உடல் பருமனாக இருக்கும் தம்பதிகளிடம் ஏற்படும் இந்த ஒரு பிரச்சனை மிகவும் மோசமானது!

உடல்பருமன் தம்பதி!

மற்றவரோடு ஒப்பிடுகையில் கணவன் - மனைவி இருவரும் உடல்பருமனாக இருந்தால் சீரான மாதவிடாய் சுழற்சியின் போது இருக்கும் கருத்தரிப்பு வாய்ப்புகள் இவர்களுக்கு பாதி அளவு தான் இருக்கும் என சமீபத்திய ஆய்வில் தெரியவந்துள்ளது. இது அமெரிக்க தேசிய சுகாதார மையம் நடத்திய ஆய்வில் கண்டறிந்துள்ளனர்.

நீண்ட நாள்!

அமெரிக்க தேசிய குழந்தைகள் நலம் மற்றும் மனித மேம்பாட்டு நிறுவனத்தின் சீனியர் ஆய்வாளர் ராஜேஸ்வரி சுந்தரம் முன்னின்று நடத்திய இந்த ஆய்வில் தான் உடல் பருமனாக இருக்கும் தம்பதிகள் கருத்தரிக்க நீண்ட காலம் எடுத்துக் கொள்கிறது என கண்டறியப்பட்டுள்ளது.

ஆண், பெண் உடல்பருமன் தாக்கங்கள்!

உடல் பருமனாக இருக்கும் பெண்ணிடம் மாதவிடாய் சுழற்சி கோளாறுகள் காணப்படுகின்றன. உடல் பருமனாக இருக்கும் ஆணிடம் விந்தணு தரம் மற்றும் எண்ணிக்கை கோளாறுகள் உண்டாகின்றன என இதற்கு முந்தைய ஆய்வுகளில் கண்டறியப்பட்டுள்ளன.

உடல் எடை மற்றும் கருவளம்!

போஸ்டன் பல்கலைக்கழகத்தின் பொது சுகாதார பிரிவு எபிடெமியாலஜி பேராசிரியர் லவுரன் வைஸ் இதுகுறித்து கூறுகையில், "உடல் உடை கொண்டு கருவளத்தில் தாக்கம் உண்டாகும். எனவே, ஆரோக்கியமான முறையில் குழந்தை பெற்றுக் கொள்ள விரும்பும் தம்பதிகள் தங்கள் உடல் எடையில் அக்கறை செலுத்த வேண்டும்" என கூறுகிறார்.

ஆய்வு!

இந்த ஆய்வில் தொடர்ந்து பல மாதவிடாய் சுழற்சி காலத்தில் தம்பதிகளின் கருவளம் மற்றும் கருத்தரிக்கும் வாய்ப்பு ஆய்வு செய்யப்பட்டது. மேலும், ஆய்வாளர்கள் தம்பதிகளின் உடல் வேலைகள், அதற்கான காரணிகளையும் சேர்த்து ஆராய்ந்தனர்.

தம்பதிகள்!

இந்த ஆய்வில் 18 - 48 வயதுடைய 500 தம்பதிகள் பங்கெடுத்துக் கொண்டனர். இதில் அவர்களது வாழ்வியல் முறை, பழக்கவழக்கங்கள் போன்றவை ஆய்வு செய்யப்பட்டது. உடல் பருமனாக இருக்கும் தம்பதிகளிடம் டைப் 2 நீரிழிவு மற்றும் இதய கோளாறுகள் உண்டாகும் வாய்ப்புகளும் அதிகமாக இருக்கின்றன.