நீங்க சாப்பிடும் சப்பாத்தியை எடையைக் குறைக்கும் மந்திர பொருளாக மாத்தணுமா? இப்படி சப்பாத்தி செய்யுங்க...!

Weight Loss Tips: உடல் எடையை குறைக்க விரும்பும் அனைவரின் முதல் உணவுத் தேர்வாக இருப்பது சப்பாத்திதான். அரிசி உணவிற்குப் பதிலாக சப்பாத்தி சாப்பிடுவது உடல் எடையைக் குறைக்கும் என்பது அனைவரின் நம்பிக்கையாக இருக்கிறது. இது முற்றிலும் உண்மையில்லை என்றாலும் இதில் ஓரளவிற்கு உண்மை உள்ளது.

நீங்கள் சாப்பிடும் சப்பாத்தியை ஆரோக்கியமான எடை இழப்பு உணவாக மாற்றுவது எப்படி என்று எப்போதாவது சிந்தித்து இருக்கிறீர்களா? உங்கள் சாதாரண சப்பாத்தியை எடைகுறைப்புக்கு ஏற்ற சரியான உணவாக மாற்றுவதற்கு சில வழிகள் உள்ளது.

ஆரோக்கியமாகவும், ஒல்லியாகவும் இருக்க உணவுத் திட்டத்தைத் திட்டமிடும்போது, ​​​​நம்மில் பெரும்பாலோர் அரிசி உணவு போன்ற அத்தியாவசியப் பொருட்களைத் தவிர்க்கிறோம், ஏனெனில் கார்போஹைட்ரேட்டுகளை குறைப்பது உடல் எடையை குறைக்க உதவும் என்று ஒரு கருத்து உள்ளது, ஆனால் அது உண்மையில் உதவுமா என்று இந்த பதிவில் தெரிந்து கொள்ளலாம்.

சப்பாத்தியை எப்படி எடைக்குறைப்பு உணவாக மாற்றலாம்?

முழு கோதுமை சப்பாத்திகளில் அரிசியில் இருப்பதை விட நார்சத்துக்கள் ஒப்பீட்டளவில் அதிகம், இது எடை இழப்புக்கு நல்லது, ஆனால் அதை மிதமாக உட்கொண்டால் மட்டுமே இந்த நன்மையை பெற முடியும். ஒரு சராசரி நபருக்கு ஒரு நாளைக்கு 28-30 கிராம் நார்ச்சத்து தேவைப்படுகிறது, இது ஆரோக்கியமான செரிமான அமைப்புக்கு போதுமானது.

உண்மையில், 1 முழு கோதுமை ரொட்டியில் சுமார் 0.4 கிராம் நார்ச்சத்து உள்ளது, இது உங்கள் உடலுக்கு சரியான நார்ச்சத்தை அளிக்கும். இருப்பினும், நீங்கள் கொஞ்சம் எடையைக் குறைக்க திட்டமிட்டால், உங்கள் உணவில் நார்ச்சத்து உட்கொள்வதை அதிகரிப்பது செரிமான அமைப்பு மற்றும் வளர்சிதை மாற்ற விகிதத்தை மேம்படுத்துவதன் மூலம் இயற்கையாகவே எடையைக் குறைக்க உதவும்.

நீங்கள் சமைக்கும் முறையை மாற்றுவதன் மூலம் நீங்கள் வழக்கமாக சாப்பிடும் சப்பாத்தியை நார்ச்சத்து நிறைந்ததாக மாற்றலாம். அதுமட்டுமல்லாமல், ஆரோக்கியமான மாவுகளான ராகி, பஜ்ரா மற்றும் பிற தானியங்களைச் சேர்ப்பது நார்ச்சத்துக்களை அதிகரித்து, உங்கள் வழக்கமான சப்பாத்தியை ஆரோக்கியமான எடை இழப்பு உணவாக மாற்றும்.

மேலும், முழு கோதுமை மாவுடன் 1:1 என்ற விகிதத்தில் மல்டிகிரைன் மாவு கலந்து கொள்வது உங்கள் தினசரி உணவில் நார்ச்சத்தை அதிகரிக்கும். நீங்கள் ஸ்டஃப் செய்யப்பட்ட சப்பாத்திகளை விரும்புகிறீர்கள் என்றால், துருவிய கேரட், முள்ளங்கி, ப்ரோக்கோலி, காலிஃபிளவர் போன்ற காய்கறிகளைச் சேர்ப்பதை உறுதிப்படுத்திக் கொள்ளுங்கள். உங்கள் சப்பாத்தியில் நார்ச்சத்து அதிகரிக்க, பருப்பு வகைகளையும் சேர்த்துக் கொள்ளலாம். இது உங்கள் சப்பாத்தியை கனமானதாக மாற்றும் மற்றும் நீண்ட நேரத்திற்கு உங்கள் பசியைக் கட்டுப்படுத்தும்.

சப்பாத்தி பற்றி நிபுணர்கள் சொல்வது என்ன?

சப்பாத்தி முற்றிலும் ஆரோக்கியமானது என்பது தவறான கருத்தாகும். அரிசியின் கிளைசெமிக் குறியீடு கோதுமையை விட சற்றே அதிகமாக இருந்தாலும், அரிசி சப்பாத்தியை விட குறைவான கலோரிகளையும் அதிக திருப்தியையும் தருகிறது, ஏனெனில் உங்களுக்கு நிறைவைத் தருவதற்கு கோதுமையை விட குறைந்த அளவு அரிசியே போதுமானது.

நீங்கள் அரிசியை வேகவைக்கும்போது விரிவடைந்து அளவு அதிகரிப்பதால் நீங்கள் குறைவாக சாப்பிடுகிறீர்கள். ஊட்டச்சத்துரீதியாக கோதுமை அரிசியை விட சற்றே அதிக அளவில் சில தாதுக்களைக் கொண்டிருப்பதால், முழு கோதுமையில் அதிக நார்ச்சத்து உள்ளது, ஆனால் கலோரிகள் மற்றும் எடை இழப்பு அடிப்படையில் நீங்கள் குறைவாக உட்கொள்வதால் அரிசி சிறப்பாக செயல்படுகிறது.

சப்பாத்தியை எப்படி ஆரோக்கியமானதாக மாற்றலாம்?

- உங்கள் சப்பாத்தியை மிகவும் ஆரோக்கியமானதாக மாற்ற, ஓட்ஸ், பாதாம், தினை அல்லது ராகி போன்ற ஆரோக்கியமான மாவுகளைக் கலக்கவும். இருப்பினும், அவற்றை சிறிய விகிதத்தில் கலக்கவும்.

- வெண்ணெய், நெய் போன்ற கொழுப்புகளை சேர்க்கக்கூடாது. உங்கள் சப்பாத்தியின் கொழுப்பின் அளவைக் குறைக்க விரும்பினால், பால் கொழுப்புகளைச் சேர்ப்பதைத் தவிர்க்கவும்.

- பல தானிய மாவு அல்லது ராகி அல்லது நாச்சினி போன்ற முழு தானிய மாவுகளைப் பயன்படுத்துவது சப்பாத்தியின் கலோரி உள்ளடக்கத்தைக் குறைக்க உதவும்.

- அனைத்திற்கும் மேலாக நீங்கள் சாப்பிடும் சப்பாத்திகளின் எண்ணிக்கையை சரிபார்க்கவும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.