வீட்டிலேயே எளிமையாக பெடிக்யூர் செய்ய வேண்டுமா? இதோ சில டிப்ஸ்...

வேண்டிய கருவிகள்

வீட்டில் பெடிக்யூர் செய்வதற்கு, முதலில் அதற்கு தேவையான கருவிகளை வாங்க வேண்டும். அதில் சிறிய வாளி, நெயில் க்ளிப்பர், மெருகேற்ற உதவும் கல், க்யூட்டிகிள் ஸ்டிக் மற்றும் நெயில் பாலிஷ் போன்றவை அடங்கும்.

நெயில் பாலிஷ் ரிமூவர்

பெடிக்யூர் செய்யும் முன், கால்விரல் நகங்களில் உள்ள நெயில் பாலிஷை, நெயில் பாலிஷ் ரிமூவர் பயன்படுத்தி மறக்காமல் நீக்க வேண்டும்.

பாதங்களை ஊற வைக்கவும்

அடுத்து ஒரு வாளியில் வெதுவெதுப்பான நீரை ஊற்றி, அதில் சிறிது உப்பு அல்லது எண்ணெய் சேர்த்து, அதில் கால்களை 10 நிமிடம் ஊற வைக்க வேண்டும்.

நகங்களை தயார் செய்யவும்

பின்னர் அகன்ற தட்டில் நீரை ஊற்றி, பின் அதில் படத்தில் காட்டியவாறு கால்விரல் நகங்களை ஊற வைத்து குதிங்கால்களை தூக்கி, பின் பிரஷ் கொண்டு குதிங்கால்களை தேய்க்க வேண்டும்.

க்யூட்டிகிள்களை பராமரிக்கவும்

நகங்களை நன்கு ஊற வைத்த பின்னர், க்யூட்டிகிள் ஸ்டிக் கொண்டு, நகங்களின் மேல் உள்ள அதிகப்படியான தோலை தேய்த்து நீக்கிவிட வேண்டும்.

மெருகேற்ற உதவும் கல்

பின்பு மெருகேற்ற உதவும் கல்லைக் கொண்டு பாதங்களை தேய்த்து, பாதங்களில் உள்ள இறந்த செல்களை நீக்கிவிட்டு, பின் மீண்டும் பிரஷ் பயன்படுத்தி தேய்க்க வேண்டும்.

உலர வைக்கவும்

பிறகு வெதுவெதுப்பான நீரால் பாதங்களை கழுவி, பின் உலர வைக்க வேண்டும். குறிப்பாக, பெடிக்யூர் முடிந்த பின்னர் பாதங்களை நீரில் அதிகம் ஊற வைக்க வேண்டாம். ஏனெனில் அவை சுருக்கங்களை ஏற்படுத்திவிடும்.

நெயில் பாலிஷ் போடவும்

பாதங்கள் நன்கு உலர்ந்த பின்னர் பேஸ் கோட் என்னும் நெயில் பாலிஷ் போட வேண்டும். இதனால் நகங்கள் நிறம் மாறாமல் அப்படியே இருக்கும். பின்னர் விரும்பிய நிறமுள்ள நெயில் பாலிஷ் போட்டுக் கொள்ளலாம்.