தேங்காய் சட்னியை இந்த ஒரு பொருளை சேர்த்து இந்த மாதிரி அரைச்சு பாருங்க...டேஸ்டாவும், ஆரோக்கியமாவும் இருக்கும்!

Coconut Pepper Chutney Recipe in Tamil: இட்லி, தோசைக்கு சிறந்த சைடிஷ் என்றால் அது தேங்காய் சட்னிதான். தேங்காய் சட்னி எவ்வளவு சுவையானதோ அதேயளவிற்கு செய்வதற்கு எளிமையானதும் கூட. தேங்காய் சட்னியை பொதுவாக தமிழ்நாட்டிலேயே மாவட்டத்திற்கு ஏற்ப வித்தியாசமாக செய்வோம். அந்த வகையில் மாநிலங்களுக்கு ஏற்பவும் தேங்காய் சட்னி செய்யும் முறை மாறுபடும்.

உங்கள் வீட்டில் காலையில் பெரும்பாலும் இட்லி அல்லது தோசைக்கு எப்போதும் ஒரே மாதிரியான தேங்காய் சட்னிதான் செய்வீர்களா? சில சமயங்களில் உங்களின் தேங்காய் சுவையின்றி இருக்குமா? ஆம் எனில், உங்களின் வழக்கத்தை மாற்ற வேண்டிய நேரம் வந்துவிட்டது.

அடுத்தமுறை தேங்காய் சட்னி செய்வதாக இருந்தால், அதன் சுவை இன்னும் பிரமாதமாக இருக்க, அவற்றுடன் சில பொருட்களை சேர்த்து அரைத்துக் கொள்ளுங்கள். அது தான் மிளகு மற்றும் சீரகம். இவ்விரண்டும் சத்தானது மட்டுன்றி, சட்னிக்கு நல்ல சுவையையும் தரக்கூடியவை.

உங்களுக்கு ஆரோக்கியமான மற்றும் சுவையான தேங்காய் சட்னியை எப்படி செய்வதென்று தெரிந்து கொள்ள வேண்டுமா? கீழே தேங்காய் மிளகு சட்னி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- 2 கப் துருவிய தேங்காய்
- 2 பச்சை மிளகாய்
- 1/4 டீஸ்பூன் சீரகம்
- 3 காய்ந்த சிவப்பு மிளகாய்
- 1/2 டீஸ்பூன் கடுகு
- 5 சின்ன வெங்காயம்
- 1 டேபிள் ஸ்பூன் உடைத்த மிளகு
- 2 கொத்து கறிவேப்பிலை
- தேவையான அளவு உப்பு
- 2 டேபிள் ஸ்பூன் எண்ணெய்

செய்முறை:

- ஒரு மிக்ஸி ஜாரில் துருவிய தேங்காய், பச்சை மிளகாய் மற்றும் சீரகத்தை ஒன்றாக அரைத்து சிறிது தண்ணீர் சேர்த்து கரடுமுரடான பேஸ்டாக அரைக்கவும்.

- பின்னர் தேவையான அளவு உப்பு சேர்த்து அரைக்கவும். பின் சின்ன வெங்காயத்தை நறுக்கி வைத்துக் கொள்ளவும்.

- ஒரு கடாயில் சிறிது எண்ணெய் ஊற்றி கடுகைப் போடவும்.

- பின்னர் தீயை மிதமான தீயில் வைத்து, நறுக்கிய சின்ன வெங்காயம் மற்றும் கறிவேப்பிலையைச் சேர்க்கவும்.

- வெங்காயம் பொன்னிறமாக மாறியதும் அதில் வர மிளகாயை சேர்த்து 1 நிமிடம் வதக்கவும்.

- பின்னர் உடைத்த மிளகை சேர்த்து, நன்றாகக் கலந்து அடுப்பை அணைக்கவும். மிளகை அதிகம் வேக வைக்க வேண்டாம்.

- அரைத்த தேங்காய் விழுதை கடாயில் ஊற்றி நன்கு கலக்கவும். தேவைப்பட்டால் சிறிதளவு உப்பு சேர்க்கவும்.

- அவ்வளவுதான் சூப்பரான தேங்காய் மிளகு சட்னி ரெடி!

Disclaimer: இந்தக் கட்டுரையில் குறிப்பிடப்பட்டுள்ள ரத்தினக் கற்களின் நன்மைகள் பாரம்பரிய நம்பிக்கைகள் மற்றும் ஜோதிட நடைமுறைகளை அடிப்படையாகக் கொண்டவை. இதன் முடிவுகள் நபருக்கு நபர் மாறுபடும். ஜோதிட நோக்கங்களுக்காக எந்த ரத்தினக் கல்லையும் அணிவதற்கு முன்பு ஒரு சான்றளிக்கப்பட்ட ஜோதிடர் அல்லது ரத்தின நிபுணரை அணுகுமாறு நாங்கள் பரிந்துரைக்கிறோம். இந்த உள்ளடக்கம் தகவல் நோக்கங்களுக்காக மட்டுமே, மேலும் தொழில்முறை ஆலோசனைக்கு மாற்றாக எடுத்துக்கொள்ள வேண்டாம்.