பாத பராமரிப்பிற்கு நேச்சுரல் ஸ்கரப்களை ட்ரை பண்ணலாமே!!!

உப்பை போன்றே சர்க்கரையும் ஒரு ஸ்கரப் செய்வதற்கு ஏற்ற பொருள். அதிலும் முகத்திற்கு ஸ்கரப் செய்ய சர்க்கரையைப் பயன்படுத்தினால், அத்துடன் ஸ்ட்ராபெர்ரி சேர்த்து தான் பொதுவாக செய்வார்கள். அதுவே பாதங்களுக்கு என்றால், ப்ரௌன் சர்க்கரையுடன், சிறிது வெண்ணிலா எண்ணெய் சேர்த்து கலந்து பாதத்தில் தடவி ஸ்கரப் செய்தால், பாதங்கள் ரிலாக்ஸ் ஆவதோடு, பாதங்களில் உள்ள துர்நாற்றம் போய் நன்கு நறுமணத்துடன் இருக்கும்.

காப்பியின் வாசனையை நுகர்ந்தால், மனம் நன்கு புத்துணர்ச்சியுடன் இருக்கும். அதேப் போல், அந்த காப்பி பொடியை பயன்படுத்தி, பாதங்களுக்கு ஸ்கரப் செய்தால், பொலிவிழந்து உள்ள பாதங்கள் பொலிவோடு இருக்கும்.

சருமத்தில் உள்ள இறந்த செல்களை நீக்குவதற்கு ஓட்ஸ் ஒரு சிறந்த பொருள். மேலும் இதனைப் பயன்படுத்தி ஸ்கரப் செய்தால், பாதங்கள் மென்மையாக இருப்பதோடு, ஈரப்பசையுடன் இருக்கும். அதற்கு ஓட்ஸை அரைத்து பொடி செய்து, அத்துடன் ரோஸ் வாட்டர் சேர்த்து கலந்து, ஸ்கரப் செய்ய வேண்டும்.

பாதாம் உடல் ஆரோக்கியத்தில் எவ்வளவு சிறந்தது என்று அனைவருக்குமே தெரியும். அதேப் போன்று அழகுப் பராமரிப்பிலும் பொரிதும் உதவியாக உள்ளது. குறிப்பாக பாதங்களில் ஏற்படும் வறட்சியை முற்றிலும் போக்குவதற்கு, பாதாம் எண்ணெயை பாதங்களில் தடவி, மசாஜ் செய்து வந்தால், பாதங்கள் வறட்சியின்றி இருப்பதோடு, பழுப்பு நிற சருமம் வராமல் இருக்கும்.

இந்த எண்ணெய் ஒருவித நாற்றத்தை உடையது. ஆனால் அதே சமயம் இது அழகுப் பராமரிப்பிலும் பயன்படுகிறது. மேலும் இது மிகவும் மலிவான விலையில் கிடைக்கக்கூடிய எண்ணெய். எனவே இந்த எண்ணெயை அரைத்த ஓட்ஸ் உடன் சேர்த்து கலந்து, பாதங்களுக்கு ஸ்கரப் செய்தால் நல்ல பலனைப் பெறலாம்.

பாதங்களுக்கு செய்யும் ஸ்கரப்பிலேயே ஸ்ட்ராபெர்ரி தான் சிறந்தது. அதிலும் இதனை உப்புடன் சேர்த்து பாதங்களுக்கு ஸ்கரப் செய்தால், நன்கு பட்டுப் போன்று பொலிவோடு இருக்கும். இல்லையெனில் ஒரு பௌலில் ஸ்ட்ராபெர்ரியை அரைத்து பேஸ்ட் செய்து, அதில் பாதாம் எண்ணெய், 2 வைட்டமின் ஈ மாத்திரைகளை பொடியாக்கி, சிறிது உப்பு சேர்த்து கலந்து, பாதங்களில் தடவி ஸ்கரப் செய்து, 15-20 நிமிடம் ஊற வைத்து, வெதுவெதுப்பான நீரில் கழுவ வேண்டும்.