இந்த காய்கறியின் சாறை குடிப்பது உங்க கல்லீரல் மற்றும் சிறுநீரகத்திற்கு பேராபத்தை ஏற்படுத்துமாம் தெரியுமா?

சிறுநீரக கற்கள் ஏற்படும் ஆபத்து

ஆய்வுகளின்படி, பீட்ரூட்டில் ஆக்சலேட் நிறைந்துள்ளது மற்றும் இது கல் உருவாவதற்கு பங்களிக்கும். இது சிறுநீர் ஆக்சலேட் வெளியேற்றத்தை அதிகரிக்கிறது, இது கால்சியம் ஆக்சலேட் கற்களின் வளர்ச்சிக்கு வழிவகுக்கும். எனவே பீட்ரூட் சாற்றை மிதமாக குடிக்க பரிந்துரைக்கப்படுகிறது. மேலும் சிறுநீரக கற்கள் இருந்தால் பீட்ரூட் சாற்றை முற்றிலும் தவிர்க்க வேண்டும்.

அனாபிலாக்ஸிஸ் ஏற்படுவதற்கான வாய்ப்புகள்

அனாபிலாக்ஸிஸ் என்பது உடல் அதிக உணர்திறன் கொண்ட ஒரு ஒவ்வாமைக்கு கடுமையான ஒவ்வாமை எதிர்வினையாகும். பல சந்தர்ப்பங்களில், பீட்ரூட்டை அதிகமாக உட்கொள்வதால், மக்கள் ஒவ்வாமையை அனுபவிக்கிறார்கள், மேலும் இது தொண்டை இறுக்கம் மற்றும் மூச்சுக்குழாய் அழற்சியை ஏற்படுத்தும்.

மலத்தில் நிறம்

பீட்ரூட் அல்லது சிவப்பு நிற உணவுகளை அதிகமாக உட்கொள்வதால், மக்கள் பீட்டூரியாவின் அறிகுறிகளை உருவாக்கலாம். பீட்ரூட் சாற்றை அதிகமாக உட்கொள்வதால் சிறுநீர் அல்லது மலத்தில் சிவப்பு நிறம் ஏற்படும் நிலை பீட்டூரியா ஆகும்.

வயிறுக் கோளாறுகள்

பீட்ரூட்டில் நைட்ரேட்டுகள் உள்ளன, அவை அதிகமாக உட்கொள்ளும் போது, வயிற்றுப் பிடிப்பு மற்றும் வயிற்றுக் கோளாறுகளை உருவாக்கலாம்.

கர்ப்பக் காலத்தில் பாதுகாப்பற்றது

நைட்ரேட்டை அதிகமாக உட்கொள்ளும் கர்ப்பிணிப் பெண்களுக்கு ஆற்றல் இல்லாமை, தலைவலி, தலைச்சுற்றல் மற்றும் கண்கள், வாய், உதடுகள், கைகள் மற்றும் கால்களைச் சுற்றி சரும பிரச்சினைகளை அனுபவிக்கலாம்.

கல்லீரலுக்கு தீங்கு விளைவிக்கும்

ஆராய்ச்சியாளர்களின் கூற்றுப்படி, பீட்ரூட்டை அதிகமாக உட்கொள்வது கல்லீரலில் உலோக அயனிகளின் திரட்சியை ஏற்படுத்தும், இது நீண்ட காலத்திற்கு கல்லீரலை சேதப்படுத்தும்.

கால்சியம் பற்றாக்குறையை ஏற்படுத்தும்

ஆய்வுகளின் படி, அதிகப்படியான பீட்ரூட் சாறு உடலில் கால்சியம் அளவைக் குறைக்கும். கால்சியம் அளவு குறைவாக உள்ள பெண்கள், பீட்ரூட் சாற்றை அதிகமாக உட்கொள்வதைத் தவிர்க்க வேண்டும் என்று பரிந்துரைக்கப்படுகிறது.