சாணக்கிய நீதி படி இந்த 4 நபர்களுக்கு தெரியாம கூட உதவி செஞ்சுராதீங்க... இல்லனா அது உங்களுக்கே ஆபத்தாகிரும்...!

Chanakya Niti: சாணக்கியர் பண்டைய இந்தியாவின் தலைசிறந்த அறிஞர்களில் ஒருவர். அதனால்தான் சாணக்கியரின் தத்துவ நூல்கள் இன்றும் புகழ்பெற்றவையாக உள்ளன. சாணக்கியர் தனது நீதி நூல்களில் நம் வாழ்க்கையின் அனைத்து அம்சங்களைப் பற்றியும் விவாதிக்கிறார். வாழ்க்கை, பொருளாதாரம், சமூகம், திருமண வாழ்க்கை, திருமணம் மற்றும் காதல் பற்றி சில விஷயங்களை சாணக்கியர் குறிப்பிட்டுள்ளார்.

சாணக்கியரின் கூற்றுப்படி, எந்த நெருக்கடியிலும் நாம் உதவக்கூடாத சிலர் இருக்கிறார்கள். அவர்கள் ஏழ்மையிலும் அல்லது வாழ்க்கையே அழிந்தாலும் அவர்களுக்கு உதவக் கூடாது என்று சாணக்கியர் கூறுகிறார். அப்படி உதவி செய்வதால் உங்களுக்கு எந்த நன்மையும் கிடைக்காது. மேலும் பிற்காலத்தில் அதுவே உங்களுக்கு ஆபத்தாக மாற வாய்ப்புள்ளது என்று சாணக்கியர் எச்சரிக்கிறார். சாணக்கியர் தனது சாணக்கிய நீதியில் யாருக்கெல்லாம் உதவி செய்யக்கூடாது என்று அறிவுறுத்தியுள்ளார் என்று இந்த பதிவில் தெரிந்து கொள்ளலாம்.

நல்ல குணம் இல்லாத பெண்

பெரும்பாலும் ஏழைப் பெண்ணாக இருந்தால் எல்லாவற்றையும் மறந்துவிட்டு அடிக்கடி உதவி செய்கிறோம். ஆனால் அவர்களுக்கு ஏன் இப்படி ஒரு நிலை வந்தது என்பதை முதலில் நாம் புரிந்து கொள்ள வேண்டும். அவர்கள் உண்மையிலேயே சிக்கலில் இருக்கிறார்களா அல்லது வெறும் பாசாங்கு செய்கிறார்களா என்பதை உணர்ந்த பிறகுதான், அவர்களுக்கு உதவ வேண்டும்.

இல்லையெனில், நீங்கள் சிக்கலில் மாட்டிக் கொள்வீர்கள் என்பதே உண்மை. பெரும்பாலும் அவர்களின் நடத்தை மற்றும் குணாதிசயமே அவர்களை சிக்கலில் சிக்க வைக்கிறது என்று சாணக்கியர் கூறுகிறார். எனவே நீங்கள் ஒருவருக்கு உதவும் போது மிகவும் கவனமாக இருக்க வேண்டும்.

விசுவாசமற்றவர்கள்

சிலர் உதவிக்காக உங்களை மட்டுமே நம்பியிருப்பார்கள் மற்றும் பின்னாளில் அதை மறந்துவிடுவார்கள், அப்படிப்பட்டவர்களை ஒருபோதும் நம்பாதீர்கள். எக்காரணம் கொண்டும் இப்படிப்பட்ட துரோகிகளுக்கு உதவி செய்யாதீர்கள், அவர்களைத் திரும்பி கூட பார்க்காதீர்கள்.

உங்களுக்கு இது பெரிய சவாலாக மாறும். பெண்ணாக இருந்தாலும் சரி, ஆணாக இருந்தாலும் சரி, இந்த விஷயங்களை மனதில் கொண்டுதான் உதவி செய்ய வேண்டும். இல்லையேல் நீங்களும் சிக்கலில் சிக்குவது நிச்சயம். எனவே இப்படிப்பட்டவர்களின் வலையில் சிக்காமல் கவனமாக இருங்கள்.

சோகமாக இருப்பவர்கள்

உண்மையிலேயே தனிமையிலும் சோகத்திலும் இருப்பவர்களுக்கு உதவுவதில் தவறில்லை. ஆனால் அவர்கள் அத்தகைய உணர்வுகளை வெளிப்படுத்தினால், அவர்களுக்கு உதவுவதற்கு முன் நீங்கள் இரண்டு முறை யோசிக்க வேண்டும். ஏனென்றால் அவர்கள் ஒருபோதும் மகிழ்ச்சியாக இருக்க மாட்டார்கள், உலகத்தையே அவர்களின் காலடியில் வைத்தாலும், அவர்கள் மகிழ்ச்சியாக இருக்க மாட்டார்கள்.

எப்பொழுதும் ஏதாவது ஒரு விஷயத்தை நினைத்து புலம்புவதே அவர்களின் வேலையாக இருக்கும். எந்த காரணமும் இல்லாமல் கவலைப்படுபவர்களை ஒதுக்கி வைக்க வேண்டும். அவர்கள் உங்களிடமும் எதிர்மறை ஆற்றலை மட்டுமே பரப்புவார்கள்.

முட்டாள்கள்

முட்டாள்களுக்கு உதவ வேண்டாம் என்பதை எப்போதும் நினைவில் கொள்ள வேண்டும். அறிவைக் கொடுப்பது கூட அவர்களுக்குப் பெரும்பாலும் உதவாது, சொல்லப்போனால் அவர்கள் அதை விரும்புவதும் இல்லை. அதுமட்டுமல்லாமல், அவர்கள் சரியான வழியில் விஷயங்களைப் புரிந்துகொள்ளவும் முயற்சிப்பதில்லை. மேலும் அவர்கள் பல விஷயங்களைப் பற்றி வாதிடுகிறார்கள்.

அவர்களைத் திருத்தவோ, புரியவைக்கவோ ஒருபோதும் முயற்சிக்காதீர்கள். அது நல்ல விஷயமாக கருதப்படவில்லை. எனவே அப்படிப்பட்டவர்களுக்கு உதவி செய்யவோ அல்லது அறிவுரை கூறவோ செல்லவேண்டாம் என்கிறார் சாணக்கியர்.