ஆண்களே! எந்த வயதில் உங்க ஆணுறுப்பின் வளர்ச்சி நிற்கிறது தெரியுமா? இப்போ உங்க வயசு என்ன?

விரை வளர்ச்சி

விரை வளர்ச்சி என்பது பொதுவாக ஆண்கள் பருவமடைவதற்கான முதல் அறிகுறியாக இருக்கும். இது விதைப்பையில் ஏற்படும் மாற்றங்களுடன் தொடங்குகிறது. விதைப்பையின் தோல் கருமையாகி, பெரிதாகிறது. தோல் மெல்லியதாகி, சிறிய புடைப்புகள் மற்றும் மயிர்க்கால்களை உருவாக்குகிறது.

ஆண்குறி வளர்ச்சியை எப்போது நிறுத்துகிறது?

ஆண்குறி முதலில் நீளமாகவும் பின்னர் சுற்றளவிலும் வளரத் தொடங்கும். உங்களின் உயரத்தைப் போலவே, ஆணுறுப்பின் வளர்ச்சியும் இருக்கும். பருவமடையும்போது, வளரத் தொடங்கும், இந்த வளர்ச்சி சுமார் ஐந்து ஆண்டுகள் வரை நீடிக்கும். அந்த வகையில், பொதுவாக 18 முதல் 21 வயதில் ஆணுறுப்பின் வளர்ச்சி முடிவடைகிறது.

அளவுகள் என்ன சொல்கிறது?

ஆண்குறி வளர்ச்சி, வடிவம் மற்றும் அளவு பெரிதும் மாறுபடும். இது ஒவ்வொரு ஆணுக்கும் வேறுபடும். சாதாரண, சரியான அல்லது சிறந்த அளவுகள் என்று எதுவுமில்லை. சிறுநீர் கழித்தல் அல்லது உடலுறவு போன்ற நிலையான செயல்பாடுகளில் நீங்கள் சிக்கல்களை பிரச்சனைகளை சந்திக்கும் வரை, ஆண்குறி அளவைப் பற்றி கவலைப்பட வேண்டிய அவசியமில்லை. உங்கள் ஆண்குறியில் பிரச்சனை இருந்தால், உடனே மருத்துவரை நாடுங்கள்.

உங்கள் ஆண்குறியின் அளவை அதிகரிக்க முடியுமா?

உங்கள் ஆண்குறியின் அளவை அதிகரிக்கக்கூடிய மருத்துவ மற்றும் அறுவை சிகிச்சை விருப்பங்கள் உள்ளன. இருப்பினும், இவற்றில் பெரும்பாலானவை பல அபாயங்கள் மற்றும் சிக்கல்களை உங்களுக்கு ஏற்படுத்தலாம். மேலும், எந்த பக்கவிளைவுகளும் இல்லாமல் ஆணுறுப்பின் அளவைப் பாதுகாப்பாக அதிகரிக்க முடியும் என்பதைச் சரிபார்க்க போதுமான அறிவியல் சான்றுகளுடன் கூடிய மருந்து மாத்திரைகள், சப்ளிமெண்ட்ஸ், கிரீம்கள் அல்லது உடற்பயிற்சிகள் எதுவும் இல்லை. இந்த வழிகள் சிக்கலானவை மற்றும் முறையான மருத்துவ பரிந்துரை இல்லாமல் எதையும் முயற்சிக்கக்கூடாது என்பதை நினைவில் கொள்ளுங்கள்.

ஆணுறுப்பின் அளவு முக்கியமா?

பல ஆய்வுகளில், ஆண்களின் சராசரி ஆண்குறியின் அளவை மிகைப்படுத்தி மதிப்பிடுகின்றனர். இது அவர்களின் சராசரி அளவிலான ஆண்குறியை பற்றி சந்தேகத்தையும் பயத்தையும் ஏற்படுத்துகிறது. ஆண்குறியின் அளவைப் பற்றி நீங்கள் தவறாக நம்பிக்கொண்டிருக்கும் பல கட்டுக்கதைகள் உள்ளன. ஆணுறுப்பின் அளவு, உங்கள் துணை உங்களை எவ்வளவு கவர்ச்சியாகக் காண்கிறார் அல்லது நீங்கள் எவ்வளவு சிறப்பாக உடலுறவு கொள்கிறீர்கள் என்பதை பற்றி ஏதும் கூறவில்லை. உங்கள் ஆணுறுப்பின் அளவு உங்கள் டெஸ்டோஸ்டிரோன் அளவுகள், ஆண்மைத்தன்மை அல்லது இனப்பெருக்கத் திறன் ஆகியவற்றின் அடையாளம் அல்ல என்பதை புரிந்துகொள்ளுங்கள். உங்கள் உயரம் உங்கள் ஆண்குறியின் அளவைக் குறிக்கவில்லை, இவை அனைத்தும் ஆதாரம் இல்லாத கட்டுக்கதையான கருத்துக்கள்.