உங்கள் விரல் நகங்கள் கூறும் 10 எச்சரிக்கை அறிகுறிகள்!!!

வெளிரிய மற்றும் மெல்லிய நகங்கள்

உங்கள் நகங்கள் வெளிரி போய் மெல்லியதாக இருந்தால், உங்கள் உணவில் இரும்புச்சத்து அதிகமாக சேர்க்கப்பட வேண்டும் என்பதற்கான எச்சரிக்கையாகும். இரும்புச்சத்து குறைபாடு இருக்கும் போது உடலுக்கு தேவையான ஆக்ஸிஜென் சப்ளை குறைந்துவிடும். அதனால் கீரை, பச்சை காய்கறிகள் மற்றும் மாட்டிறைச்சியை அதிகமாக உண்ணுங்கள். இரத்த சோகை ஏற்படுவதாலும் கூட வெளிரிய மற்றும் மெல்லிய நகங்களை காணலாம். இந்த அறிகுறியோடு சோர்வும் சேர்ந்து வந்தால், மருத்துவரை அணுகுவது நல்லது.

நகங்களின் அடிப்பகுதியில் நீல நிறம்

நகங்களின் அடிப்பகுதியில் நீல நிறத்தை கண்டால், அது இன்சுலின் குறைபாடு அல்லது சர்க்கரை நோயின் அறிகுறியாக இருக்கலாம். அப்படியானால் சர்க்கரை உட்கொள்ளும் அளவை குறைத்துக் கொள்ளவும். உங்கள் குறைகளை மருத்துவரிடமும் எடுத்துச் செல்லுங்கள்.

வெளிரிய அல்லது வெண்ணிற கோடுகளை கொண்ட நகங்கள்

வெளிரிய அல்லது வெண்ணிற கோடுகளை உங்கள் நகங்களின் மீது கண்டால், உங்கள் உணவில் புரதச்சத்து குறைவாக இருப்பதற்கான அறிகுறியாகும். அதனால் மெல்லிய இறைச்சி, நட்ஸ், பச்சை காய்கறிகள், சோயா, விதைகள் மற்றும் மீன் உண்ணுவதை அதிகரித்துக் கொள்ளவும். இருப்பினும் இது சிறுநீரகம் அல்லது கல்லீரல் நோய்க்கான அறிகுறியாக இருக்கலாம் என்பதால், உங்கள் குறைகளை நிவர்த்தி செய்ய உங்கள் மருத்துவரை கண்டிப்பாக நீங்கள் அணுக வேண்டும்.

மஞ்சள் நிற நகங்கள்

மஞ்சள் என்பது பூஞ்சை தொற்றுக்கான அறிகுறியாகும். இதனை நீக்குவது ரொம்பவும் கஷ்டமாகும். இதற்கு பொதுவாக மருத்துவர்கள் மருந்துகளை பரிந்துரைப்பார்கள். ஆனால் அவற்றினால் பக்க விளைவுகள் உண்டாகலாம். அதனால் ஆப்பிள் சிடர் வினீகர், ஆலிவ் இலைச்சாறு அல்லது டீ ட்ரீ எண்ணெய் போன்ற இயற்கை சிகிச்சைகளை முயற்சி செய்து பாருங்கள். உங்கள் நகங்களின் வளர்ச்சி மெதுவாக இருந்து, இந்த நிறமாற்றம் ஏற்பட்டால் உடனே மருத்துவரை அணுகுங்கள். ஏனென்றால், மிகப்பெரிய பிரச்சனைக்கான அறிகுறியாகும் இது. இந்த மஞ்சள் நிற நகங்களால் நுரையீரல் பிரச்சனை ஏற்படலாம்.

சிவப்பு நிற நகங்கள்

உங்கள் நகங்களின் பிங்க் நிற பகுதிகள் சிவப்பு நிறத்தில் காணப்பட்டால், உடனே மருத்துவரை அணுக வேண்டும். அதற்கு காரணம், இதயத்தில் உள்ள கோளாறுக்கான அறிகுறியாகும் இது. பதப்படுத்தப்பட்ட கொழுப்புகள் அடங்கிய உணவுகள் உட்கொள்வதை குறைத்துக் கொண்டு, ஒமேகா-3 கொழுப்பமிலங்கள் (மீனில் இருப்பவை) மற்றும் வைட்டமின் டி3 (ஆலிவ், பாதாம், பாமாயில் மற்றும் வெண்ணெய் பழங்களில் இருக்கும்) ஆகிய உணவுகள் உண்ணுவதை அதிகரிப்பதால், இதயத்தின் ஆரோக்கியத்தை மேம்படுத்தலாம். பொதுவாகவே வைட்டமின்கள் உட்கொள்ளுதலை அதிகரித்துக் கொள்ளுங்கள்.

