும்.

Credit: Goodreturns