இந்த சாதாரண செயல்கள் உங்களின் உடலுறவில் கூடுதல் சுவாரஸ்யத்தை சேர்க்குமாம் தெரியுமா?

இரவு டேட்டிங் செல்லுங்கள்

நீங்கள் காதலில் இருந்ததுபோது எப்படி இருந்தீர்கள் என்பதை சற்று சிந்தித்து பாருங்கள். கண்டிப்பாக இரவு நேர விருந்திற்கும், பார்ட்டிக்கு சென்றிருப்பீர்கள். இப்பொழுதும் உங்கள் துணையை அதுபோன்ற ஒரு நிகழ்வுக்கு அழைத்துச் சென்று ஆச்சரியப்படுத்துங்கள். உங்களின் குழந்தைகளை பெற்றோரிடம் விட்டு விட்டு உங்கள் துணையுடன் நேரத்தை செலவழியுங்கள். இதுவும் முக்கியம்தான்.

உடலுறவு பற்றி பேசுங்கள்

உடலுறவு பற்றி உங்கள் துணையிடம் விவாதிப்பது உங்கள் இருவருக்குள்ளும் இருக்கும் பிரச்சினைகளை களைவதற்கும், உங்களின் எதிர்பார்ப்புகள் என்னவென்று தெரிந்து கொள்வதற்கும் உதவும். எத்தனைமுறை உறவு வைத்துக்கொள்ளலாம் என்பதைப் பற்றியும் நீங்கள் விவாதிக்கலாம். உங்கள் வேலைகள் மற்றும் குழந்தைகளை பாதிக்காத வண்ணம் உங்கள் தாம்பத்ய வாழ்க்கையை எப்படி துடிப்புடன் வைத்துக்கொள்வது என்பது பற்றி இருவரும் சேர்ந்து திட்டமிடுங்கள்.

துணையின் அழகை பாராட்டுங்கள்

உங்கள் தாம்பத்யம் சிறப்பாக இருக்க உங்கள் துணையின் உடல் அழகை நீங்கள் பாராட்ட வேண்டியது அவசியமாகும். உங்கள் சொற்கள், கண்கள் மற்றும் கைகள் மூலம் உங்கள் கூட்டாளியின் உடலைப் பாராட்டுங்கள். உங்களின் பார்வையாலேயே உங்கள் துணையை சிறப்பாக உணர வைக்கவேண்டும். இது உங்கள் இருவருக்குள்ளேயும் பாலியல் ஆசைகளை அதிகரிக்கும்.

சரசமாடுதல்

திருமணம் முடிந்து விட்டது என்பதற்காக நீங்கள் உங்கள் துணையுடன் கடலை போடவோ அல்லது சரசமாக பேசவோ கூடாது என்று அர்த்தமில்லை. உங்கள் அலுவலக நேரத்தில் அவர்களுக்கு A ஜோக்ஸ் அனுப்பலாம், அன்று இரவு நீங்கள் என்ன எதிர்பார்க்கிறீர்கள் என்று அனுப்பலாம், நீங்கள் பார்த்த கவர்ச்சியான உடை, படம் போன்றவற்றின் புகைப்படத்தை அனுப்பலாம். இது உங்கள் பாலியல் வாழ்க்கையில் சிறப்பான மாற்றத்தையும், தூண்டுதலையும் ஏற்படுத்தும்.

முன்விளையாட்டுக்களை ஒருபோதும் தவிர்க்காதீர்கள்

உடலுறவிற்கு முன் செய்யும் முன்விளையாட்டுகள் தம்பதிகளை நெருக்கமாகக் கொண்டுவருவதோடு அவர்களுக்கு நெருக்கமான உணர்வையும் தருகிறது. வெறுமனே உறவில் ஈடுபடுவது உங்களுக்கு நாளடைவில் சலிப்பை ஏற்படுத்தும். ஆனால் முன்விளையாட்டுடன் உடலுறவை தொடங்கும்போது உங்கள் துணைக்கு அடுத்து என்ன நடக்கும் என்னும் எதிர்பார்ப்பைத் தூண்டும். இது உங்கள் உறவிற்கு அதிக சுவாரஸ்யத்தை சேர்க்கும்.

திட்டமிடப்படாத உடலுறவு

உங்கள் துணையுடன் தன்னிச்சையாக உடலுறவு கொள்வது பற்றி சிந்தியுங்கள். இது உங்கள் கூட்டாளருக்கு ஆச்சரியத்தை ஏற்படுத்தும். வீட்டில் மனைவி தனியாக இருக்கும்போது அலுவலகத்துக்கு விடுமுறை போட்டுவிட்டு அவர்களுடன் கலவியில் ஈடுபடுவது உங்களுக்கு புதிய அனுபவமாக இருக்கும். இது உங்கள் துணையை ஏங்க வைக்கும்.

தவறான தருணங்களை சரியாக பயன்படுத்துவது

உங்கள் மனைவி எதிர்பாரக்த தருணத்தில் நீங்கள் அவர்களை சீண்டுவது உங்கள் மனைவியை வெளியில் கோபப்படுத்தினாலும் உள்ளுக்குள் அதனை ரசிப்பார்கள். உங்கள் நண்பர் இல்லத்திற்கு சென்று இருக்கும்போது தனிமையான தருணத்தில் அவர்களிடம் குறும்பில் ஈடுபடுவது அவர்களை கிளர்ச்சியடைய வைக்கும். வீட்டில் அனைவரும் இருக்கும்போது தனிமையான இடத்தில் நீங்கள் குறும்பில் ஈடுபடலாம், இதுபோன்ற செயல்கள் உங்களின் காதலையும், உடல் நெருக்கத்தையும் எப்போதும் குறையாமல் பார்த்துக் கொள்ளும்.