உங்க மரபணு உங்களை பற்றி என்ன கூறுகிறது என தெரியுமா?

ஆல்கஹால்

ஒரே அளவு ஆல்கஹாலை இரு வேறு நபர்கள் பருகும் போதிலும் கூட இருவருக்குள்ளும் ஏற்படும் தாக்கமானது வேறுபட்டு தான் இருக்கும். இதற்கு காரணம் ALDH2 மற்றும் ADH1B எனும் முக்கிய இரண்டு மரபணுக்கள் மற்றும் பல. இவை தான் ஆல்கஹால் தாக்கத்திற்கு உடல் எப்படி பதிலளிக்க வேண்டும் என தீர்மானம் செய்கிறது.

தசை செயல் திறன்

ஓர் தடகள வீரர் சிறந்து விளங்க கடுமையான பயிற்சி மற்றும் ஈடுபாடு மட்டுமின்றி ACTN3 எனும் மரபணுவின் உதவியும் தேவைப்படுகிறது.

காபி இல்லையேல் தலைவலி

சிலருக்கு காபி குடிக்கவில்லை என்றால் தலைவலி வந்துவிடும். இதற்கு காரணம் காஃபைன் தாக்கத்திற்கு எதிர் விளைவு உடலில் ஏற்படுத்தும் CYP1A2 எனும் மரபணு தான்.

இனிப்பு என்றால் ரொம்ப பிடிக்குமா?

சிலருக்கு இனிப்பு என்றால் அலாதி பிரியமாக இருக்கும். இதற்கு காரணம் FGF21 எனும் மரபணு. இது தான் நீங்கள் அதிகம் விரும்பும் சுவையை தேர்வு செய்கிறது.

லாக்டோஸ்

சிலரால் ஒரு டம்ளர் பால் கூட முழுதாக பருக முடியாது. இதற்கு காரணம் LCT எனும் மரபணு.

உயரம்

நீங்கள் டிவியில் காணும் எந்த பானமும் உயரத்தை அதிகரிக்க உதவாது. ஊட்டச்சத்து காரணமாக 20% வரை உயரம் அதிகமாகலாம். மற்றபடி GDF5 எனும் மரபணு தான் உயரம் மற்றும் எலும்பு வளர்ச்சியில் முக்கியப் பங்கு வகிக்கிறது.

நினைவாற்றல்

சிலர் சென்ற வருடம் நடந்ததை பற்றி கூட நினைவில் வைத்திருப்பார்கள். சிலர் காலை உண்ட உணவை கூட மறந்துவிடுவார்கள். இதற்கு காரணம் KIBRA எனும் மரபணு தான். இது தான் உங்கள் நினைவாற்றல் செயல்திறனை கட்டுப்படுத்துகிறது.

டயட்

சிலர் என்ன டயட் இருந்தாலும் உடல் எடை குறையாது. சிலர் எவ்வளவு சாப்பிட்டாலும் எடை கூடவே கூடாது. இதற்கு காரணம் PPARG எனும் மரபணு. இது ஒரு விதமான அட்வான்டேஜ் என்று தான் கூற வேண்டும்.

கூந்தல்

சுருள்முடி, சில்க், நீட்டமான என பல ஹேர் ஸ்டைல் இயற்கையாக ஒவ்வொருவருக்கும் அமைந்துவிடுகிறது. இதற்கு காரணம் TCHH எனும் மரபணு.

கண் பார்வை

கிட்ட பார்வை, தூர பார்வை என இரு வகையான பார்வை குறைபாடு ஏற்பட வாய்ப்புகள் உள்ளன. இதற்கு காரணம் SNP எனும் மரபணுவின் இன்டர் ஜெனிட்டிக்கான rs10034228 தான்.