அடிக்கடி சிறுநீர் கழிச்சிகிட்டே இருக்கீங்களா? அப்ப உங்களுக்கு இந்த ஆபத்தான நோய் இருக்க வாய்ப்பிருக்காம்!

நீரிழிவு நோய்

அதிக சிறுநீர் கழிப்பது நீரிழிவு நோயின் பொதுவான அறிகுறிகளில் ஒன்றாகும். இங்கிலாந்தின் தேசிய சுகாதார சேவையின் (NHS) அறிக்கைப்படி, சிறுநீரின் அளவு லேசான நோயாளிகளில் 3 லிட்டரிலிருந்து ஒரு நாளைக்கு 20 லிட்டர் வரை கழிக்க நேரிடலாம். இது நீரிழிவு நோயின் தீவிர நிலையை குறிக்கிறது. நீங்கள் 7-10 முறைக்கு மேல் சிறுநீர் கழித்தால், அது வகை 1 அல்லது வகை 2 நீரிழிவு நோயைக் குறிக்கலாம். ஒருநாளைக்கு நீங்கள் அதிகப்படியாக சிறுநீர் கழித்தால், உடனே மருத்துவ பரிசோதனை செய்வது நல்லது.

அதிகப்படியான சிறுநீர்ப்பை (OAB)

ஓவர் ஆக்டிவ் பிளாடர் (OAB) என்பது ஒருவருக்கு திடீரென சிறுநீர் கழிப்பதற்கான தூண்டுதலை உணரலாம் மற்றும் கட்டுப்படுத்த கடினமாக இருக்கலாம். அடிக்கடி சிறுநீர் கழிப்பது இந்த நிலையின் பொதுவான அறிகுறியாகும். சிலருக்கு தற்செயலாக சிறுநீர் கழிப்பதை கட்டுப்படுத்த முடியாமலும் இருக்கலாம். இருப்பினும், விரைவிலையே உங்கள் சிறுநீர்ப்பை நிரம்புவதும், அடிக்கடி சிறுநீர் கழிக்க வேண்டும் என உணர்வை தூண்டுவதும் போன்ற அறிகுறிகள் இருந்தால், மருத்துவ பரிசோதனையை நாடுவது நல்லது.

சிறுநீர் பாதை தொற்று (UTI)

சிறுநீர் பாதை நோய்த்தொற்று (UTI) என்பது சிறுநீர் அமைப்பில் ஏற்படும் தொற்றுநோயைக் குறிக்கிறது. சிறுநீர் கழிக்கும் போது வலி மற்றும் எரிதல் உணர்வு, அடிக்கடி சிறுநீர் கழித்தல், அவசரமாக சிறுநீர் கழிக்க வேண்டும் என்ற உணர்வு, வயிற்றுப் பிடிப்பு மற்றும் சிறுநீரில் இரத்தம் வெளியேறுவது ஆகியவை பொதுவான அறிகுறிகளாகும். இந்த அறிகுறிகள் இருந்தால், உடனே மருத்துவ உதவியை நாடுங்கள். இது பல்வேறு தொற்றுநோய்க்களுக்கும் வழிவகுக்கும்.

ஆண்களில் புரோஸ்டேட் பிரச்சினைகள்

ஆண்கள் அடிக்கடி சிறுநீர் கழிப்பது மற்றும் சிறுநீர் கழிக்க தூண்டுவது புரோஸ்டேட் பிரச்சனைகளைக் குறிக்கலாம். தீங்கற்ற புரோஸ்டேடிக் ஹைப்பர் பிளேசியா (பிபிஹெச்), இது விரிவாக்கப்பட்ட புரோஸ்டேட் புரோஸ்டேடிடிஸைக் குறிக்கிறது. பாக்டீரியா தொற்று காரணமாக இது புரோஸ்டேட் அழற்சி என்று அழைக்கப்படுகிறது. இது புரோஸ்டேட்டில் உள்ள செல்கள் கட்டுப்பாடில்லாமல் வளரத் தொடங்கும் போது ஏற்படுகிறது.

பெண்கள் அடிக்கடி சிறுநீர் கழித்தல்

பெண்களைப் பொறுத்த வரையில், சிறுநீர் பாதை தொற்று(UTI), ஓவர் ஆக்டிவ் பிளாடர்(OAB), சிறுநீர்ப்பை தொற்று மற்றும் நீரிழிவு தவிர வேறு பல நிலைமைகள் உள்ளன. அவை, பெண்களை அதிகமாக மற்றும் அடிக்கடி சிறுநீர் கழிக்க தூண்டும். இதில் கர்ப்பம், நார்த்திசுக்கட்டிகள், மாதவிடாய் நிறுத்தம் மற்றும் கருப்பை புற்றுநோயால் ஏற்படும் குறைந்த ஈஸ்ட்ரோஜன் அளவு ஆகியவை அடங்கும். உங்களுக்கு ஏற்படும் அறிகுறிகளை மருத்துவரிடம் கூறுவதால், நீங்கள் எதனால் பாதிக்கப்படுகிறீர்கள் அல்லது கையாளுகிறீர்கள் என்பதை தெரிந்துகொள்ளலாம்.