பசியின்மையின் அபாய அறிகுறிகள்!!

மறுத்தல்

பசியின்மையால் பாதிக்கப்பட்டவர்கள் தாம் பசியாக இருப்பதை மறுப்பார்கள். பட்டினி கிடந்தாலும் தாம் பசியாக இருப்பதை மறுப்பார்கள். உண்ண மறுப்பார்கள். உணவினைத் தவிர்க்கத் தொடங்குவார்கள்.

உணவுப் பழக்கத்தில் மாற்றம்

உணவுப் பழக்கத்தில் ஏதாவது மாற்றம் இருந்தால், அது அவர் பசியின்மையால் பாதிக்கப்பட்டிருப்பதற்கான அறிகுறியாக இருக்கலாம். உணவுப்பழக்கத்தில் திடீரென மாற்றம் என்பது 'இரகசியமாக உண்பது', 'ஒரு குறிப்பிட்ட உணவு வகைகளை மட்டும் உண்ண விரும்புவது', ' உணவுப்பொருள்களை சிறு சிறு துண்டாக்கி உண்பது' ஆகியவற்றில் ஏதாவது ஒன்றாக இருக்கலாம்.

எடை குறைதல்

பசியின்மை காரணமாக சாப்பிடுவது குறைந்து, அதன் காரணமாக உடலுக்குத் தேவையான அத்தியாவசிய தாதுப்பொருட்களின் அளவு குறையலாம். திடீரென்று உடல் எடை அதிகமாக குறைவது என்பது பசியின்மையின் வெளிப்படையான அறிகுறியாகும்.

குண்டாகக் காட்டுதல்

பசியின்மையால் பாதிக்கப்பட்டு உடல் மெலிந்தவர்கள், உடல் தோற்றத்தைக் குண்டாகக் காட்டும் தொளதொளவென்ற ஆடைகளை அணிய விரும்புவார்கள்.

முடி வளர்தல்

அதிகமான எடை குறைவால். உடல் வெப்பநிலையும் குறையும். இதனை ஈடுசெய்யும் விதமாக பசியில்லா நபருக்கு கால்கள், கைகள், மற்றும் முகத்தில் முடி அதிகம் வளரக்கூடும்.

எடை

அடிக்கடி எடை பார்க்கும் இயந்திரத்தில் தமது எடையைப் பார்ப்பதையோ, எடையைப் பார்த்து எடை கூடுகிறதே என்று கவலைப்படுவதையோ கண்டால், அவர் பசியின்மையால் பாதிக்கப்பட்டுள்ளார் என்று கொள்ளலாம்.

பொய்யான தோற்றம்

பசியின்மையால் பாதிக்கப்பட்ட நபர்கள், தனது உடல் தோற்றம் மற்றும் எடையில் திருப்தியற்றவர்களாகவே இருப்பார்கள். அவர்கள் ஒல்லியாகவே இருந்தாலும், தாம் குண்டாகவோ அல்லது அதிக எடை கொண்டவர்களாகவோ இருப்பதாக உணர்வார்கள்.

மாதவிடாய் சுழற்சியில் மாற்றம்

இளம்பெண்களுக்கும், சமீபத்தில் பருவமடைந்த பெண்களுக்கும் ஒரு எச்சரிக்கை. மாதவிலக்குச் சுழற்சியில் தொடர்ந்து மூன்று அல்லது அதற்கு மேற்பட்ட மாதங்கள், மாதவிடாய் சுழற்சியானது தவறிப்போனால், அது பசியின்மையின் அறிகுறியாக இருக்கலாம்.

பழக்கவழக்கம்

பசியின்மையால் பாதிக்கப்பட்டவர்கள், தனிமையில் இருப்பதை விரும்பத் தொடங்குவார்கள். நண்பர்கள் கூட்டத்திலிருந்து விலகுவார்கள். குடும்ப உறுப்பினர்கள் மற்றும் நண்பர்களிடம் அதிக நேரம் செலவிடுவதைக் குறைத்து, தனிமையில் அதிக நேரம் செலவிடத் தொடங்குவர்.