'இந்த' ஒரு மசாலா பொருள் உங்க விந்தணுக்களின் எண்ணிக்கையை அதிகரித்து கர்ப்பம் தரிக்க உதவுமாம்...!

கருவுறுதலை அதிகரிக்க இலவங்கப்பட்டை உதவுமா?

நீங்கள் என்ன சாப்பிடுகிறீர்கள் மற்றும் எப்படி சாப்பிடுகிறீர்கள் என்பது உங்கள் ஒட்டுமொத்த ஆரோக்கியத்தில் பெரும் தாக்கத்தை ஏற்படுத்தும். ஒரே இரவில் கருவுறுதலை மேம்படுத்தும் உணவுகள் எதுவும் இல்லை. ஆனால் வழக்கமான மற்றும் மிதமான ஆரோக்கியமான உணவுகளை உட்கொள்வது உண்மையில் கருத்தரிக்க உதவும். சுவாரஸ்யமாக, இந்த நறுமண மசாலா இலவங்கப்பட்டை சேர்ப்பது கருவுறுதலை மேம்படுத்தவும், இயற்கையாகவே லிபிடோவை அதிகரிக்கவும் உதவும். இந்த மசாலாவை சிறிது சேர்ப்பது கருவுறுதல் அடிப்படையில் ஆண்களுக்கும் பெண்களுக்கும் உதவுகிறது.

விந்தணுக்களின் எண்ணிக்கையை அதிகரிக்கிறது

இலவங்கப்பட்டை இயற்கையில் சூடாக உள்ளது மற்றும் அதை உங்கள் தேநீர், டிடாக்ஸ் பானங்கள், சூப்கள், குழம்பு, கறிகள் மற்றும் இனிப்பு வகைகளில் சேர்த்து சாப்பிடலாம். இது விந்தணுக்களின் எண்ணிக்கையை மேம்படுத்துவதோடு ஆண்களின் இடுப்பு பகுதிக்கு இரத்த ஓட்டத்தை அதிகரிக்கும். ஆண்களின் விறைப்புச் செயலிழப்பை தடுக்கிறது. ஆண்களின் பாலியல் உணர்வை அதிகரிக்கிறது. மேலும், அழற்சி எதிர்ப்பு, பூஞ்சை எதிர்ப்பு மற்றும் பாக்டீரியா எதிர்ப்பு பண்புகள் இதில் நிறைந்துள்ளன.

மாதவிடாய் சுழற்சியை சீராக்குகிறது

இதேபோல், பெண்கள் உணவில் சிறிதளவு இலவங்கப்பட்டையைச் சேர்ப்பது ஒழுங்கற்ற மாதவிடாய் சுழற்சியை நிர்வகிக்க உதவும். மேலும், பெண்களின் மலட்டுத்தன்மைக்கு முக்கிய காரணங்களில் ஒன்றான பாலிசிஸ்டிக் ஓவரி சிண்ட்ரோம் (பிசிஓஎஸ்) விளைவைக் குறைக்கவும் உதவும். காலையில் இலவங்கப்பட்டை தேநீர் அல்லது இலவங்கப்பட்டை டிடாக்ஸ் தண்ணீரைக் குடிப்பது மாதவிடாய் சுழற்சியை சீராக்க வைத்து, கர்ப்பத்தின் வாய்ப்புகளை அதிகரிக்க உதவுகிறது.

ஒரு நாளைக்கு எவ்வளவு இலவங்கப்பட்டை சாப்பிடலாம்?

சுகாதார நிபுணர்களின் கூற்றுப்படி, ஆண்கள் அல்லது பெண்கள் தங்கள் தினசரி உணவில் சுமார் 3 கிராம் இலவங்கப்பட்டை சேர்க்கலாம். இலவங்கப்பட்டை கருவுறுதலுக்கு சிறப்பாகச் செயல்படுவது மட்டுமல்லாமல், உடல் எடையைக் குறைக்கவும், நீரிழிவு நோயைக் கட்டுப்படுத்தவும், இதய ஆரோக்கியத்தை மேம்படுத்தவும் உதவுகிறது.

நல்ல தூக்கத்தைக் கொடுக்கும்

தினசரி உணவில் இலவங்கப்பட்டை சேர்க்க பல வழிகள் உள்ளன. இலவங்கப்பட்டை தூள் அல்லது குச்சியை வெந்நீரில் ஊறவைத்து டீயாக குடிக்கலாம் அல்லது சாலடுகள், ஓட்ஸ் உணவுகள், கஞ்சிகள், சூப்கள், ஸ்மூத்திகளில் இலவங்கப்பட்டை தூள் சேர்த்து சாப்பிடலாம். ஒரு சில இலவங்கப்பட்டையை உங்கள் உணவில் சேர்த்துக் கொள்வதற்கான மற்றொரு சிறந்த வழி, எலுமிச்சைத் துண்டுகளை தண்ணீரில் காய்ச்சி, இலவங்கப்பட்டை மற்றும் தேனுடன் சேர்த்து தயாரிக்கப்படும் பானத்தை அருந்தலாம். இல்லையெனில் நீங்கள் உறங்கும் போது எடுத்துக்கொள்ளும் பானங்களில் இலவங்கப்பட்டையைச் சேர்க்கலாம். இது உங்களுக்கு நிம்மிதியான தூக்கத்தை கொடுக்கும்.

கர்ப்ப காலத்தில் இலவங்கப்பட்டை பாதுகாப்பானதா?

எதையுமே அளவுக்கு அதிகமாக எடுத்துக்கொள்ளலாமல் குறைவான அளவில் எடுத்துக் கொள்வது பாதுகாப்பானது. இதையே நீங்கள் அதிகமாக உணவில் பயன்படுத்தும் போது சில தீவிர பக்க விளைவுகளை உண்டாக்க வாய்ப்புள்ளது. இந்த பட்டையை பிரியாணி, கேக், டீ இப்படி எதில் வேண்டுமானாலும் பயன்படுத்திக் கொள்ளலாம். ஒரு நாளைக்கு 1-6 கிராம் வரை பெரியவர்கள் பயன்படுத்தலாம் கருவுற்ற பெண்களுக்கு என்று தனிப்பட்ட அளவு இல்லை. எனவே இதை விட கொஞ்சம் குறைவாகவே மருத்துவர்கள் பரிந்துரைக்கின்றனர்.

கர்ப்ப காலத்தில் பட்டையின் பயன்கள்

கர்ப்ப காலத்தில் சில பெண்களுக்கு உயர் இரத்த அழுத்தம் இருப்பது சிக்கலாகி விடும். இதை போக்க இலவங்கப்பட்டை பயன்படுகிறது. இது இரத்த அழுத்தத்தை குறைத்து பிரசவத்தை எளிதாக்குகிறது. அதே நேரத்தில் மருத்துவரிடம் ஆலோசித்து குறைந்த அளவை எடுத்துக் கொள்ளுங்கள்.

இறுதிக்குறிப்பு

தேவை என்றால் இலவங்கப்பட்டையை சூடான நீரில் போட்டு கொதிக்க வைத்து டீ போட்டு குடிக்கலாம். நல்ல நறுமணமாக இருக்கும். குமட்டல், வாந்திக்கு ஒரு ரிலீவ் கிடைக்கும். இலவங்கப்பட்டை பொடியை கேக் மற்றும் குக்கீஸ்களில் பயன்படுத்தி சாப்பிடலாம். நல்ல நறுமணம் இருப்பதால் உங்கள் உணவிற்கு சுவையை கூடும்.