வாடகைக்கு மனைவி கொடுக்கும் வினோத நாடு? இதற்கு எவ்வளவு கட்டணம் வாங்குறாங்க தெரியுமா?

உலகில் சில நாடுகள் நாம் நினைத்து கூட பார்க்க முடியாத அளவிற்கு தனித்துவமானது மற்றும் சிறப்பு வாய்ந்தது. சில நாடுகள் அவற்றின் வினோதமான கலாச்சாரங்களுக்கும், செயல்பாடுகளுக்கும் பெயர் பெற்றவை. சில நாடுகள் தங்கள் கலாச்சாரம், இரவு நேர வாழ்க்கை மற்றும் சுற்றுலாத் தலங்களுக்குப் பெயர் பெற்றவை. ஆனால் உலகின் ஒரு நாட்டில் 'வாடகை மனைவி' என்ற மிகவும் வித்தியாசமானதொரு நடைமுறை உருவாகியுள்ளது. இந்த நடைமுறையின் படி, சுற்றுலாப் பயணிகள் தங்கள் பயணத்தின்போது தற்காலிக மனைவியாகத் தேர்ந்தெடுக்கும் ஒரு பெண்ணுடன் நேரத்தைச் செலவிட முடியும் என்று கூறப்படுகிறது.

எந்த நாடு வாடகை மனைவியை வழங்குகிறது?

கடற்கரைகள் மற்றும் இரவு நேரக் கொண்டாட்டங்களுக்குப் பெயர் பெற்ற நாடான தாய்லாந்தில் இந்த விபரீதமான ட்ரெண்ட் ன் நடைமுறையில் உள்ளது. பட்டாயா போன்ற சுற்றுலாப் பயணிகள் அதிகம் கூடும் நகரங்களில், 'வாடகை மனைவி' என்ற நடைமுறை உள்ளூர் சுற்றுலாச் சூழலின் ஒரு பகுதியாக மாறியுள்ளதாகவும், இது வெளிநாட்டுப் பயணிகளின் கவனத்தை மிகவும் ஈர்த்துள்ளதாகவும் கூறப்படுகிறது.

வாடகை மனைவி என்றால் என்ன?

'வாடகை மனைவி' என்பது உண்மையான திருமண உறவு அல்ல. இது ஒரு சுற்றுலாப் பயணியுடன் அவரது பொழுதுபோக்கிற்காகவும், தனிப்பட்ட ,மகிழ்ச்சிக்காகவும் ஒரு பெண் துணையாக இருந்து நேரத்தைச் செலவிடும் ஒரு தனிப்பட்ட ஏற்பாடாகும். இதில் ஒன்றாகப் பயணம் செய்தல், நேரத்தைச் செலவிடுதல் மற்றும் துணையாக இருத்தல் போன்ற செயல்பாடுகள் அடங்கலாம். பரஸ்பர உடன்பாட்டின் அடிப்படையில், இந்த ஏற்பாடு சில மணிநேரங்கள் முதல் பல நாட்கள் அல்லது சில மாதங்கள் வரை கூட நீடிக்கலாம்.

இந்த நடைமுறை எப்படி செயல்படுகிறது?

இந்த உறவு இரு தரப்பினருக்கும் இடையிலான ஒரு தனிப்பட்ட ஒப்பந்தத்தை அடிப்படையாகக் கொண்டது. இதன் விதிமுறைகளும் கால அளவும் முன்கூட்டியே தீர்மானிக்கப்படுகின்றன. இது அதிகாரப்பூர்வமான அல்லது சட்டப்பூர்வமான திருமணம் அல்ல. மாறாக, முக்கியமாகப் பயணங்களின்போது துணையாக இருப்பதற்காக மேற்கொள்ளப்படும் பரஸ்பர சம்மதத்தின் அடிப்படையிலான ஒரு தற்காலிக ஏற்பாடாகும்.

இதற்கான கட்டணம் எவ்வளவு?

வாடகை மனைவியின் கட்டணம் என்பது அந்த பெண்ணின் வயது, தோற்றம் மற்றும் கல்வி போன்ற காரணிகளைப் பொறுத்து மாறுபடும். இதன் கட்டணம் சுமார் 1,600 அமெரிக்க டாலர்கள் முதல் 1,16,000 அமெரிக்க டாலர்கள்(இந்திய மடிபில் 1.5 லட்சம் முதல் 11 லட்சம்) வரை இருக்கலாம் என்று தகவல்கள் தெரிவிக்கின்றன. குறிப்பாக சுற்றுலாப் பயணிகள் அதிகம் வருகை தரும் பகுதிகளில், பல பெண்களுக்கு இந்த ஏற்பாடு ஒரு முக்கியமான வருமான ஆதாரமாக மாறியுள்ளது.

சர்ச்சைக்குரிய நடைமுறை

சாதாரண முயற்சியாக தொடங்கப்பட்ட இந்த ட்ரெண்ட் இப்போது மிகப்பெரிய வர்த்தகமாக உருவெடுத்துள்ளது. இந்த நடைமுறை பற்றி 'Thai Taboo: The Rise of Wife Rental in Modern Society' என்ற புத்தகம் விவரிக்கிறது. இது சட்டப்பூர்வமாக முறைப்படுத்தப்படாத, ஒரு தற்காலிக உறவாகவே நீடித்தாலும், சில சமயங்களில் இது நீண்ட கால உறவாகவும் மாறுவதாகக் கூறப்படுகிறது. இதனால் இது சர்ச்சை மிகுந்த ஒரு நடைமுறையாக மாறிவருகிறது.