நீல/ஊதா நிற நகங்கள்

நீல/ஊதா நிற நகங்களை நீங்கள் கண்டால், உங்களின் இரத்த ஓட்டம் மிகவும் மோசமாக உள்ளதென்று அர்த்தமாகும். உங்கள் மருத்துவரிடம் பரிசோதனைக்கு சென்று உங்கள் குறைகளை கூறுங்கள். அதுப்போக உங்களுக்கு நீங்களே உதவிக் கொள்ளலாம். அமைதியாக இருந்து, ரோஸ்மேரி எண்ணெய்யை கொண்டு, மிதமான உடற்பயிற்சிகளை தினமும் செய்யுங்கள். மேலும் ஊக்குவிக்கிகளையும், மன அழுத்தத்தை ஏற்படுத்தும் காபி அல்லது அல்கஹால் போன்றவைகளையும் தவிர்க்கவும். மேலும் உங்களுடைய தோரணையை மேம்படுத்துவதும் மிக முக்கியமாகும். இது உடலில் இரத்த ஓட்டத்தை அதிகரிக்க உதவும்.

கருமையான கோடுகள்

உங்கள் நகங்களில் கருமையான பழுப்பு நிற கோடுகள் காணப்பட்டால், அது மெலனோமாவிற்கான (சரும புற்று நோய்) அறிகுறியாகும். சரும புற்றுநோய்க்கான சந்தேகம் இருந்தால், உடனே மருத்துவரை அணுகுங்கள். இதுப்போக உங்கள் உணவில் ஆன்டி-ஆக்ஸிடன்ட்களின் அளவை அதிகரித்துக் கொள்ளவும். இது உங்கள் அணுக்களில் உள்ள இயக்க உறுப்புகளின் பாதிப்புகளை தடுக்க உதவும்.

நகங்களில் குழிகள்

நகங்களில் சிறிய குழிகள் தென்பட்டால், அது சொரியாசிஸ் (உங்கள் உடலில் காணப்படும் வலி மிகுந்த சொரிகளை கொண்டுள்ள அழற்சி நிலையாகும்) நோய்க்கான அறிகுறியாகும். இந்த நிலையால் நீங்கள் பாதிக்கப்படவில்லை என்பதை உறுதி செய்ய வேண்டுமென்றால், மருத்துவரை அணுகுங்கள். இதுப்போக, ஆப்பிள் சிடர் வினீகர், கேப்சாய்சின் ஆயின்மெண்ட் மற்றும் உப்பு அல்லது ஓட்ஸ் போன்ற சில வீட்டு சிகிச்சைகளையும் நீங்கள் முயற்சி செய்யலாம்.

மெல்லிய அல்லது உடையக்கூடிய நகங்கள்

உங்கள் நகங்கள் மெல்லிய அல்லது உடையக்கூடிய வகையில் இருந்தால், உங்கள் உணவில் போதிய ஊட்டச்சத்துக்கள் இல்லை என்றே அர்த்தமாகும். இருப்பினும் உங்கள் நகங்கள் அடிக்கடி உடைகிறது என்றால், உங்கள் மருத்துவரை நீங்கள் அணுக வேண்டும். ஏனென்றால் இது தைராய்டு சுரப்புக் குறையாக (உங்கள் உடலின் மெட்டபாலிசத்தை ஆரோக்கியமாக வைத்திட, உங்கள் தைராய்டு போதிய ஹார்மோனை சுரக்கவில்லை என்றால் ஏற்படுவது) இருக்கலாம்.

பிரிக்கப்பட்ட நகங்கள்

உங்களுக்கு காயம் ஏற்படாத போதும் கூட உங்கள் நகங்கள் தானாக பிரிக்கப்பட்டால், அது மேற்கூறிய பிரச்சனைகளுக்கு எதிர் மாறானதாகும். உங்கள் உடலில் அளவுக்கு அதிகமான தைராய்டு ஹார்மோன் உள்ளதென்று அர்த்தமாகும். இது தான் பிரச்சனை என்பதை உறுதி செய்ய மருத்துவரை அணுகுங்கள். ஒரு வேளை இது தான் பிரச்சனை என்பதை உறுதி செய்யப்பட்டால், க்ளுடென் (பிரட் மற்றும் பாஸ்தா போன்ற ஸ்டார்ச்சு உணவுகளில் இருப்பது) மற்றும் அல் கசீனை (பசுவின் பாலில் காணப்படுவது) தவிர்க்கவும்.