ஆண்களே! திருப்தியான பாலியல் வாழ்க்கையை பெறவும் விந்தணுக்களின் எண்ணிக்கையை அதிகரிக்கவும் 'இத' பண்ணா போதுமாம்!

புகைப்பிடிப்பதால் ஏற்படும் ஆபத்துக்களை பற்றியும், அதை கைவிடுவதால் கிடைக்கும் நன்மைகள் பற்றியும் நாம் ஒவ்வொருவரும் அறிவோம். பெரும்பாலும் புகைபிடிக்கும் நபர்கள், இதன் தீமைகளை அறிந்தும், புகைபிடிப்பதை கைவிடாமல் பின்பற்றி வருகிறார்கள். புகைபிடிப்பது உங்கள் உடல் ஆரோக்கியத்தை தாண்டி, உங்கள் பாலியல் வாழ்க்கையும் பாதிக்கும் என்பது உங்களுக்கு தெரியுமா?

ஆம், புகைபிடிப்பது உங்கள் ஒட்டுமொத்த பாலியல் வாழ்க்கையையும் பாதிக்கும் என்று ஆய்வுகள் தெரிவிக்கின்றன. சமீபகாலமாக திருப்தியற்ற பாலியல் வாழ்க்கையை அனுபவித்து வருவதாக பெரும்பாலான தம்பதிகள் கூறிவருகிறார்கள். இதற்கு புகைபிடிப்பதும் ஒரு காரணமாக இருக்கலாம். புகைபிடிப்பதற்கும் உடலுறவுக்கும் இடையே வலுவான தொடர்பு உள்ளது. புகைபிடிப்பதை விட்டுவிடுவது உங்கள் பாலியல் செயல்திறனை மேம்படுத்தும்.

புகைபிடிப்பதை விட்டுவிடுவது உங்கள் உடல் ஆரோக்கியத்திற்கு நன்மைகளை அதிகரிப்பதோடு, உங்களுக்கு திருப்தியான பாலியல் வாழ்க்கையையும் வழங்கும். தொடர்ந்து நீங்கள் புகைபிடித்து வந்தால், தோல், நுரையீரல், இதயம் அல்லது இனப்பெருக்க அமைப்பு கடுமையாக பாதிக்கப்படலாம். உங்கள் நோயெதிர்ப்பு மண்டலத்தில் பாதிப்பை ஏற்படுத்துவதைத் தவிர, இது உங்கள் படுக்கையறையில் பிரச்சனைகளுக்கும் வழிவகுக்கும்.

பல்வேறு ஆராய்ச்சி ஆய்வுகள் புகைபிடிப்பதற்கும் திருப்தியற்ற பாலியல் வாழ்க்கைக்கும் இடையே ஒரு தொடர்பு இருப்பதாகக் கூறிவருகிறது. புகைபிடித்தல் ஃப்ரீ ரேடிக்கல்களை உருவாக்க வழிவகுக்கிறது, இது ஆணின் விந்தணு டிஎன்ஏவுக்கு ஆக்ஸிஜனேற்ற சேதத்தை ஏற்படுத்துகிறது.

இது அசாதாரண வடிவம், விந்தணுக்களின் எண்ணிக்கை குறைதல் மற்றும் விந்தணுவின் இயக்கம் மாறுதல் போன்ற விந்து அளவுருக்களில் மாற்றங்களை ஏற்படுத்துகிறது. ஆண்களிடையே இருக்கும் புகைபிடிக்கும் பழக்கம் விந்தணுக்களின் எண்ணிக்கையை பூஜ்ஜியமாக்குவதற்கு வழிவகுக்கும்.

