'இந்த' ஒரு விஷயம் உங்க செக்ஸ் வாழ்க்கையை கடுமையா பாதிக்குமாம்... உங்களால உச்சக்கட்டத்தை அடைய முடியாதாம்!

நீங்கள் கவலையால் பாதிக்கப்படும்போது, அது உங்கள் பாலியல் வாழ்க்கை உட்பட உங்கள் வாழ்க்கையின் அனைத்துப் பகுதிகளையும் பாதிக்கும் என்பது உங்களுக்குத் தெரியுமா? உங்கள் பாலியல் வாழ்க்கை மகிழ்ச்சியாக இருப்பதற்கு உணர்ச்சி மற்றும் உணர்வுகள் மிக முக்கியம்.

பொதுவாக உறவுகளில் அல்லது வாழ்க்கையில் பல்வேறு பிரச்சனைகள் எழலாம். அவை, உங்களை பதட்டமடையச் செய்யலாம், கவலை கொள்ளச் செய்யலாம் மற்றும் மன அழுத்தத்திற்கு ஆளாக்கலாம். இவை உங்கள் உடல் ஆரோக்கியத்தில் பாதிப்பை ஏற்படுத்துவததோடு, பாலியல் வாழ்க்கையையும் பாதிக்கும்.

நீங்களும் உங்கள் துணையும் படுக்கையில் உடலுறவு கொள்ளும்போது, திடீரென்று, தேவையற்ற எண்ணங்களின் அலை உங்களைத் தாக்கலாம். இதனால், நீங்கள் பதட்டத்திற்கு ஆளாகி, அங்கு சரியாக செயல்பட முடியாமல் போகலாம் அல்லது உடலுறவை பாதியிலே நிறுத்தி வெளியேறலாம். உங்களுக்கு பதட்டம் இருக்கும்போது, ​​அது பொதுவாக உங்களை எல்லா நிலையிலும் பின்தொடர்கிறது.

இது உங்கள் உணர்ச்சி, மன மற்றும் உடல் நலனை பாதிக்கிறது. துரதிர்ஷ்டவசமாக, நீங்கள் உங்கள் துணையுடன் படுக்கையில் இருக்கும்போதும் பாதிக்கலாம். கவலை பீதி, பயம், பதற்றம் மற்றும் அமைதியின்மை போன்ற உணர்வுகளைத் தூண்டலாம். இவை அனைத்தும் உங்கள் சிந்தனை உட்பட உங்கள் வாழ்க்கையின் பல அம்சங்களில் ஆதிக்கம் செலுத்துகின்றன. உங்கள் பாலியல் வாழ்க்கையை கவலை எவ்வாறு பாதிக்கிறது? அதற்கான அறிகுறிகள் என்னென்ன என்று இக்கட்டுரையில் தெரிந்துகொள்ளுங்கள்.

கவலை உங்கள் பாலியல் வாழ்க்கையை எவ்வாறு பாதிக்கிறது?
கவலையுடன் வாழ்வது என்பது நீங்கள் எங்கு சென்றாலும் என்ன செய்தாலும் கவலையுடன் வாழ்கிறீர்கள் என்று அர்த்தம். செக்ஸ் மற்றும் கவலை இரண்டும் ஒன்றோடு ஒன்று சேராது. உங்கள் மனநிலை உங்கள் லிபிடோ மற்றும் உங்கள் துணையுடன் நீங்கள் எவ்வாறு தொடர்பு கொள்கிறீர்கள் என்பதில் நேரடி தாக்கத்தை ஏற்படுத்துகிறது.

பாலியல் கவலை மற்றும் அது உங்களை எவ்வாறு பாதிக்கிறது என்பதற்கும் இடையே ஒரு தொடர்பை ஆய்வுகள் கண்டறிந்துள்ளன. இது பயம், அமைதியின்மை மற்றும் பதற்றம் போன்ற உணர்வுகளைத் தூண்டுவதாக கூறுகிறார்கள். இது உடலுறவுக்கு முன், போது மற்றும் பின் நீங்கள் நடந்துகொள்ளும் மற்றும் சிந்திக்கும் விதத்தை பாதிக்கிறது. இதனால், உடலுறவில் உங்களால் சரியாக செயல்பட முடியாது மற்றும் திருப்தியும் உங்களுக்கு கிடைக்காது.

ஜர்னல் ஆஃப் செக்ஸ் அண்ட் மேரிட்டல் தெரபியில் வெளியிடப்பட்ட ஒரு ஆய்வில், பொதுவான கவலைக் கோளாறு உள்ள பெண்கள், அந்த நிலை இல்லாத பெண்களுடன் ஒப்பிடும்போது மோசமான பாலியல் செயல்பாடுகள் இருந்ததாகத் தெரிவிக்கின்றனர். கவலை உணர்வுகள் அல்லது பொதுவான கவலைக் கோளாறு கண்டறியப்பட்டால், உங்கள் மனைவியுடன் தொடர்புகொள்வதையும் மகிழ்ச்சியாக இருப்பதையும் கடினமாக்கலாம் என்று ஆய்வுகள் கண்டறிந்துள்ளன.

கவலை உங்கள் பாலியல் வாழ்க்கையை பாதிக்கும் வழிகளைப் பற்றி இங்கே தெரிந்துகொள்ளுங்கள். அவை;

• விறைப்புத்தன்மை இருக்க முடியாது
• முன்கூட்டிய விந்துதள்ளல் அல்லது தாமதமான உச்சியை அடைவது
• வஜினிஸ்மஸ் - பெண்களுக்கு வரும் மனம் சார்ந்த உடல் பிரச்சனை
• பாலியல் ஆசை குறைவது
• நெருக்கத்தைத் தவிர்க்கும் போக்குகள் அதிகரிப்பது

பாலியல் வாழ்க்கையை பாதிக்கிறது என்பதற்கான அறிகுறிகள்
கவலை உங்கள் பாலியல் வாழ்க்கையை எவ்வாறு பாதிக்கிறது என்பதை இப்போது நீங்கள் அறிந்திருப்பீர்கள். மேலும் தாமதமாகிவிடும் முன் பிரச்சினையை நீங்கள் தீர்க்கக்கூடிய அறிகுறிகளையும் நீங்கள் அறிந்து கொள்ள வேண்டும்.

