அவனுடன் ஒரு நாள்... ஒருசில மணிநேரம்... My Story #291

எனக்கு கோயம்பத்தூர் புதுசு. படிக்கிறதுக்காக தான் வந்தேன். ஹாஸ்டல் எல்லாம் சேராது, கெட்டுப் போயிடுவன்னு சொல்லி பாட்டி வீட்டுல தங்க வெச்சிட்டாங்க. நல்லவேளையா அதனால தான் அவன பார்க்க முடிஞ்சது.

நானும் அவனும் ஒரே காலேஜ், ஒரே பேட்ச். முதல் நாள் வெல்கம் பார்டி, கிப்ட், ஒரு சின்ன இன்ட்ரோடக்ஷன்னு பாதி நாள் தான் காலேஜ் நடந்துச்சு. மதியம் மூணு மணிக்கு எல்லாம் கிளம்பலாம்னு சொல்லிட்டாங்க.

அப்ப தான் அவன முதல் முறையா பார்த்தேன். நானும் அவனும் வேற வேற டிப்பார்ட்மெண்ட்டா இருந்தாலும், காலேஜ் பஸ் ஒன்னு தான்.

பார்க்கவே அடக்க, ஒடக்கமா இருந்தான். எல்லா பசங்களும் ஏதாவது ஆட்டம் போட்டுக்கிட்டு இருந்தாங்க. இவன் ஒருத்தன் மட்டும் எல்லாரும் பண்ற லூட்டிய பார்த்துட்டு நமட்டு சிரிப்பு சிரிச்சுட்டு கம்மன்னு உட்கார்ந்துட்டு இருந்தான்.