உங்க உடலில் இந்த அறிகுறிகள் இருக்கா? அப்ப உங்க கல்லீரல் பெரிய ஆபத்தில் இருக்குன்னு அர்த்தமாம்...ஜாக்கிரதை!

கல்லீரலில் சிரோசிஸ்

கல்லீரல் இழைநார் வளர்ச்சி என்றழைக்கப்படும் கல்லீரல் சிரோசிஸ் மிகவும் கடுமையானது. இது கல்லீரல் செயலிழப்பு, கல்லீரல் புற்றுநோய் மற்றும் மரணம் போன்ற சிக்கல்களை ஏற்படுத்த வாய்ப்புள்ளது. இந்த நோய்க்கான அடிப்படை காரணத்தை கணடறிந்து, அறிகுறிகள் மற்றும் சிக்கல்களைக் கட்டுப்படுத்த மருந்துகளை உட்கொள்ள வேண்டும். மேலும் சில சந்தர்ப்பங்களில் கல்லீரல் மாற்று அறுவை சிகிச்சை செய்யக்கூடிய ஆபத்தான நிலையும் ஏற்படலாம்.

மஞ்சள் காமாலை

அடிக்கடி தோல் மற்றும் கண்களின் வெள்ளை நிறம் மஞ்சள் நிறமாக மாறுவது, கல்லீரல் சிரோசிஸின் ஒரு அறிகுறி. இரத்த சிவப்பணுக்களை அழிப்பதன் மூலம் பிலிரூபின் என்ற கழிவுப் பொருளானது, இரத்தத்தில் உருவாகி, கல்லீரலால் அதைச் செயல்படுத்த முடியாதபோது மஞ்சள் நிறத்தை உருவாக்குகிறது. இது கண் மற்றும் தோலில் ஏற்படுகிறது.

சோர்வு மற்றும் பலவீனம்

கல்லீரலில் சிரோசிஸ் பிரச்சனை வளர்ந்து வரும்போது, அது கல்லீரல் செயல்பாட்டை முற்றிலும் பாதிக்கும். கல்லீரல் செயல்பாடு குறையத் தொடங்கும்போது, உடல் முக்கியமான வளர்சிதை மாற்றப் பணிகளைச் செய்வது கடினமாக மாறுகிறது. இது உங்களுக்கு உடல் சோர்வு, பலவீனம் மற்றும் ஒட்டுமொத்த உடல்நலக்குறைவை ஏற்படுத்தும்.

அடிவயிற்றில் வீக்கம் மற்றும் வலி

அடிவற்றில் திரவம் குவியும் நிலை ஆஸ்கைட்ஸ் என்று அழைக்கப்படுகிறது. சிரோசிஸ் பிரச்சனை உங்கள் வயிற்றில் திரவத்தை உருவாக்கலாம். இதன் விளைவாக வயிற்றில் வீக்கம் மற்றும் வலி ஏற்படலாம். இந்நிலையில், ஆஸ்கைட்ஸ் மற்ற உறுப்புகளுக்கு அழுத்தம் கொடுத்து உங்கள் வலியை அதிகரிக்க வாய்ப்புள்ளது.

இரைப்பை குடல் இரத்தப்போக்கு

கல்லீரல் இழைநார் வளர்ச்சியானது அசாதாரண குடல் இரத்தப்போக்கை ஏற்படுத்தலாம். இது உணவுக்குழாயின் மூலம் மலத்தில் இரத்தத்தை வெளியேற்றுகிறது. கல்லீரல் மோசமடைவதால், குறைவான இரத்த உறைவு புரதங்கள் உற்பத்தி செய்யப்படுகின்றன. இது இரத்தப்போக்கு உள் மற்றும் வெளிப்புறமாக கட்டுப்படுத்த எளிதாக்குகிறது.

மன நிலையில் மாற்றங்கள்

கல்லீரல் சரியாக வேலை செய்யாதபோது, பொதுவாக உடலில் இருந்து வடிகட்டப்படும் நச்சுகள் (அம்மோனியா) இரத்த ஓட்டத்தில் குவிந்து, குழப்பம், மனநிலையில் மாற்றம் மற்றும் நினைவாற்றல் பிரச்சினைகள் போன்ற மன மாற்றங்களை ஏற்படுத்தும். சில நேரங்களில், சிரோசிஸ் குணப்படுத்த முடியாத பிரச்சனையாக இருக்கலாம். ஆனால் அறிகுறிகள் மற்றும் சிக்கல்களை நிர்வகிக்க சில வழிகள் உள்ளன. அதன் மூலம் நிலைமை மோசமடைவதை தடுக்கலாம்.