மாம்பழத்தை கடையில வாங்குறத்துக்கு முன்ன அதுல இரசாயனம் கலந்திருக்கானு எப்படி தெரிஞ்சிக்கலாம் தெரியுமா?

Mangoes In Tamil: கோடைகாலம் வந்தாலே மாம்பழ சீசன்தான். குழந்தைகள் முதல் பெரியவர்கள் வரை அனைவரும் விரும்பி சாப்பிடும் பழம் மாம்பழம். முக்கனிகளில் ஒன்றான, பழங்களின் ராஜாவான மாம்பழத்தை வாங்கும்போது நீங்கள் சில விஷயங்களை கவனிக்க வேண்டும்.

இது மாம்பழங்களின் சீசன் என்பதால் சந்தை மற்றும் கடைகளில் மாம்பழங்கள் அதிகளவில் நிரம்பி வழிகின்றன. ஆனால், ஜூசி மாம்பழங்களை மக்கள் அதிகமாக சாப்பிட விரும்புவதால், விற்பனையாளர்கள் செயற்கையாக ரசாயனங்களை செலுத்தி, மாம்பழங்களை விரைவில் பழுக்கவைக்கின்றனர். அதன் பின்னர் அதிகளவில் விற்பனை செய்கின்றனர்.

நீங்கள் விரும்பி சாப்பிடும் மாம்பழம் ஆரோக்கியங்கள் நிறைந்த இயற்கையான பழமா? இல்லை செயற்கை ரசாயனங்கள் கலந்த ரசாயன பழமா? என்பதை அறியாமல் நீங்கள் சாப்பிடலாம். இது உங்கள் உடல் ஆரோக்கியத்திற்கு பல பிரச்சனைகளை ஏற்படுத்தலாம்.

மாம்பழ பிரியராக நீங்கள் இருந்தால், இரசாயனங்கள் நிறைந்த மாம்பழங்களை அடையாளம் காண்பதற்கான சில குறிப்புகள் பற்றி இக்கட்டுரையில் தெரிந்துகொள்ளலாம்.

பழுக்க வைக்கும் ரசாயனம் எது?
வெளிப்படையாக, மாம்பழங்களில் கால்சியம் கார்பைடு செலுத்தப்படுகிறது. இது ஈரப்பதத்துடன் தொடர்பு கொள்ளும்போது அசிட்டிலீன் வாயுவை வெளியிடுகிறது. இது மாம்பழங்களை விரைவாக பழுக்க வைக்கிறது. இப்படி செயற்கை ரசாயணங்களால் பழக்க வைக்கப்படும் மாம்பழத்தை உட்கொண்டால் தோல் எரிச்சல், சுவாச பிரச்சனைகள் மற்றும் இரைப்பை குடல் பிரச்சினைகள் போன்ற கடுமையான உடல்நல அபாயங்கள் ஏற்படலாம்.

அது மட்டுமல்லாமல், பழ வியாபாரிகள் எத்திலீன் வாயுவை வெளிப்படுத்தும் 'எத்திலீன் சிகிச்சை'யையும் பயன்படுத்துகின்றனர். இந்த வாயு ஒரு இயற்கை தாவர ஹார்மோன் ஆகும். இது பழங்களில் பழுக்க வைக்கும் செயல்முறையைத் தூண்டுகிறது. இது உங்கள் உடலில் பல்வேறு பாதிப்புகளை ஏற்படுத்தலாம்.

நிறத்தைப் பார்த்து வாங்க வேண்டும்
மாம்பழம் வாங்கும் போது, அதன் நிறத்தை நன்றாக பார்த்து வாங்க வேண்டும். ஏனெனில், மாம்பழத்தில் ரசாயனங்கள் செலுத்தி பழுக்க வைக்கப்பட்டிருந்தால், அதன் மீது பச்சை நிற புள்ளிகள் இருக்கும். அவற்றை நீங்கள் தனித்தனியாக பார்க்கலாம்.

மாம்பழத்தின் வடிவம்
இது தவிர, மாம்பழத்தின் வடிவம் எப்படி இருக்கிறது என்பதையும் பார்த்து வாங்க வேண்டும். மாம்பழம் ரசாயனங்கள் மூலம் பழுக்க வைக்கப்பட்டுள்ளதா என்பதை இதன் மூலம் கண்டுபிடிக்கலாம். இரசாயன முறையில் பழுத்த மாம்பழங்கள் மிகவும் சிறியதாக இருக்கலாம் மற்றும் அவற்றில் பெரும்பாலானவை சாறு சொட்டக் காணப்படுகின்றன.

இதைத் தவிர, வெள்ளை அல்லது நீல நிற அடையாளமுள்ள மாம்பழத்தைக் கண்டால், அதை வாங்கவே கூடாது. இதன் மூலம் ரசாயன முறையில் பழுத்த மாம்பழங்களை அடையாளம் காண முடியும். உங்கள் ஆரோக்கியத்தையும் நீங்கள் பாதுகாக்க முடியும்.

டிப் சோதனை
மாம்பழங்களை வாங்கும் போது, மாம்பழங்களை ஒரு வாளி தண்ணீரில் போட்டு, எந்த மாம்பழங்கள் தண்ணீரில் மூழ்குகின்றன? எந்தெந்த மாம்பழங்கள் தண்ணீரின் மேற்பரப்பில் உள்ளன என்பதைப் பார்க்க வேண்டும். தண்ணீரில் மூழ்கும் மாம்பழங்கள் இயற்கையாகவே பழுத்தவை. ஆனால் மேலே ஏதேனும் மாம்பழம் மிதப்பதைப் பார்த்தால், அது இரசாயனப் பொருட்களால் பழுக்க வைக்கப்பட்டது என்பதை புரிந்து கொள்ள வேண்டும்.

அழுத்தி பார்த்து வாங்க வேண்டும்
பழுத்த மற்றும் இனிப்பு மாம்பழங்களை அடையாளம் காண்பது மிகவும் எளிதானது. மாம்பழம் வாங்கும் போது லேசாக அழுத்தி பார்க்க வேண்டும். மாம்பழம் மென்மையாக மாறும் போது பழுத்ததாகக் கருதப்படுகிறது.

ஆனால், மாம்பழத்தை அழுத்தும் போது சில இடங்களில் மாம்பழம் கடினமாக உணர்ந்தால், மாம்பழம் சரியாக பழுக்கவில்லை, ரசாயனங்கள் சேர்த்து பழுக்க வைத்து விற்கப்படுகிறது என்பதை தெரிந்துகொள்ளுங்கள்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.