மழைநீரால் உயிருக்கே ஆபத்தான இந்த நோய்கள் எளிதில் பரவுமாம்... இதனை எப்படி தடுக்காலம் தெரியுமா?

மழைக்காலம் வந்து விட்டது போல தமிழகம் முழுவதும் மழை பெய்ய தொடங்கி விட்டது. கோடைகாலத்துடன் ஒப்பிடும் போது மழைக்காலம் இதமானதாக இருந்தாலும் மழை அதனுடன் பல நோய்களையும் அழைத்து வரும். மழைக்கால பழங்கள் போல மழைக்கால நோய்களும் உள்ளன.

நாள் முழுவதும் மழை பெய்து வருவதால் தண்ணீர் தேங்குவ கண்டிப்பாக தவிர்க்க முடியாததாக இருக்கும். மேலும் அசுத்தமான நீர், தேங்கி நிற்கும் குட்டைகள் அல்லது நீர்நிலைகளால், நீரால் பரவும் நோய்கள் பரவுவதற்கான வாய்ப்புகள் அதிகம். உலக சுகாதார அமைப்பின் கூற்றுப்படி, உலகம் முழுவதும் 80 சதவீத நோய்கள் நீர் மூலமாகத்தான் பரவுகிறது.

தேங்கியிருக்கும் அசுத்தமான நீர் மூலம் நீரினால் பரவும் நோய்கள் பரவுகின்றன. ஈரப்பதம் மற்றும் அசுத்தமான, தேங்கி நிற்கும் நீர் பல்வேறு பாக்டீரியாக்கள் மற்றும் பூஞ்சைகள் இனப்பெருக்கம் செய்யும் இடமாகும்.

நீர் மூலம் பரவும் பொதுவான நோய்கள்

காலரா

ஒரு பொதுவான நீர் மூலம் பரவும் நோய் காலராவாகும். இது வயிற்றுப்போக்கு, நீரிழப்பு போன்றவற்றை ஏற்படுத்தலாம். அதைத் தவிர்க்க தண்ணீர் மற்றும் ஆரோக்கியமான உணவை நன்கு உட்கொள்ள வேண்டும்.

ஹெபடைடிஸ் ஏ

இது அசுத்தமான தண்ணீரிலிருந்து பரவி கல்லீரல் ஆரோக்கியத்தை பாதிக்கும். இது மேலும் மஞ்சள் காமாலை, காய்ச்சல், குமட்டல் போன்றவற்றுக்கு வழிவகுக்கும

டைபாய்டு

அசுத்தமான நீர் அல்லது உணவு எளிதில் டைபாய்டுக்கு வழிவகுக்கும். இது ஒரு பொதுவான நீரில் பரவும் நோயாகும், இது பாதிக்கப்பட்ட நபரின் ஆற்றலை உறிஞ்சும்.

நீர் மூலம் பரவும் நோய்களை தடுக்கும் வழிகள்

பொது இடங்களில் குழாய் நீரைத் தவிர்க்கவும்

பொது இடங்களில் குடிக்க பல இடங்களில் குழாய்கள் வைக்கப்பட்டிருக்கும். இல்லையெனில், அழுக்கு நீரின் அபாயத்தைக் குறைக்க குழாய் நீரைப் பயன்படுத்துவதைத் தவிர்க்க வேண்டும்.

கை சுகாதாரம்

சரியான கை சுகாதாரத்தை பராமரிப்பது முக்கியம். சாப்பிடுவதற்கு முன், வெளியில் இருந்து வீட்டிற்கு வந்த பிறகு, கழிப்பறையைப் பயன்படுத்திய பிறகு உங்கள் கைகளை கழுவவும்.

பழங்கள் மற்றும் காய்கறிகளை கழுவவும்

திறந்த வண்டி விற்பனையாளர்களிடமிருந்து நிறைய பேர் பழங்கள் மற்றும் காய்கறிகளை வாங்குவதால், மழைநீரில் மூழ்கும் வாய்ப்புகள் உள்ளன. எனவே, பழங்கள் மற்றும் காய்கறிகளை சாப்பிடுவதற்கு முன்பு அவற்றைக் கழுவ வேண்டியது அவசியம். இது ஒரு ஆரோக்கியமான நடைமுறையாகும்.

சுத்தமான சுற்றுப்புறம்

உங்களைச் சுற்றிலும் தூய்மையான மற்றும் பசுமையான சூழலைப் பராமரிப்பதை உறுதிசெய்யவும். கொசுக்கள் உற்பத்தியாகும் இடங்களைத் தவிர்க்க, தண்ணீர் தேங்கி நிற்கும் வாய்ப்பை நீக்கி, சுற்றுப்புறத்தை சுத்தமாக வைத்திருக்க வேண்டும்.

கொசு கடிக்காமல் பார்த்துக் கொள்ள வேண்டும்

பெரும்பாலான மழைக்கால நோய்கள் கொசுக்கடியால் ஏற்படுகின்றன. கொசு கடிப்பதைத் தடுக்க உங்கள் உடலை மூடி வைக்க முயற்சிக்கவும். மேலும், மலேரியா மற்றும் டெங்குவை தவிர்க்க கொசு விரட்டியை பயன்படுத்த வேண்டும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.