தம்பதிகளே! திருப்தியான பாலியல் வாழ்க்கையை பெறணுமா? அப்ப 'இந்த' டிப்ஸை கண்டிப்பா ஃபாலோ பண்ணுங்க!

ஒவ்வொரு தம்பதிகளும் மகிழ்ச்சியான வாழ்க்கையை வாழத்தான் விரும்புவார்கள். நெருக்கம் மற்றும் பாலியல் நெருக்கம், இரண்டும் உங்கள் துணையால் நேசிக்கப்படுவதற்கான அறிகுறிகள்.

திருமணமான சில காலங்களிலையே பெரும்பலான தம்பதிகள் சலிப்பான பாலியல் வாழ்க்கையை பெறுகிறார்கள். தொடக்கத்தில் இருக்கும் செக்ஸ் ஆசை காலப்போக்கில் மறைந்து, திருமண வாழ்க்கையில் வெற்றிடத்தை ஏற்படுத்துகிறது. இது இவ்வளவு சிறந்த தம்பதிகளாலும் எதிர்கொள்ளப்படும் ஓர் பொதுவான பிரச்சனை.

வாழ்க்கை இன்னும் கடினமாகும்போது, நீங்கள் உங்கள் மனைவியிடமிருந்து தூரத்தை பராமரிக்க முயற்சி செய்யலாம். இது உங்கள் காதல் வாழ்க்கையை முற்றிலும் அழித்துவிடும். சின்னசின்ன விஷயங்கள் கூட தம்பதிகளுக்குள் நெருக்கத்தை அதிகரிக்க உதவும். நீங்கள் முத்தமிடுவதையும் கைகளைப் பிடிப்பதையும் செய்வது மீண்டும் நெருக்கமாவதற்கான வழிகள்.

உங்கள் திருமண வாழ்க்கையை சீரழிக்க பல விஷயங்கள் காரணமாக இருக்கலாம். மன அழுத்தம், தூக்கமின்மை, உடற்பயிற்சி இல்லாமை, ஹார்மோன் சமநிலையின்மை, சமநிலையற்ற உணவு, தகவல் தொடர்பு இல்லாமை மற்றும் பிஸியான வாழ்க்கை முறை இவை அனைத்தும் உங்கள் பாலியல் வாழ்க்கையில் இருந்து ஆர்வத்தை இழக்க வைக்கும். மீண்டும் உங்களை பாலியல் ரீதியாக தூண்டவும் நன்றாக செயல்படவும் உதவும் வழிகள் பற்றி இக்கட்டுரையில் காணலாம்.

போதுமான அளவு தூங்குவது

உங்களால் நன்றாக தூங்க முடிந்தால், உங்கள் காதல் வாழ்க்கையை நீங்கள் நிச்சயமாக புதுப்பிக்க முடியும். தினமும் குறைந்தபட்சம் 8 மணிநேரம் தூங்க முயற்சி செய்யுங்கள். இது உங்களை புத்துணர்ச்சியாகவும் உற்சாகமாகவும் வைத்திருக்கும். தம்பதிகள் இருவரும் இணைந்து தூங்குவது, அவர்களுக்குள் நெருக்கத்தையும் ஆரோக்கியமான வழக்கத்தையும் உருவாக்கும்.

சமச்சீரான உணவைப் பின்பற்றுங்கள்

உணவு உங்கள் உடல் ஆரோக்கியத்திற்கு மட்டுமல்ல, உங்கள் பாலியல் வாழ்க்கைக்கும் நன்மை பயக்கும். பச்சை இலைக் காய்கறிகள், பருப்பு வகைகள், சுத்திகரிக்கப்படாத முழு தானியங்கள் மற்றும் விதைகளை உங்கள் உணவில் சேர்த்துக் கொள்ளுங்கள். இது உங்கள் பாலியல் ஆர்வத்தை அதிகரித்து, உடலுறவில் நன்றாக செயல்பட வைக்கும்.

காஃபின், சர்க்கரை, ரொட்டி, சோடா, ஆல்கஹால் மற்றும் பதப்படுத்தப்பட்ட உணவுகளை தவிர்க்க வேண்டும். சர்க்கரை நிறைந்த உணவுகளை அதிகமாக உட்கொள்வது உங்கள் தூக்க சுழற்சியை சீர்குலைத்து எடை அதிகரிப்பிற்கு பங்களிக்கிறது. அத்துடன் குறைந்த லிபிடோவை ஏற்படுத்தும்.

