உங்க வீட்டில் எறும்பு தொல்லை தாங்க முடியலையா? இந்த பொருட்களை யூஸ் பண்ணுனா நிரந்தரமா விரட்டிரலாமாம்!

நமக்கு வீட்டிற்குள் பயங்கரமான தொந்தரவைக் கொடுக்கும் சிறிய பூச்சிகளில் எறும்புகள் மிகவும் முக்கியமானவை. வீடு முழுவதும் எறும்புகளின் ஊர்வலத்தை பார்ப்பதும், அனைத்து உணவுகளைச் சுற்றியும் எறும்புகள் சுற்றி திரிவதும் உண்மையில் மிகவும் எரிச்சலூட்டும் ஒன்றாகும். அது மட்டுமின்றி, உங்கள் வீட்டிற்குள் எறும்புகள் இருப்பது மிகவும் சுகாதாரமற்றது.

நெருப்பு மற்றும் கட்டெறும்புகள் மனிதர்களைக் கடித்து வீக்கத்தையும் ஏற்படுத்தும். சில எறும்புகள் வீட்டின் கட்டுமானத்தையே சேதப்படுத்தும். எறும்புகள் பலதரப்பட்ட குடும்பத்தைக் கொண்டுள்ளன; அவை சுமார் 12,000 வெவ்வேறு வகையான எறும்புகள்உள்ளன.

கோடைகாலத்தில் நமது வீடுகளில் எறும்புகளின் ஆதிக்கம் மிகவும் அதிகமாக இருக்கும். எறும்புகளை வீட்டை விட்டு விரட்ட உதவும் சில வழிகள் உள்ளன; அவற்றில் ஒன்று உங்கள் வீட்டை முற்றிலும் சுத்தமாக வைத்திருப்பது. அது மட்டுமின்றி வேறுசில வீட்டு வைத்தியங்களும் எறும்புகளின் தொல்லையிலிருந்து உங்களைக் காப்பாற்றும்.

சாக்பீஸ்

எறும்புகளை விரட்டும் சிறந்த வீட்டு வைத்தியங்களில் ஒன்று சுண்ணாம்பு. சுண்ணாம்பில் கால்சியம் கார்பனேட் உள்ளது, இது எறும்புகளைத் தடுக்க உதவுகிறது. எறும்புகள் நுழையும் இடங்களில் சிறிது சுண்ணாம்புத் தூளை தெளிக்கவும் அல்லது நுழைவாயிலில் சுண்ணாம்பு கோட்டை வரையவும். இந்த சுண்ணாம்புக் கோடுகள எறும்புகள் உள்ளே வருவதை ஏன் தடுக்கும்.

எலுமிச்சை

எறும்பு நுழையும் இடங்களில் எலுமிச்சைப் பழத்தை பிழிந்து அல்லது எறும்புகள் இருக்கும் இடத்தில் எலுமிச்சைத் தோல்களை வைக்கவும். சிறிது எலுமிச்சை சாறு சேர்க்கப்பட்ட தண்ணீரில் உங்கள் தரையையும் கழுவலாம். எறும்புகளுக்கு எலுமிச்சம்பழச் சாற்றின் வாசனை பிடிக்காது, அதனால் அவை உங்கள் வீட்டை விட்டு விலகி இருக்கும். புளிப்பு மற்றும் கசப்பான எந்த பொருளும் எறும்புகளைத் தடுக்கலாம்.

ஆரஞ்சு

ஆரஞ்சும் எலுமிச்சை போன்ற பலன்களை அளிக்கிறது. அவை எறும்புகளை உங்கள் வீட்டிற்குள் வரவிடாமல் தடுக்கின்றன. ஒரு கப் வெதுவெதுப்பான நீர் மற்றும் ஒரு சில ஆரஞ்சு தோலை சேர்த்து ஒரு பேஸ்ட் செய்து கொள்ளவும், இது எறும்புகளை அகற்ற உதவும். இந்த பேஸ்டை எறும்புகள் நுழையும் இடங்களை சுற்றி தடவி பின்னர் துடைக்கவும். சமையலறை ஸ்லாப் அல்லது இந்த எறும்புகள் எங்கிருந்து நுழையலாம் என்று நீங்கள் நினைக்கிறீர்களோ அங்கெல்லாம் ஆரஞ்சு தோல்களை வைக்கலாம். இது எறும்புகளுக்கு இயற்கையான தடுப்பாக செயல்படுகிறது.

