கர்ப்ப காலத்தில் இந்த ஆசனத்தை கண்டிப்பாக செய்யுங்கள்.. கர்ப்பிணிகளுக்கு தீபிகா படுகோன் தரும் டிப்ஸ்.!

தீபிகா படுகோன் மற்றும் ரன்வீர் சிங் தம்பதியினர் தங்களுடைய முதல் குழந்தையை ஆவலோடு எதிர்பார்த்து காத்திருக்கின்றனர். வருகின்ற செப்டம்பர் மாதம் இந்த ஜோடிக்கு குழந்தை பிறக்க இருக்கிறது.

இந்நிலையில் தீபிகா தொடர்ச்சியாக தன்னுடைய கர்ப்பகால பயணத்தை சோஷியல் மீடியாவில் பதிவு செய்து வருகிறார். அந்த வகையில் அவர் சமீபத்தில் யோகாசனம் செய்வது போன்ற ஒரு போஸ்டை ஷேர் செய்துள்ளார். அதில் தீபிகா, தரையில் படுத்து கொண்டு விப்ரித் கர்னி ஆசனம் செய்யும் புகைப்படத்தை இன்ஸ்டாவில் தனது பக்கத்தில் பகிர்ந்துள்ளார்.

இதனை பார்த்த அவரது ரசிகர்களும் மற்றவர்களும் அதிர்ச்சி அடைந்தனர். இந்த ஆசனம் குறித்து தீபிகா கூறியதாவது,” தினமும் தூங்குவதற்கு முன் விப்ரித் கர்னி ஆசனம் செய்தால், அது உடல் மற்றும் மனதைத் தளர்த்துவதற்கு உதவியாக இருக்கும், இதன் விளைவாக நல்ல தூக்கம் கிடைக்கும்.

இந்த ஆசனம் கால் மற்றும் பாதங்களில் வலியை போக்கவும், நரம்பு மண்டலத்தை அமைதிப்படுத்தவும், மன அழுத்தம் மற்றும் பதட்டத்தைக் குறைக்கவும், கால்கள், பாதங்கள் மற்றும் இடுப்புகளில் இருந்து அழுத்தம் அல்லது சோர்வைப் போக்கவும், ரத்த ஓட்டத்தை மேம்படுத்தவும் உதவும் என்று கூறுகிறார்..

தினமும் இதை செய்தால், அது மன அழுத்தத்தைக் குறைக்கவும், ரத்த சுழற்சியை மேம்படுத்தவும், கீழ் முதுகுவலியைக் குறைக்கவும் உதவும் என்கிறார்.. மேலும் இந்த யோகா ஆசனம் போஸில் இருக்கும்போது உங்கள் சுவாசத்தை மெதுவாகவும் சீராகவும் வைத்திருங்கள், உங்கள் மூச்சை இழுத்து பிடித்துக் கொள்ளக்கூடாது..

மாதவிடாய் அல்லது கர்ப்ப காலத்தில் முதலில் உங்கள் மருத்துவரிடம் ஆலோசிக்காமல் இந்த ஆசனத்தை பயிற்சி செய்யாதீர்கள். இந்த போஸைப் பற்றி உங்களுக்கு ஏதேனும் சந்தேகம் அல்லது கேள்விகள் இருந்தால், அதை நீங்கள் முயற்சிக்கும் முன், தகுதிவாய்ந்த யோகா ஆசிரியரிடமிருந்து வழிகாட்டுதலைப் பெறுவது சிறந்தது என்கிறார் தீபிகா..

விபரீத கரணி அல்லது லெக்ஸ்-அப்-தி-வால் போஸ் என்றால் என்ன?

விபரீத கரணி என்பது ஒரு சிகிச்சைப் பயிற்சியாகும், இது உங்கள் முதுகில் படுத்துக் கொண்டு, உங்கள் கால்களை சுவருக்கு எதிராக செங்குத்தாக நீட்டியவாறு இருக்குமாறு செய்ய வேண்டும். இந்த மறுசீரமைப்பு போஸுக்கு குறைந்தபட்ச முயற்சி தேவைப்படுகிறது மற்றும் கூடுதல் வசதிக்காக சுவர், யோகா பாய் அல்லது மடிந்த போர்வை அல்லது குஷன் தவிர சிறப்பு உபகரணங்கள் எதுவும் தேவையில்லை. படத்தைப் பகிர்ந்துகொண்டு, தீபிகா மேலும் எழுதினார், "சமஸ்கிருதத்தில் விபரிதா என்றால் "தலைகீழ்" என்றும் கரணி என்பது "செயலில்" என்றும் மொழிபெயர்க்கப்பட்டுள்ளது. இந்த செயலில் உள்ள தலைகீழ் நிலை நிதானமான தலைகீழ் என்றும் அழைக்கப்படுகிறது.

மேலும் இந்த பதிவுக்கு அவர் தலைப்பு ஒன்றை கொடுத்து, சுய பராமரிப்புக்கான முக்கியத்துவம் பற்றி பேசுகிறார். இந்த புகைப்படம் குறித்து ரன்வீர் சிங் கமெண்டில் தன்னுடைய உணர்வுகளை பகிர்ந்து கொண்டுள்ளார். இந்த பதிவை ஆர்வத்துடன் ரசித்து வரும் தீபிகாவின் ரசிகர்கள் பல்வேறு கமெண்டுகள் மற்றும் ரியாக்ஷன்களை கொடுத்து வருகின்றனர். மேலும் பலர் தீபிகா மற்றும் ரன்வீர் சிங்குக்கு தொடர்ந்து வாழ்த்துக்களை தெரிவித்த வண்ணம் உள்ளனர்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.