சூடான மிளகாய், வாழைப்பழங்கள், வெண்ணெய், பாதாம், நட்ஸ்கள், மாம்பழம், பீச், ஸ்ட்ராபெர்ரி, முட்டை, கல்லீரல், அத்திப்பழம், பூண்டு, பூசணி மற்றும் பல போன்ற உங்கள் பாலியல் தூண்டுதலை அதிகரிக்கும் உணவுகளை சேர்த்துக் கொள்ளுங்கள். பகலில் நிறைய தண்ணீர் குடிக்க வேண்டும். நீரிழப்பு உங்கள் ஆற்றல் அளவைக் குறைக்கிறது. அதனால், எப்போதும் நீரேற்றமாக இருங்கள்.

உடல் தகுதியுடன் இருங்கள்

பகலில் தவறாமல் உடற்பயிற்சி செய்யுங்கள். இது உங்கள் மனநிலையை மேம்படுத்த உதவுகிறது. உங்கள் சகிப்புத்தன்மையை அதிகரிக்கிறது மற்றும் வலுவான விறைப்புத்தன்மை மற்றும் அதிகரித்த செயல்திறன் ஆகியவற்றிற்கு வழிவகுக்கிறது.

உடற்பயிற்சி உங்கள் உடலைத் தொனிக்க உதவுகிறது மற்றும் உங்கள் உணர்வு-நல்ல நரம்பியக்கடத்திகள், ஹார்மோன்கள் மற்றும் எண்டோர்பின்கள் (செரோடோனின், அட்ரினலின், டெஸ்டோஸ்டிரோன்) ஆகியவற்றை அதிகரிப்பதன் மூலம் உங்களைப் பற்றிய நம்பிக்கையை ஏற்படுத்துகிறது. இது பாலியல் செயல்பாடுகளுக்கு உங்களை மனரீதியாக தயார்படுத்துகிறது.

தகவல்தொடர்புகளை மேம்படுத்தவும்

உங்கள் துணையுடன் அவர் அல்லது அவள் செக்ஸ் பற்றி எப்படி உணருகிறார்கள் என்பதைப் பற்றி வெளிப்படையாகவும் அடிக்கடியும் பேச வேண்டும். உங்கள் கூட்டாளருக்கான உங்கள் பிஸியான கால அட்டவணையில் இருந்து தினமும் நேரத்தை ஒதுக்க வேண்டும். ஒருவருக்கொருவர் தரமான நேரத்தை செலவிடுவது, உங்கள் உறவை நீண்ட காலத்திற்கு மகிழ்ச்சியாக வைத்திருக்க உதவும்

வாழ்க்கை துணையுடன் நேரத்தை செலவிடுவதை விட, இந்த உலகில் எதுவும் முக்கியமில்லை. இருவரும் லிபிடோ இழப்பை பொறுமையாக சமாளிக்க வேண்டும். உங்கள் முதல் முத்தத்தை எப்பொழுதும் மெய்சிலிர்க்க வைத்து, மீண்டும் ரொமான்ஸ் செய்வதில் ஈடுபடுங்கள். காதல் என்றும் பசுமையானது; அதை உயிருடன் வைத்திருக்க முடிந்த அனைத்தையும் நீங்கள் முயற்சிக்க வேண்டும்.

யோகா

யோகா உங்கள் பாலியல் வாழ்க்கையில் முக்கிய பங்கு வகிக்கிறது. உர்த்வ தனுராசனம், அதோ முக ஸ்வனாசனம், உபவிஷ்ட கோனாசனம், சலம்ப சர்வாங்காசனம், பத்மாசனம் போன்ற யோகாசனங்கள் உடலுறவில் திருப்தி, ஆசை, உற்சாகம் மற்றும் உச்சக்கட்டத்தை அடைய வழிவகுக்கும். அதனால், தம்பதிகள் இருவரும் சேர்ந்து வழக்கமான 20 நிமிட தினசரி யோகா செய்வதுடன் நாளைத் தொடங்குங்கள்.

மன அழுத்தத்திலிருந்து விடுபடுங்கள்

செக்ஸ் டிரைவை மீட்டெடுக்க மன அழுத்தமில்லாத வாழ்க்கையை வாழத் தொடங்குங்கள். நீடித்த மன அழுத்தம் உடலுறவில் ஆர்வம் குறைவதற்கு வழிவகுக்கும். மன அழுத்தத்தை சமாளிக்க யோகா, தியானம், ஸ்பா, அரோமாதெரபி மற்றும் இசை கேட்பது போன்ற பல்வேறு நுட்பங்களை முயற்சி செய்ய வேண்டும்.

ஹார்மோன்களை சமநிலைப்படுத்துங்கள்

பாலியல் ஆசை குறைவதற்கு முக்கிய காரணம் ஹார்மோன் சமநிலையின்மை. இது படுக்கையில் உங்கள் உணர்ச்சிகளையும் செயல்திறனையும் பாதிக்கிறது. மூலிகைகள் மூலம் இயற்கையாகவே உங்கள் ஹார்மோன்களை சமநிலைப்படுத்த முயற்சி செய்யுங்கள்.