தன்னம்பிக்கை இல்லாமை
கவலை மற்றும் பதட்டம் உள்ளவர்கள் குறைந்த அளவிலான தன்னம்பிக்கையை வளர்த்துக் கொள்ளலாம் மற்றும் அவர்களின் உடல்கள் மற்றும் அவர்கள் எப்படி இருக்கிறார்கள் என்பதைப் பற்றி சுயநினைவுடன் உணர முடியும். தன்னம்பிக்கையின்மை உங்கள் பாலியல் வாழ்க்கையை மோசமாக பாதிக்கும்.

நெருக்கத்தைத் தவிர்ப்பது
உங்கள் துணையின் அருகில் வரும்போது நீங்கள் கவலையாக உணர்கிறீர்களா? உடலுறவு கொள்வது ஒருவரை மிகவும் கவலையடையச் செய்யலாம். குறிப்பாக அவர்கள் கடந்த காலத்தில் பாலியல் ரீதியாக சில அதிர்ச்சிகளை அனுபவித்திருந்தால், உடலுறவை தவிர்க்கலாம். உங்களுக்கு மோசமான பாலியல் அனுபவம் இருந்தால், அதை உங்களுக்கு வழிகாட்டும் ஒரு மனநல நிபுணரிடம் பேச வேண்டும்.

உங்கள் துணையுடன் தொடர்பு கொள்ளவே இல்லை
உங்கள் துணையுடன் குறைவாக தொடர்பு கொள்வது அல்லது தொடர்பு கொள்ளாமலே இருப்பதும் பிரச்சனையை குறிக்கிறது. அது செக்ஸ் அல்லது வேறு எதுவாக இருந்தாலும், ஆரோக்கியமான உறவைப் பேணுவதற்கு தொடர்பு கொள்வது முக்கியமானது.

உங்களுக்கு உதவ உங்கள் துணையை நீங்கள் அனுமதிக்க வேண்டும். அப்போது நீங்கள் எப்படி உணர்கிறீர்கள் என்பதைப் பற்றி உங்கள் துணையுடன் விவாதியுங்கள். நீங்கள் கவலையாக இருக்கும்போது உங்கள் அன்புக்குரியவர்களுடன் பேசுவது மிக முக்கியம்.

உச்சக்கட்டத்தை அடைய முடியாது
உங்களால் உச்சக்கட்டத்தை அடைய முடியவில்லையா? உங்களுடைய கவலை உங்களின் பாலியல் வாழ்க்கையை கடுமையாக பாதித்துள்ளது என்பதற்கான அறிகுறிகளில் ஒன்று குறைவான உச்சியை கொண்டிருப்பது. கவலையை அனுபவிப்பது உங்களுக்கு உச்சியை அடைவதை கடினமாக்கும் என்று ஆய்வுகள் தெரிவிக்கின்றன.

கவலை பல தேவையற்ற எண்ணங்களை உருவாக்குவதால், அது உங்களை பாலியல் தூண்டுதலின் உணர்வுகளிலிருந்து திசைதிருப்பலாம். நீங்கள் இந்த பிரச்சனையை சந்தித்தால், மருத்துவரிடம் பேசுவது நல்லது.

குறைந்த லிபிடோ
கவலை உணர்வு உங்கள் பாலியல் வாழ்க்கையை பாதிக்கும் விதத்தில் எதுவும் உங்களை பாதிக்காது. உங்கள் மனதில் இவ்வளவு அதிகமாக கவலை மற்றும் மன அழுத்தம் இருக்கும்போது, உடலுறவு கொள்ளும் மனநிலையை எப்படிப் பெற முடியும்? ஆதலால், உங்கள் கவலை மற்றும் மன அழுத்தத்தை குறைக்க, நீங்கள் முயற்சி எடுக்க வேண்டும்.

சில மருந்துகள்
கவலைக்கு நீங்கள் மருந்து எடுத்துக் கொள்கிறீர்களா? சில மருந்துகளை உட்கொள்வது உங்கள் பாலியல் வாழ்க்கையில் எதிர்மறையான விளைவை ஏற்படுத்தும் என்று ஆய்வுகள் காட்டுகின்றன. ஹார்வர்ட் ஹெல்த் இதழில் வெளியிடப்பட்ட ஒரு ஆய்வின்படி, ஆண்டிடிரஸண்ட்ஸ் போன்ற மருந்துகள் பாலியல் ஆசையை குறைக்கவும் மற்றும் குறைந்த லிபிடோவுக்கு வழிவகுக்கும்.

பதற்றத்தை போக்க நீங்கள் என்ன செய்யலாம்?

• ஒரு நிபுணரிடம் பேசி உதவி பெற வேண்டும்
• உங்கள் பிரச்சினையைப் பற்றி உங்கள் துணையிடம் பேசுங்கள், அதனால் அவர்கள் புரிந்துகொண்டு உங்களுக்கு உதவுவார்கள்.
• ஒரு மருத்துவரை அணுகி, அதை எவ்வாறு தடுக்கலாம் என்பதைத் தெரிந்துகொள்ள சரியான மதிப்பீட்டைப் பெற வேண்டு
• தியானம் மற்றும் யோகா போன்ற பயிற்சிகளில் ஈடுபடுங்கள்

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.