முகத்தில் உள்ள இறந்த செல்களை நீக்க வேண்டுமா? அப்ப இதுல ஒரு வழியை ட்ரை பண்ணுங்க..

1. ஓட்ஸ் ஃபேஸ் மாஸ்க்

ஓட்ஸ் சருமத்தில் உள்ள இறந்த செல்களை வெளியேற்ற உதவும். எனவே அந்த பொருளைக் கொண்டு ஃபேஸ் பேக் போடலாம்.

* ஒரு பௌலில் 2 டேபிள் ஸ்பூன் ஓட்ஸ் பொடியுடன், 2 டேபிள் ஸ்பூன் தயிர் மற்றும் 1 டேபிள் ஸ்பூன் தேன் சேர்த்து கலந்து கொள்ள வேண்டும்.

* பின் அதை முகத்தில் தடவி சிறிது நேரம் மென்மையாக ஸ்க்ரப் செய்து, 10-15 நிமிடம் ஊற வைத்து, பின் குளிர்ந்த நீரால் கழுவ வேண்டும். அதன் பின் மாய்ஸ்சுரைசரை தவறாமல் பயன்படுத்த வேண்டும்.

* இப்படி வாரத்திற்கு 1-2 முறை செய்து வந்தால், சருமத்தில் உள்ள இறந்த செல்கள் நீங்கி, சருமம் மென்மையாக இருக்கும்.

2. சர்க்கரை மற்றும் ஆலிவ் ஆயில் ஸ்க்ரப்

* 1/2 கப் சர்க்கரையில், 2-3 டேபிள் ஸ்பூன் ஆலிவ் ஆயில் சேர்த்து கலந்து கொள்ள வேண்டும்.

* பின் அதில் 2-3 டீஸ்பூன் தேன் மற்றும் சிறிது எலுமிச்சை சாறு சேர்த்து கலந்து கொள்ள வேண்டும்.

* பின்பு அதை சருமத்தில் தடவி மென்மையாக சில நிமிடங்கள் மசாஜ் செய்ய வேண்டும்.

* அதன் பின் வெதுவெதுப்பான நீரால் கழுவ வேண்டும்.

* இந்த ஸ்க்ரப்பை வாரத்திற்கு 2-3 முறை பயன்படுத்துவது நல்லது.

3. காபி ஸ்க்ரப்

* ஒரு பௌலில் 3 டேபிள் ஸ்பூன் காபித் தூள், 1 டேபிள் ஸ்பூன் ஆலிவ் ஆயில் அல்லது பாதாம் ஆயில், 1 டேபிள் ஸ்பூன் தேன் மற்றும் 1 டேபிள் ஸ்பூன் சர்க்கரை சேர்த்து கலந்து கொள்ள வேண்டும்.

* பின் இறந்த செல்கள் அதிகம் உள்ள பகுதியில் தடவி மென்மையாக சிறிது நேரம் மசாஜ் செய்து, 5-10 நிமிடம் ஊற வைக்க வேண்டும்.

* பின்பு வெதுவெதுப்பான நீரால் முகத்தைக் கழுவி, சருமத்தை உலர்த்த வேண்டும்.

* இந்த ஸ்கரப்பை வாரத்திற்கு ஒருமுறை பயன்படுத்த வேண்டும்.

4. பாதாம் ஃபேஸ் ஸ்கரப்

* 10 பாதாமை நீரில் இரவு முழுவதும் ஊற வைக்க வேண்டும்.

* மறுநாள் காலையில் தோலுரித்து விட்டு, பாதாமை அரைத்து பேஸ்ட் செய்து கொள்ள வேண்டும்.

* பின் அதில் 2 டீஸ்பூன் தேன் சேர்த்து கலந்து கொள்ள வேண்டும்.

* பின் அதை முகம் மற்றும் கழுத்துப் பகுதியில் தடவி 2 நிமிடங்கள் மசாஜ் செய்து, 10-15 நிமிடங்கள் ஊற வைத்து, பின் வெதுவெதுப்பான நீரால் கழுவ வேண்டும்.

* இந்த ஃபேஸ் ஸ்கரப்பை வாரத்திற்கு 2-3 முறை பயன்படுத்தலாம்.

5. கடலை மாவு

* ஒரு பௌலில் 2 டேபிள் ஸ்பூன் கடலை மாவை எடுத்து, அத்துடன் ரோஸ் வாட்டர் சேர்த்து பேஸ்ட் செய்து கொள்ள வேண்டும். பின் அதை சருமத்தில் தடவி நன்கு காய வைத்து, பின் நீரைப் பயன்படுத்தி மென்மையாக ஸ்கரப் செய்து கழுவ வேண்டும்.

* மற்றொரு வழி, ஒரு பௌலில் 2 டேபிள் ஸ்பூன் கடலை மாவை எடுத்து தயிர் மற்றும் 1 டீஸ்பூன் மஞ்சள் தூள் சேர்த்து கலந்து பேஸ்ட் செய்து கொள்ள வேண்டும். பின் அதை முகம் மற்றும் கழுத்தில் தடவி நன்கு காய வைத்து, பின் தேய்த்து கழுவ வேண்டும்.

* இவற்றை வாரத்திற்கு 1-2 முறை பயன்படுத்தலாம்.