உலகின் முதல் சூப்பர் காண்டம்: இந்திய-அமெரிக்க பேராசிரியர் கண்டுபிடிப்பு!

தேவையற்ற கருவுறுதலை தடுக்க

எச்.ஐ.வி மற்றும் பால்வினை தாக்கம் ஏற்படாமல் இருக்க, தேவையற்ற கருவுறுதலை தடுக்க, உடலுறவு வாழ்க்கையில் இன்பம் அதிகரிக்க ஓர் புதிய சூப்பர் ஆணுறையை இந்திய-அமெரிக்க பேராசிரியர் கண்டுபிடித்துள்ளார்.

மருத்துவர் மஹுவா சவுத்ரி

எலாஸ்டிக் பாலிமர் எனப்படும் ஹைட்ரோஜெல் பயன்படுத்தி ஓர் புதிய ஆணுறையை கண்டுபிடித்துள்ளார் பேராசிரியர் மருத்துவர் மஹுவா சவுத்ரி. இந்த ஆணுறை தாவர அடிப்படை கொண்ட ஆன்டி-ஆக்ஸிடன்ட்ஸ் கலந்து, எச்.ஐ.வி போன்ற பால்வினை நோய் தாக்கம் ஏற்படாத வண்ணம் தயாரிக்கப்பட்டுள்ளது.

வைரஸ் பெருகாமல் தடுக்கிறது

இந்த புதிய சூப்பர் ஆணுறையில் கலப்பு செய்யப்பட்டுள்ள, தாவர அடிப்படை கொண்ட ஆன்டி-ஆக்ஸிடன்ட்ஸ் வைரஸ் பெருகாமல் இருக்க செய்கிறது. இதானால், உடலில் வைரஸ் தாக்கம் தடை செய்யப்படுகிறது.

எச்.ஐ.வி தாக்கத்தை ஒழிக்க

தற்போதுள்ள ஆணுறைகள் சில சமயங்களில் எச்.ஐ.வி தாக்கத்தை ஏற்படுத்திவிடுகிறது. முற்றிலுமாக எச்.ஐ.வி தாக்கத்தை ஒழிக்க வேண்டும் என்ற எண்ணத்தில் தான் இந்த சூப்பர் ஆணுறையை உருவாக்கினோம் என்று மருத்துவர் மஹுவா சவுத்ரி தெரிவித்துள்ளார்.

எச்.ஐ.வி தடுப்பு முயற்சி

எச்.ஐ.வி தடுப்பு முயற்சியில் இந்த புதிய சூப்பர் ஆணுறை ஓர் புரட்சியை ஏற்படுத்தும் எனவும், மேலும் இது தேவையற்ற கருவுறுதலை தடுக்கவும் பயனளிக்கும் எனவும் மஹுவா சவுத்ரி கூறியுள்ளார். இவர் அமெரிக்காவில் உள்ள டெக்சாஸ் எ & எம் அறிவியல் மருத்துவ மையத்தில் உதவி பேராசிரியராக பணிபுரிந்து வருகிறார்.

உடலுறவையும் மேலோங்க செய்கிறது

மேலும் ஹைட்ரோஜெல் கொண்டு தயாரிக்கப்பட்டுள்ள இந்த புதிய சூப்பர் காண்டம் உடல் ரீதியான தூண்டுதல்களை ஊக்குவிக்கிறது, இதனால் உடலுறவு இன்பத்தையும் இது அதிகரிக்க செய்கிறது என ஆய்வறிக்கையில் குறிப்பிடப்பட்டுள்ளது.