வாஸ்துப்படி காதலர் தினத்தன்று இந்த பொருட்களை பரிசா கொடுங்க.. காதல் இன்னும் வலுவாகும்..

மூங்கில் செடி

வாஸ்து சாஸ்திரத்தில் மூங்கில் செடி மிகவும் மங்களகரமான செடியாக கருதப்படுகிறது. உங்கள் வாழ்க்கைத் துணைக்கு செடிகள் ரொம்ப பிடிக்குமானால், இந்த காதலர் தினத்தன்று மூங்கில் செடியை வாங்கி பரிசாக கொடுங்கள். இதனால் உங்கள் உறவில் அன்பும், அமைதியும் நீடித்திருக்கும் மற்றும் உங்கள் வாழ்க்கைத் துணையும் வாழ்வில் நல்ல முன்னேற்றத்தைக் காண்பார்கள்.

சிரிக்கும் புத்தர் சிலை

வாஸ்து சாஸ்திரத்தில் சிரிக்கும் புத்தர் சிலை மங்களகரமானதாக கருதப்படுகிறது. காதலர் தினத்தன்று உங்கள் காதலன்/காதலிக்கு சிரிக்கும் புத்தர் சிலையை பரிசாக வழங்கலாம். இந்த சிலையை பரிசாக வழங்கும் போது, அது உங்கள் துணையின் வாழ்வில் மகிழ்ச்சி, செழிப்பு மற்றும் அவர்களைச் சுற்றி நேர்மறை ஆற்றலைக் கொண்டு வரும்.

சிவப்பு நிற பூக்கள்

சிவப்பு நிற ரோஜாப் பூக்கள் காதலின் சின்னமாகும். மேலும் வாஸ்து சாஸ்திரத்தின் படி இந்த சிவப்பு நிற ரோஜாப் பூக்கள் மிகவும் மங்களகரமானதாகும். இந்த பூக்களை அளிக்கும் போது, அது இருவருக்கும் இடையேயான காதலை அதிகரிப்பதாக கூறப்படுகிறது.

பூக்களை கொடுக்கும் போது செய்யக்கூடாத தவறுகள்

காதலர் தினத்தன்று பெரும்பாலானோர் காதலை வெளிப்படுத்த சிவப்பு நிற ரோஜா பூக்களை வழங்குவார்கள். ஆனால் அப்படி ரோஜாப் பூக்களை வழங்கும் போது, அந்த பூவில் முட்கள் இருக்கக்கூடாது. முட்களுடன் பூக்களைக் கொடுத்தால், அது காதலை அதிகரிப்பதற்கு பதிலாக, உறவில் பிரச்சனையையும், விரிசலையும் அதிகரிக்கும்.

கிப்ட் பேப்பர் நிறமும் முக்கியம்

பொதுவாக பரிசுகளை வழங்கும் போது அந்த பரிசுகளை கிப்ட் பேப்பர் கொண்டு சுற்றி கொடுப்போம். வாஸ்து சாஸ்திரத்தில், ஒருவருக்கு பரிசை கொடுக்கும் போது கிப்ட் பேப்பரின் நிறமும் உறவில் தாக்கத்தை ஏற்படுத்துவதாக வாஸ்து நிபுணர்கள் கூறுகின்றனர். நீங்கள் இந்த காதலர் தினத்தன்று உங்கள் துணைக்கு பரிசுகளை வழங்கும் போது நீலம், கருப்பு அல்லது வெள்ளை நிற பேப்பரைப் பயன்படுத்த வேண்டாம். வேண்டுமானால் கோல்டன் நிறம், சிவப்பு, பிங்க், மஞ்சள் நிற பேப்பரைப் பயன்படுத்தலாம்.