ஒரு கிலோ 50000 ரூபாய்க்கு விற்கப்படும் உலகின் அபூர்வமான உருளைக்கிழங்கு... இதில் என்ன ஸ்பெஷல் தெரியுமா?

இந்தியாவில் அதிகளவு மக்களால் பயன்படுத்தப்படும் மிகவும் பொதுவான காய்கறி என்றால் அது உருளைக்கிழங்குதான், அதனால்தான் அது காய்கறிகளின் ராஜா என்று அழைக்கப்படுகிறது. ஆண்டு முழுவதும் கிடைக்கும் காய்கறியாக இருப்பதால் அதன் பயன்பாடு இந்தியாவில் மிகவும் அதிகமாக இருக்கிறது.

இந்தியாவில் அதிக பட்சமாக உருளைக்கிழங்கின் விலை நூறு ரூபாய்க்குள்தான் இருக்கிறது. ஆனால், கிலோ ஆயிரம் ரூபாய்க்கு விற்கும் உருளைக்கிழங்கு ரகம் உள்ளது உங்களுக்குத் தெரியுமா?

உண்மைதான் அவ்வளவு காஸ்ட்லியான உருளைக்கிழங்கும் மார்க்கெட்டில் கிடைக்கிறது. ஆனால் அது இந்தியாவில் விளைவதில்லை, அது பிரான்சில் விளையும் 'Le Bonnotte' வகை உருளைக்கிழங்காகும், அதன் விலை தங்கத்தின் விலையைப் போன்றது.

'Le Bonnotte' உருளைக்கிழங்கின் விலை என்ன?
Le Bonnotte உருளைக்கிழங்கின் விலை கிலோ ஒன்றுக்கு 50,000 முதல் 90,000 வரை இருக்கும். இந்த தொகையில், இந்திய காய்கறி சந்தையில் ஒருவர் 100 குவிண்டால் உருளைக்கிழங்கு வாங்க முடியும். இந்தியாவில் தற்போது 100 ரூபாய்க்கு 5 கிலோ உருளைக்கிழங்கு கிடைக்கும் தருணத்திலும் உலகம் முழுக்க மக்கள் இந்த காஸ்ட்லியான உருளைக்கிழங்கை வரிசையில் நின்று வாங்குகிறார்கள்.

இந்த உருளைக்கிழங்கு ஏன் இவ்வளவு காஸ்ட்லி?
விலையுயர்ந்த Le Bonnotte உருளைக்கிழங்கை அனைவராலும் வாங்க முடியாது மற்றும் அவற்றின் 'அதிக விலைக்கு' முக்கிய காரணம் அவற்றின் குறைந்த உற்பத்தியாகும். உலகம் முழுவதும் இந்த உருளைக்கிழங்கின் உற்பத்தி சுமார் 100 டன்கள் மட்டுமே மற்றும் இது வெறும் கையால் அறுவடை செய்யப்படுகிறது.

இந்த உருளைக்கிழங்கு ஒவ்வொரு ஆண்டும் மே மற்றும் ஜூன் மாதங்களில் குறுகிய காலத்திற்கு மட்டுமே கிடைக்கும். இது அட்லாண்டிக் பெருங்கடலில் உள்ள லோயர் பிராந்தியத்தின் கரையோரத்தில் அமைந்துள்ள பிரெஞ்சு தீவான Noirmoutier இல் வளர்க்கப்படுகிறது. குறைந்த அளவு கிடைப்பது, தனித்துவமான சுவை மற்றும் அதிக தேவை காரணமாக, Le Bonotte உருளைக்கிழங்கு உலகின் மிக விலையுயர்ந்த உருளைக்கிழங்கு என்ற பெயரைப் பெற்றுள்ளது. இந்த உருளைக்கிழங்கின் உண்மையான விலை ஆண்டு மற்றும் பயிர் கிடைக்கும் தன்மையைப் பொறுத்து மாறுபடும்.

Le Bonote உருளைக்கிழங்கு பற்றிய சுவாரஸ்யமான உண்மைகள்
இந்த உருளைக்கிழங்கு ஒரு உள்ளூர் விவசாயி பெனாய்ட் பொனோட் என்பவரால் பெயரிடப்பட்டது, அவர் அந்த தீவில் முதன்முதலில் பல்வேறு வகைகளை பயிரிட்டார் என்று கூறப்படுகிறது. இந்த உருளைக்கிழங்கு பாரம்பரிய முறைகள் மூலம் வளர்க்கப்படுகிறது, கையால் நடவு மற்றும் அறுவடை உட்பட அனைத்தும் பாரம்பரிய முறைப்படி செய்யப்படுகிறது. La Bonnotte உருளைக்கிழங்கு ஒவ்வொரு ஆண்டும் ஒரு குறுகிய காலத்திற்கு மட்டுமே கிடைக்கும். இப்போது அதன் சீசன் உச்சக்கட்டத்தில் இருக்கும்.

இதன் சிறப்புகள் என்ன?
Le Bonnotte உருளைக்கிழங்கு ஒரு சிறிய, மென்மையான மற்றும் அரிய வகை உருளைக்கிழங்கு ஆகும், இது பிரான்சில் ஒரு பிரபலமான சுவையாக கருதப்படுகிறது. இந்த உருளைக்கிழங்கு பொதுவாக ஒரு கோல்ஃப் பந்தைக் காட்டிலும் பெரியதாக இருக்காது, மேலும் மெல்லிய தோலுடையது, அதை எளிதில் வேகவைக்கலாம். உருளைக்கிழங்கின் சதைப்பகுதி க்ரீம் போன்று இருக்கும் மற்றும் அதன் அமைப்பு மென்மையானதாக வெண்ணெய் போன்றிருக்கும். இதனை பல்வேறு வடிவங்களில் சமைத்துப் பரிமாறலாம்.