இந்த பிரச்சனை உள்ள பெண்களுக்கு அந்தரங்க உறுப்பில் ஆபத்து ஏற்பட வாய்ப்பு அதிகமாம்...ஜாக்கிரதை!

உயர் இரத்த சர்க்கரை அளவு

ஈஸ்ட் தொற்று சர்க்கரை நோயாளிகளை அதிகமாக பாதிக்கும். அதிக இரத்த சர்க்கரை அளவு உள்ளவர்களுக்கு யோனியில் ஈஸ்ட் தொற்று அதிகமாக வளரக்கூடும். உடலில் அதிகப்படியான இரத்த சர்க்கரை பூஞ்சைகளின் இனப்பெருக்கம் செய்யும் இடமாக செயல்படுகிறது. மேலும், அதிகப்படியான சர்க்கரையானது நெருக்கமான பகுதியில் உள்ள pH சமநிலையை பாதிக்கிறது. இது ஈஸ்ட் தொற்று மேலும் வளர வழிவகுக்கிறது.

நுண்ணுயிர் எதிர்ப்பிகள்

நுண்ணுயிர் எதிர்ப்பிகள் பல பாக்டீரியா தொற்றுகளுக்கு சிகிச்சையளிக்க உதவுகிறது. இது பாக்டீரியாவின் வளர்ச்சியை அழிக்கலாம் அல்லது மெதுவாக்கலாம். மேலும், இது சிக்கலான நிலைமைகளுக்கு வழிவகுக்கும். இருப்பினும், நுண்ணுயிர் எதிர்ப்பிகளின் பயன்பாடு பல பக்க விளைவுகளை ஏற்படுத்தலாம். அவற்றில் ஒன்று ஈஸ்ட் தொற்று. பரந்த அளவிலான பாக்டீரியாக்களை அழிக்கும் பரந்த-ஸ்பெக்ட்ரம் நுண்ணுயிர் எதிர்ப்பிகள், புணர்புழையில் உள்ள ஆரோக்கியமான பாக்டீரியாக்களையும் கொல்லலாம். இது ஈஸ்ட் தொற்றின் அதிக வளர்ச்சியை ஏற்படுத்தும்.

பேண்டி லைனர்கள்

பேண்டி லைனர்கள் ஈஸ்ட் தொற்றுக்கு வழிவகுக்கும் என்பதற்கு உறுதியான ஆதாரம் இல்லை என்றாலும், நாள்பட்ட ஈஸ்ட் தொற்றுக்கு ஆளாகும் பெண்கள் பேண்டி லைனர்களைப் பயன்படுத்துவதற்கு எதிராக அறிவுறுத்தப்படுகிறார்கள். ஏனெனில், அவை உங்கள் யோனியில் உள்ள ஈரப்பதத்தைப் பிடிக்கும் மற்றும் காற்று ஓட்டத்தைத் தடுக்கும், இது ஈஸ்ட் தொற்றை அதிகமாக உருவாக்கும்.

சுகாதார பொருட்கள்

மெடிக்கல் நியூஸ் டுடே கருத்துப்படி, உங்கள் யோனி பகுதியை கழுவுதல் மற்றும் பிற வகையான யோனி சுத்தப்படுத்திகள் பயன்படுத்துவது பாக்டீரியா தொற்றுக்கான அதிக ஆபத்தை 3.5 மடங்கு அதிகரிக்கிறது. அதேபோல, சிறுநீர் பாதை தொற்றுகளின் அபாயத்தை 2.5 மடங்கு அதிகரிக்கிறது. ஜெல் சானிடைசர்கள் ஈஸ்ட் நோய்த்தொற்றின் எட்டு மடங்கு அதிக ஆபத்துடன் தொடர்புடையவை என்று சுகாதார அமைப்பு தெரிவிக்கிறது. அத்துடன் பாக்டீரியா தொற்றுக்கான ஆபத்து கிட்டத்தட்ட 20 மடங்கு அதிகம் என்றும் அவை தெரிவிக்கிறது. ஆதலால், உங்கள் அந்தரங்க பகுதியில் பயன்படுத்தும் பொருட்கள் குறித்து நீங்கள் மிகவும் கவனமாக இருக்க வேண்டும்.

உள்ளாடைகள் அணிவதில் தவறுகள்

இறுக்கமான உள்ளாடைகள் உங்கள் அந்தரங்க பகுதியை சுவாசிக்க கடினமாக்குகிறது. இறுக்கமான மற்றும் செயற்கை உள்ளாடைகள் வெப்பம் மற்றும் ஈரப்பதத்தை தக்க வைக்கும், இது ஈஸ்ட் தொற்றுகளை மிகவும் பரவலாக்குகிறது. ஆதலால், பருத்தி உள்ளாடைகளை அணிய நிபுணர்கள் எப்போதும் பரிந்துரைக்கிறார்கள். இது ஈரப்பதத்தை ஆவியாக்க அனுமதிக்கிறது. மேலும், உங்கள் உள்ளாடைகள் தளர்வாக இருப்பதை உறுதிப்படுத்திக் கொள்ளுங்கள்.