Latest Updates
-
கள்ளக்காதலில் ஈடுபட அதிக வாய்ப்புள்ள 4 ராசிகள் இவங்கதான்... இவங்ககிட்ட ரொம்ப ஜாக்கிரதையா இருங்க...! -
காரசாரமான.. ஹைதராபாதி சிக்கன் கிரேவி - சிம்பிளா எப்படி செய்றது-ன்னு பாத்து ட்ரை பண்ணுங்க... -
இன்றைய ராசிபலன் 22 மார்ச் 2026: இன்று இந்த 4 ராசிக்காரங்களுக்கு நல்ல நேரம் தேடிவருமாம்...! -
வார ராசிபலன் (22 March 2026-28 March 2026)- இந்த வாரம் இந்த 5 ராசிக்காரர்களுக்கு சிரமங்கள் அதிகரிக்கும்.. -
Tamil Nadu Election 2026: பாரம்பரிய தமிழ் உணவுகளை உட்கொள்ளும் தமிழகத் தலைவர்கள்! -
முட்டையும், பிரட்டும் இருந்தா.. ஈவ்னிங் டைம்-ல இந்த ஸ்நாக்ஸை செய்யுங்க.. குழந்தைங்க விரும்பி சாப்பிடுவாங்க.. -
கோடையில் எப்பவும் பளிச்சுன்னு பிரகாசமா தெரியணுமா? அப்ப பப்பாளியை வெச்சு இப்படி ஃபேஸ் பேக் போடுங்க.. -
புதன் பெயர்ச்சியால் உருவாகும் நீச்சபங்க ராஜயோகம்: ஏப்ரலில் இந்த 3 ராசிக்கு தொழிலில் டபுள் லாபம் கிடைக்கும்... -
இந்த ரசத்தை அடிக்கடி செஞ்சு சாப்பிடுங்க.. உடல் கொழுப்பும், எடையும் சர்ர்-ன்னு குறையும்.. -
Ramzan Eid 2026: ரம்ஜான் பிரியாணி சாப்பிட்டு அஜீரண கோளாறு வரக்கூடாதா? அப்ப இத ஒரு டம்ளர் குடிங்க போதும்..
ஜெட் வேகத்தில் போச்சே தங்கம் விலை.. இன்னைக்கு படக்குனு சரிஞ்சுருச்சே! இன்றைய விலை என்ன தெரியுமா?
சென்னை: தங்கத்தின் விலை கடந்த சில நாட்களாக மீண்டும் அதிரடியாக உயர்ந்து வருகிறது. கடந்த அக்டோபர் மாதம் முழுவதும் ஏற்ற இறக்கத்துடன் இருந்த தங்க விலை, நேற்று சவரனுக்கு ரூ.1,760 வரை அதிகரித்த நிலையில், இன்று சரிவைச் சந்தித்துள்ளது. சென்னையில் இன்று ஆபரணத் தங்கம் ஒரு கிராமிற்கு ரூ.100 குறைந்து ரூ.11,600க்கும், சவரனுக்கு ரூ. 800 குறைந்து ரூ. 92,800க்கு விற்பனையாகிறது.
தீபாவளி பண்டிகைக்கு முன்பு தங்கத்தின் விலை வேகமாக உயர்ந்த நிலையில், பண்டிகைக்குப் பிறகு திடீரென குறைந்தது. இதனால் திருமண நகை வாங்க திட்டமிட்டவர்கள் மகிழ்ச்சியடைந்தனர். ஆனால் தங்கத்தின் விலை மீண்டும் உயரத் தொடங்கியுள்ளதால், தங்க முதலீட்டாளர்கள் மற்றும் நகை வியாபாரிகள் மகிழ்ச்சியடைந்துள்ளனர்.

கடந்த மாதம் அக்டோபர் 22ஆம் தேதி தங்கத்தின் விலை சவரனுக்கு ரூ.3,680 வரை சரிந்தது. அதன்பின் அக்டோபர் 28ஆம் தேதி மேலும் ரூ.2,200 குறைந்து, ஒரு சவரன் ரூ.89,000க்கும் கீழ் விற்பனையாகியது. இது கடந்த சில மாதங்களில் மிகக் குறைந்த விலை என்ற சாதனையாக பதிவாகியது.
