காலையில் குறைவான நேரத்தில் அதிக சத்துக்கள் கொண்ட சிற்றுண்டிகள் எவ்வாறு தேர்தெடுக்கலாம்?

ஓட்ஸ் :

காலையில் உங்களுக்கு நார்சத்து மற்றும் புரொட்டின் உணவுகள்தான் தேவை. ஆகவே இவை அனைத்தும் அடங்கிய ஓட்ஸ் சாப்பிடலாம்.

இதனை பாலில் 5 -7 நிமிடம் வேக வைத்து பின் திராட்சை, முந்திரி தூவி சாப்பிடும்போது தேவையான இரும்பு மற்றும் கால்சியம் சத்தும் சேர்த்து கிடைக்கும். செய்யும், சாப்பிடும் நேரம் குறைவு.

கலோரி- 350, நார்சத்து- 8 கி, புரோட்டின் - 15 கி கிடைக்கும்

க்ரீக் யோகார்ட் :

க்ரீக் யோகார்ட் எல்லா க்டைகளிலும் கிடைக்கும். அதில் பழங்களை துண்டாக்கி கலந்து சாப்பிட்டால் காலைக்கு தேவையான சத்துக்களை பெறலாம்.

கலோரி - 390 கி, கொழுப்பு - 5கி, புரதம் - 31, சர்க்கரை - 42 கி

முட்டை :

அவித்த முட்டை அல்லது ஆம்லெட் போன்றவற்றை சாப்பிடலாம். செய்யும் நேரமும் 5 நிமிடம்தான்.

முட்டையிலுள்ள லியூசின் மற்றும் ஜியாஸான்தைன் ஆகிய அமினோ அமிலங்கள் கண் பார்வை அதிகரிக்கச் செய்யும் கேடராக்டை தடுக்கும். வயிறு நிறையும்.

பெர்ரி வகைகள் :

கடைகளில் பெர்ரி வகை பழங்களை வாங்கி முன்னமே வைத்துக் கொள்ளுங்கள். இவை அதிக ஆன்டி ஆக்ஸிடென்ட் கொண்டவை.

அதிக நார்சத்தும் உள்ளது. பெர்ரி பழங்களை யோகார்டுடன் சாப்பிட்டால் வயிறு நிறையும் . நேரமும் குறைவு. காலைக்கு தேவையான சக்தி கிடைக்கும்.

ஆளி விதைகள் :

இவை அதிக புரதம் கொண்டவை. நிறைய ஊட்டச் சத்து கொண்டவை. ஆளி விதைகளை வறுத்து பொடி செய்து வைத்துக் கொள்ளுங்கள். இதனை கஞ்சி போல் காட்சி குடிக்கலாம். அல்லது யோகார்ட் அல்லது ஜூஸ் போல் செய்து சாப்பிட்டால் முழு சத்துக்களும் கிடைக்கும்.

முழுதானிய பிரட் வகைகள் :

வெள்ளை பிரட் வாங்கக் கூடாது. ஆனால் முழுதானியம் மற்றும் கோதுமை வகை பிரட்டுகள் வாங்கலாம். இவற்றில் அதிக நார்சத்து மற்றும் புரொட்டின் உள்ளது. இட்லிக்கு அடுத்ததாக பிரட் மற்றும் ஒரு முட்டை முழுமையான காலை சிற்றுண்டியாகும்.