நடக்கும்போது இந்த அறிகுறிகள் வருதா? அப்ப உங்கள் உடலில் இந்த ஆபத்தான பொருள் ரொம்ப அதிகமா இருக்குமாம்...!

Cholesterol Symptoms: இதய ஆரோக்கியம் மட்டுமின்றி ஒட்டுமொத்த ஆரோக்கியத்தை மேம்படுத்த கொழுப்பின் அளவை நிர்வகிப்பது மிகவும் முக்கியமானது. LDL என்று அழைக்கப்படும் குறைந்த அடர்த்தி கொண்ட லிப்போபுரோட்டீன் இரத்தத்தில் அதிகமாக இருந்தாலும், அது கவனிக்கப்படாமல் போனாலும், அது உங்கள் அன்றாட நடவடிக்கைகளைப் பாதிக்கும் வழிகளில் வெளிப்படும்.

கொழுப்பின் அளவுகள் அதிகரிக்கும் போது, அதன் அறிகுறிகள் பொதுவாக வெளிப்படையாகக் காணப்படாமல் போகலாம், அதனால்தான் இது 'அமைதியான கொலையாளி(Silent Killer )' என்று அழைக்கப்படுகிறது. இருப்பினும், பிடிப்புகள், மூச்சுத் திணறல் போன்றவை கெட்ட கொழுப்பின் முக்கிய அறிகுறிகளாக இருக்கலாம். அதிக கொழுப்பின் பொதுவான அறிகுறிகள் என்னென்ன என்று இந்த பதிவில் தெரிந்து கொல்லலாம்.

மூச்சுத் திணறல்

நடைப்பயிற்சியின் போது உங்களுக்கு வழக்கத்திற்கு மாறாக அதிக மூச்சுத் திணறல் ஏற்பட்டால், அது உங்கள் இதயம் மற்றும் இரத்த நாளங்களை பாதிக்கும் அதிக LDL கொழுப்பின் அறிகுறியாக இருக்கலாம். உயர்ந்த LDL அளவுகள் தமனிகளில் அடைப்பு ஏற்படுவதற்கு வழிவகுக்கும், இது இரத்த நாளங்களைச் சுருக்கி இரத்த ஓட்டத்தை கட்டுப்படுத்துகிறது. இதனால் உங்கள் இதயம் இரத்தத்தை பம்ப் செய்ய மிகவும் கடினமாக உழைக்க வேண்டியிருக்கும். குறிப்பாக உடல் செயல்பாடுகளின் போது. வழக்கத்தை விட அதிகமாக சுவாசிக்க சிரமப்படுவதாக நீங்கள் உணர்ந்தால் உடனடியாக மருத்துவரை அணுக வேண்டியது அவசியம்.

கால் பிடிப்புகள்

நடக்கும்போது கால்களில் வலி மற்றும் பிடிப்புகள் ஏற்படுவது, Peripheral Artery Disease (PAD) நோயின் அறிகுறியாக இருக்கலாம், இது பெரும்பாலும் அதிக LDL கொழுப்போடு தொடர்புடையது. கொழுப்பின் அளவு அதிகரிக்கும் போது, கால்களுக்கு இரத்தத்தை வழங்கும் தமனிகளில் பிளேக் உருவாகி, இரத்த ஓட்டம் குறைவதற்கு வழிவகுக்கும். இது கால்களில் வலி அல்லது பிடிப்பை ஏற்படுத்தும், குறிப்பாக உடல் செயல்பாடுகளின் போது பாதிப்பை அதிகரிக்கும். ஓய்வுக்குப் பிறகும் நீங்கள் தொடர்ந்து கால் அசௌகரியத்தை அனுபவித்தால், மருத்துவரை ஆலோசிப்பது நல்லது.

கைகால்கள் குளிர்ச்சியாக இருப்பது

நடக்கும்போது அல்லது அதற்குப் பிறகு உங்கள் கைகள் மற்றும் கால்கள் வழக்கத்திற்கு மாறாக குளிராக உணர்ந்தால், அது அதிக கொழுப்பால் ஏற்படும் மோசமான இரத்த ஓட்டத்தைக் குறிக்கலாம். தமனிகள் குறுகும்போது, கைகால்கள் மீதான இரத்த ஓட்டம் பாதிக்கப்படலாம், இதனால் குளிர்ச்சியான உணர்வு ஏற்படும். இந்த அறிகுறியை நீங்கள் அடிக்கடி கவனித்தால், உங்கள் கொழுப்பின் அளவையும் ஒட்டுமொத்த வாஸ்குலர் ஆரோக்கியத்தையும் உடனடியாக கவனிக்க வேண்டியது அவசியம்.

சோர்வு

நடைபயிற்சியின் போது வழக்கத்திற்கு மாறாக சோர்வாகவோ அல்லது பலவீனமாகவோ உணருவது ஒட்டுமொத்த இதய ஆரோக்கியத்தை பாதிக்கும் அதிக கொழுப்புடன் தொடர்புடையதாக இருக்கலாம். தமனிகள் குறுகுவதால் உங்கள் உடல் இரத்தத்தை திறம்பட பம்ப் செய்ய சிரமப்படும்போது, உங்களுக்கு உடல் சகிப்புத்தன்மை குறையக்கூடும். முன்னர் உடல் செயல்பாடுகளின் போது நன்றாக இருந்துவிட்டு, தற்போது திடீரென பலவீனமாக உணர்ந்தால் நீங்கள் கொழுப்பின் அளவையும் ஒட்டுமொத்த இதய ஆரோக்கியத்தையும் பரிசோதிக்க வேண்டும்.

மார்பு வலி

நடக்கும்போது மார்பு வலி அல்லது அசௌகரியத்தை அனுபவிப்பது மிகவும் ஆபத்தான அறிகுறியாகும். அதிக LDL கொழுப்பு, Atherosclerosis நிலைக்கு பங்களிக்கும், இது தமனிகள் பிளேக் படிவு காரணமாக குறுகும் ஒரு நிலை. இது ஆஞ்சினாவுக்கு வழிவகுக்கும், இதய தசை போதுமான இரத்தத்தைப் பெறாதபோது ஏற்படும் ஒரு வகையான மார்பு வலி. நடக்கும்போது உங்கள் மார்பில் அழுத்தம், இறுக்கம் அல்லது வலியை உணர்ந்தால், உடனடியாக மருத்துவ உதவியை நாடுவது அவசியம்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.