புகைபிடிப்பதால் ஏற்படும் விளைவுகள்
புகைபிடிப்பது அனைத்து பாலினத்தவரின் பாலியல் ஆரோக்கியத்தையும் பாதிக்கலாம். ஆண்கள் அதிகமாக புகைப்பிடிப்பதால், விறைப்புச் செயலிழப்பு போன்ற பாலியல் செயலிழப்பு பிரச்சனைகளை சந்திக்கிறார்கள். விறைப்புத்தன்மையைப் பெறுவதிலும், உடலுறவுக்கான ஆசை குறைவதிலும், குறிப்பிடத்தக்க பங்கை வகிக்கும் புகைபிடித்தல், விறைப்புத்தன்மையை அடைய உதவும் நரம்புகள் மற்றும் இரத்த நாளங்களையும் சேதப்படுத்துகிறது.

பெண்களில், புகைபிடித்தல் கருப்பை இருப்பு குறைவதற்கு காரணமாகிறது. யோனி வறட்சி மற்றும் வலிமிகுந்த உடலுறவுக்கு வழிவகுக்கும் இந்த பழக்கம், பெண்களுக்கு குறைந்த லிபிடோ பிரச்சனையை ஏற்படுத்துகிறது.

சிறந்த உடலுறவுக்கு எவ்வாறு வழிவகுக்கும்
புகைபிடிப்பதால் உங்கள் பாலியல் வாழ்க்கையில் ஏற்படும் பாதிப்புகளை பற்றி இப்போது நீங்கள் அறிந்திருப்பீர்கள். பாலியல் செயல்திறனை அதிகரிக்க புகைபிடிப்பதை நிறுத்துவதன் நன்மைகளைப் பற்றி இங்கே தெரிந்துகொள்ளுங்கள்.

வேகமான தூண்டுதல்
புகைபிடிப்பதை நிறுத்துவது பாலியல் தூண்டுதல், பசியின்மை மற்றும் படுக்கையறையில் அதிக திருப்திக்கு வழிவகுக்கிறது. புகைபிடிக்காத ஆண்கள், புகைபிடிக்கும் ஆண்களுடன் ஒப்பிடும்போது இரண்டு மடங்கு திருப்தியான உடலுறவு கொண்டதாக ஆய்வுகள் தெரிவிக்கின்றன.

வேகமான மற்றும் உறுதியான விறைப்புத்தன்மை
புகைபிடிப்பதை நிறுத்தும் ஆண்கள் உறுதியான, வேகமான விறைப்புத்தன்மையை அனுபவிப்பதாகக் காணப்படுகிறது. சிகரெட்டில் உள்ள நிகோடின் இரத்த நாளங்களின் சுருக்கத்திற்கு வழிவகுக்கிறது மற்றும் விறைப்புத்தன்மையை பராமரிக்க தேவையான இரத்த ஓட்டத்தை கட்டுப்படுத்துகிறது.

மேம்படுத்தப்பட்ட பாலியல் செயல்திறன்
புகைபிடித்த பிறகு உடலுறவில் உங்களால் நன்றாக செயல்பட முடியாது. ஏனெனில், புகைபிடித்தல் உங்கள் பாலியல் செயல்திறனைப் பாதிக்கும். புகைபிடித்தல் நமது ஆற்றலில் 90 சதவீதத்தை உற்பத்தி செய்யும் ஆக்ஸிஜனை எடுத்துச் செல்லும் உடலின் திறனைத் தடுக்கிறது. இந்நிலையில், தொடர்ந்து புகைபிடிப்பது சகிப்புத்தன்மை மற்றும் மூச்சுத் திணறலை ஏற்படுத்தும்.

இருவருக்கும் திருப்தி அதிகரிக்கும்
உங்கள் பாலியல் வாழ்க்கையை பாதிக்கும் ஆரோக்கியமற்ற பழக்கமான புகைபிடிப்பதை முற்றிலுமாக தவிருங்கள். இல்லையெனில், நீங்களும் உங்கள் துணையும் உடலுறவில் திருப்தியடையாமல் போகலாம். எனவே, இன்பமான செக்ஸ் வாழ்க்கையை பராமரிக்க, ஆரோக்கியமான வாழ்க்கைமுறை மற்றும் பழக்கவழக்கங்கள் இருக்க வேண்டும் என்பதை நினைவில் கொள்ளுங்கள்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.