மிளகு

எறும்புகள் கசப்பு சுவையைப் போலவே காரத்தையும் வெறுக்கின்றன. உங்கள் வீட்டிற்குள் எறும்புகள் நுழையும் இடங்களில் மிளகுத்தூள் தூவவும். இது எறும்புகளை விரட்ட உதவும். சிவப்பு மிளகு அல்லது கருப்பு மிளகு எறும்புகளால் வெறுக்கப்படுகிறது. நீங்கள் மிளகு மற்றும் தண்ணீர் கரைசலை உருவாக்கி, எறும்பு நுழையும் பகுதிகளுக்கு அருகில் தெளிக்கலாம். மிளகு எறும்புகளைக் கொல்லாது, ஆனால் அவை உங்கள் வீட்டிற்குத் திரும்புவதைத் தடுக்கும். நீங்கள் மிளகு கரைசலை தெளிக்க விரும்பும் பகுதியை சுத்தம் செய்வதை உறுதிப்படுத்திக் கொள்ளுங்கள்.

உப்பு

எறும்புகள் வீட்டிற்குள் நுழையும் வழிகளிலும், வீட்டின் மூலைகளிலும் உப்பைப் பரப்புவது எறும்புகளைத் தடுக்க உதவும். இயற்கையான முறையில் எறும்புகளை அகற்றுவதற்கான சிறந்த மற்றும் மலிவான வழிகளில் உப்பு முக்கியமானதாகும். நீங்கள் செய்ய வேண்டியது எல்லாம் தண்ணீரைக் கொதிக்க வைத்து, அதில் அதிக அளவு உப்பு சேர்த்து, கரையும் வரை கிளறவும். இந்த கரைசலை எறும்பு நுழையும் இடங்களில் தெளிக்கவும்.

இலவங்கப்பட்டை

இலவங்கப்பட்டை மற்றும் கிராம்புகளை வீட்டின் நுழைவாயிலிலும், எறும்புகள் நுழையலாம் என்று நீங்கள் நினைக்கும் பகுதிகளிலும் வைக்கவும். மேலும் உங்கள் வீட்டை புத்துணர்ச்சியுடனும், வாசனையுடனும் வைத்திருக்க இது ஒரு நல்ல வழி. இலவங்கப்பட்டை பெரும்பாலும் எறும்பை விரட்ட பரவலாக பயன்படுத்தப்படும் பொருளாக இருக்கிறது. எறும்புகள் கடுமையான வாசனையைத் தாங்காது என்பதால் இலவங்கப்பட்டை இயற்கையான விரட்டியாக செயல்படுகிறது என்று நம்பப்படுகிறது.

புதினா

புதினா ஒரு சிறந்த இயற்கை பூச்சி விரட்டியாகும், இது எறும்புகளை விரட்ட உதவும். எறும்புகள் புதினா வாசனையை விரும்புவதில்லை மற்றும் அவை இருக்கும் இடங்களைத் தவிர்க்கும். புதினா எறும்புகளால் தாங்க முடியாத ஒரு வலுவான நறுமணத்தைக் கொண்டுள்ளது, இது அவற்றை வீட்டிற்குள் நுழைவதைத் தடுக்கிறது. 10 துளிகள் புதினா எண்ணெய் மற்றும் ஒரு கப் தண்ணீர் கலவையை தயார் செய்து, எறும்புகள் இருக்கும் இடத்தில் தெளிக்கவும். இதை ஒரு நாளைக்கு இரண்டு முறை செய்யவும்.