உடலுறவுக்கு முன்னும் பின்னும் இந்த விஷயங்கள செய்யுறது... உங்க செக்ஸ் வாழ்க்கைக்கு ரொம்ப நல்லதாம்!

அந்தரங்க பகுதிகளை சுத்தம் செய்தல்

ஒவ்வொருவருக்கும் தங்கள் உடலை சுத்தமாக வைத்திருக்க வேண்டும் என்பது தெரியும். ஆனால், அந்தரங்க பகுதி என்னும்போது, அது குறித்து விழிப்புணர்வு பெரும்பாலான மக்களிடையே இல்லை. உங்கள் அந்தரங்க பகுதியை சுத்தமாக வைத்துக்கொள்வது மிக முக்கியம். ஏனெனில் இந்த பகுதி தூய்மையாக இல்லையென்றால், கிருமிகளின் இனப்பெருக்கம் அதிகரிக்கும் இடமாக மாறும். எப்போதும் உங்கள் அந்தரங்க பகுதியை வெற்று நீரில் மெதுவாக சுத்தம் செய்வது நல்லது. விளம்பரங்கள் அல்லது ஒருவரின் பரிந்துரையைப் பின்பற்றி கண்மூடித்தனமாக இரசாயனப் பொருட்களை அந்த பகுதியில் பயன்படுத்த வேண்டாம், அவ்வாறு செய்வதற்கு முன் மருத்துவரை அணுகி ஆலோசனை பெறுங்கள்.

உடலுறவுக்கு முன்னும் பின்னும் தூய்மையாக இருக்க வேண்டும்

உடலுறவுக்கு முன்னும் பின்னும் உங்களைத் தூய்மைப்படுத்துவது மிகவும் முக்கியம். ஏனெனில் இது உடலில் திரவங்கள் பரவுவதால் ஏற்படும் அபாயங்களைக் குறைக்கிறது. நீங்கள் வெதுவெதுப்பான நீர் மற்றும் லேசான சோப்பைப் பயன்படுத்தி குளிக்கலாம். உடலுறவில் ஈடுபடுவதற்கு முன்னும் பின்னும் உங்கள் அந்தரங்க பகுதிகளை சுத்தம் செய்ய மறக்காதீர்கள்.

டச்சிங் பரிந்துரைக்கப்படவில்லை

பல பெண்கள் தங்கள் யோனியை சுத்தமாக வைத்திருக்க டச்சிங்கைத் தேர்வு செய்கிறார்கள். இதைத் தவிர்க்க வேண்டும். இல்லையெனில், இது நோய்த்தொற்றுகளின் அபாயத்தை அதிகரிக்கும். யோனியின் சாதாரண pH அளவை பாதிக்கிறது மற்றும் பிற உடல்நல அபாயங்களையும் ஏற்படுத்தலாம் என்று சுகாதார நிபுணர்கள் கூறுகிறார்கள். யோனி பகுதியை சுத்தம் செய்ய வெற்று தண்ணீரே போதுமானது.

சிறுநீர் கழிக்க வேண்டும்.

உடலுறவுக்குப் பிறகு குளியலறைக்குச் சென்று சிறுநீர் கழிக்க வேண்டும் மற்றும் உங்கள் அந்தரங்க பகுதியையும் சுத்தம் செய்ய வேண்டும். இது ஆண், பெண் இருவருக்கும் பொருந்தும். சிறுநீர் கழிப்பதன் மூலம், உங்கள் உடலில் நுழைய வாய்ப்புள்ள கிருமிகளை வெளியேற்றலாம். நீங்களும் உங்கள் துணையும் எவ்வளவு சுத்தமாகவும் சுகாதாரமாகவும் இருந்தாலும், கிருமிகள் சுரக்கும் வாய்ப்புகளை ஒருபோதும் உருவாக்க வேண்டாம்.

செக்ஸ் பொம்மைகளை சுத்தம் செய்யவும்

உங்களை ஆரோக்கியமாக வைத்துக்கொள்வது எவ்வளவு முக்கியமோ, அதேபோல மற்ற விஷயங்களையும் சுத்தமாக வைத்திருப்பது முக்கியம். நீங்கள் செக்ஸ் பொம்மைகளைப் பயன்படுத்தினால், ஒவ்வொரு பயன்பாட்டிற்கும் பிறகு அவற்றைச் சுத்தம் செய்ய வேண்டும். உடனடியாக சுத்தம் செய்யாமல் வைத்திருக்க வேண்டாம். அதுபோல செக்ஸ் பொம்மைகளை நீங்கள் பயன்படுத்துவதற்கு முன்பும் சுத்தம் செய்ய வேண்டும்.

ஆணுறைகளை மாற்றவும்

நீண்ட நேரம் அல்லது பலமுறை உடலுறவில் ஈடுபடும்போது, ஆணுறைகளை மாற்ற மறக்காதீர்கள். நீங்கள் பாலின வகைகளில் இருந்து மாறினாலும் (குத செக்ஸ், வாய்வழி செக்ஸ்) ஆணுறைகளை மாற்ற மறக்காதீர்கள். ஒரே ஆணுறையைப் பயன்படுத்தினால், தொற்று அபாயத்தை அதிகரிப்பது மட்டுமின்றி, அவற்றைப் பயன்படுத்துவதன் நோக்கமும் வீணாகிவிடும். ஆதலால், ஆணுறைகளை பயன்படுத்தும்போது, கவனமாக இருக்க வேண்டும்.

அசாதாரண அறிகுறிகளை புறக்கணிக்காதீர்கள்

ஒவ்வொரு நோய்த்தொற்றும் லேசான அறிகுறிகளுடன் தொடங்குகிறது மற்றும் இந்த அறிகுறிகளை புறக்கணிக்கும்போது நோய்கள் மேம்பட்ட நிலைக்கு வளர தொடங்கும். அந்தரங்க பகுதிகளில் சொறி, அரிப்பு மற்றும் எரியும் உணர்வுகள் போன்ற அறிகுறிகள் ஏற்பட்டால், அதை புறக்கணிக்காதீர்கள். உடனே மருத்துவ பரிசோதனை மேற்கொள்ளுங்கள். இது எதிர்காலத்தில் உங்களுக்கு வரும் பெரிய பிரச்சனையை கண்டறிய உதவும்.

உணர்ச்சி ஆரோக்கியத்தை கவனித்துக் கொள்ளுங்கள்

பாலியல் ஆரோக்கியம் என்பது தனிப்பட்ட உறுப்புகளுக்கு மட்டும் அல்ல. இது நமது மன ஆரோக்கியம் மற்றும் உணர்ச்சி ஆரோக்கியத்தையும் உள்ளடக்கியது. ஆதலால், மன அழுத்தம் இல்லாமல் இருங்கள். மன அழுத்தம் உங்கள் உடல் ஆரோக்கியத்திற்கும் பாலியல் ஆரோக்கியத்தையும் பாதிக்கும். உங்கள் துணை உடலுறவு கொள்ள உங்களை கட்டாயப்படுத்தினால், அதற்கு அடிபணிய வேண்டாம். விருப்பம் இருந்தால் மட்டும் உடலுறவு கொள்ளுங்கள்.

இருவரும் உடலுறவின்போது மகிழ்ச்சியாக இருங்கள், மகிழ்ச்சியான உடலுறவை உருவாக்க முயற்சி செய்யுங்கள்.