தங்கம் விலை
பொதுவாக தீபாவளி காலத்தில் தங்கம் வாங்கும் போக்கு அதிகமாக இருக்கும். ஆனால் இந்த ஆண்டு பண்டிகைக்கு பிறகு விலை திடீரென சரிந்ததால், நகை கடைகளில் விற்பனை மந்தமானது. பலரும் விலை மீண்டும் குறையும் எனக் காத்திருந்தனர். ஆனால் கடந்த சில நாட்களாக சர்வதேச சந்தையில் தங்கத்தின் தேவை அதிகரித்ததோடு, டாலர் மதிப்பு குறைந்ததும், விலை மீண்டும் உயர்ந்துள்ளது. சென்னையில் நேற்று முன்தினம் ஒரு கிராம் ஆபரண தங்கம் ரூ.11,300-க்கு விற்பனையாகியிருந்தது.
நேற்றைய தங்கம் விலை நிலவரம்
நேற்றைய தினம் காலையில், மேலும் ரூ.1,760 உயர்ந்து சவரனுக்கு ரூ.93,600 என்ற விலையில் விற்பனையானது. வெள்ளி விலையும் இதனுடன் சிறிய அளவில் உயர்ந்துள்ளது. ஒரு கிராம் வெள்ளி ரூ.1 அதிகரித்து ரூ.170க்கு விற்பனையாகிறது. இந்நிலையில், வரும் நாட்களில் தங்கத்தின் விலை மேலும் அதிகரிக்கும் என்கின்றனர் பொருளாதார நிபுணர்கள்.
இன்றைய தங்கம் விலை
பண்டிகை காலம் முடிந்திருந்தாலும், விலை மேலும் அதிகரிக்கும் என்பதால் பெண்களிடம் நகை வாங்கும் போக்கு அதிகரித்துள்ளது. இதனால் விலை அதிகரிக்கும் என நகை வியாபாரிகள் கூறியிருந்தனர். ஆனால், எதிர்பார்ப்புக்கு மாறாக தங்கம் விலை திடீரென குறைந்துள்ளது. நேற்று சவரனுக்கு ரூ.1,760 வரை அதிகரித்த நிலையில், இன்று சரிவைச் சந்தித்துள்ளது. சென்னையில் இன்று ஆபரணத் தங்கம் ஒரு கிராமிற்கு ரூ.100 குறைந்து ரூ.11,600க்கும், சவரனுக்கு ரூ. 800 குறைந்து ரூ. 92,800க்கு விற்பனையாகிறது. அதே நேரத்தில் கிராமுக்கு ரூ.3 உயர்ந்து ரூ.173க்கு விற்பனையாகிறது.
தங்கம் விலை அதிகரிக்குமா?
தங்கத்தின் விலை ஏற்றம் தற்காலிகமாக இருக்கலாம். உலக சந்தை நிலைமைகள் அமைதியானால் மீண்டும் விலை குறையும் வாய்ப்பு உள்ளது. முதலீட்டாளர்கள் தற்போது மிகுந்த கவனத்துடன் செயல்பட வேண்டும்" என அறிவுறுத்துகின்றனர் பொருளாதார நிபுணர்கள். இதனால், தங்கம் வாங்க நினைக்கும் பொதுமக்கள் சில நாட்கள் காத்திருந்து சந்தை நிலையை கவனிக்க வேண்டுமா? அல்லது உடனே வாங்க வேண்டுமா? என்ற குழப்பத்தில் உள்ளனர். இருப்பினும், திருமண சீசன் தொடங்கும் நிலையில் தங்கக் கடைகளில் மீண்டும் கூட்டம் அதிகரிக்கும் என வணிக வட்டாரங்கள் தெரிவிக்கின்றன.
Credit: Oneindia



Click it and Unblock the Notifications











