நறுக்கிய காய்கறிகள் ஒரு வாரம் வரை கெட்டுப்போகாமல் இருக்கணுமா? அப்ப இத பண்ணுங்க...!

ஆரோக்கியமான வாழ்க்கை முறை என்று வரும்போது அதில் காய்கறிகள் தவிர்க்க முடியாத அங்கமாகும். காய்கறிகள் எவ்வளவு ஆரோக்கியமானவையோ அதேயளவிற்கு அவற்றை சமைப்பது மற்றும் சுத்தம் செய்வது மிகவும் கடினமானது.

ஒரு பரபரப்பான வாழ்க்கை முறை அல்லது கடினமான வேலைக்குப் பிறகு சோர்வு ஏற்படும் போது, காய்கறிகளை சுத்தம் செய்து நறுக்கி சமைப்பது மிகவும் கடினமான பணியாகும்.

அதற்காகத்தான் தினசரி காய்கறிகளை வெட்டுவது மற்றும் நறுக்குவதற்குப் பதிலாக ஒரு வாரத்திற்குத் தேவையான காய்கறிகளை வெட்டி வைக்க விரும்புகிறோம். ஆனால் இதிலிருக்கும் பிரச்சினை என்னவென்றால் நறுக்கிய காய்கறிகள் விரைவில் கெட்டுவிடும். நறுக்கிய காய்கறிகள் நீண்ட நாட்கள் கெட்டுப்போகாமல் இருக்க என்ன செய்ய வேண்டுமென்று இந்த பதிவில் பார்க்கலாம்.

காய்கறிகளை கழுவக்கூடாது

இது வினோதமாகத் தோன்றலாம், ஆனால் நீங்கள் நீண்ட நாட்கள் சேமிக்க விரும்பும் காய்கறிகளைக் கழுவுவது விரைவில் அழுகுவதற்கு வழிவகுக்கும். ஏனென்றால், ஈரப்பதத்தின் வெளிப்பாடு காய்கறிகளை வேகமாக கெட்டுப்போக வைக்கும். ஒரு ஜிப் லாக் பையில் வைத்து, அதை சமைப்பதற்கு முன் நன்கு கழுவவும்.

உலர்வாக வைக்கவும்

ஈரப்பதம் பாக்டீரியா மற்றும் பூஞ்சை வளர்ச்சிக்கு வழிவகுக்கும், எனவே நறுக்கிய காய்கறிகளை உலர வைப்பது முக்கியம். டப்பாக்களில் வைப்பதற்கு முன் சுத்தமான சமையலறை துண்டு அல்லது பேப்பர் கொண்டு அத்தனை நன்கு உலர வைக்கவும். அதிகப்படியான ஈரப்பதத்தை உறிஞ்சுவதற்கு கொள்கலனின் அடிப்பகுதியில் காகித துண்டுகளை நீங்கள் வைக்கலாம்.

தனித்தனியாக சேமிக்கவும்

சில காய்கறிகள் எத்திலீன் வாயுவை வெளியிடுகின்றன, இது மற்ற காய்கறிகளின் கெட்டுப்போகும் வேகத்தை துரிதப்படுத்தும். எத்திலீன் உற்பத்தி செய்யும் காய்கறிகளான தக்காளி, அவோகேடா மற்றும் வாழைப்பழங்களை, இலை கீரைகள், ப்ரோக்கோலி மற்றும் கேரட் போன்ற அதிக உணர்திறன் கொண்ட காய்கறிகளை விட்டு விலக்கி தனித்தனியாக சேமித்து வைக்கவும்.

வெளிரச் செய்வது

சில காய்கறிகளை நீங்கள் வெளிரச் செய்து, குளிர்நத நீரில் கழுவலாம், அதன்பின் அவற்றை காற்றில் உலர விடவும் மற்றும் ஃபிரிட்ஜில் காற்று புகாத கொள்கலனில் சேமிக்கவும். சமைப்பதற்கு முன் அவற்றை கூலிங் போக செய்து சமைக்கவும்.

காற்றுப்புகாத டப்பாக்கள்

உங்களின் நறுக்கிய காய்கறிகளை சேமிக்க காற்று புகாத கொள்கலன்கள் அல்லது பிளாஸ்டிக் பைகளைப் பயன்படுத்தவும். ஆக்சிஜனேற்றத்தைக் குறைக்க, கொள்கலன்கள் அல்லது பைகளில் இருந்து அதிகப்படியான காற்றை அகற்றுவதை உறுதிப்படுத்திக் கொள்ளுங்கள், இதனால் காய்கறிகள் விரைவில் கெட்டுப்போவது தடுக்கப்படும். புத்துணர்ச்சியைக் கண்காணிக்க நீங்கள் சேமிக்கும் தேதியை எழுதி ஒட்டவும்.