பெண்களே! உடலுறவில் நீங்க உச்சக்கட்டம் அடையாமல் இருக்கீங்களா? அப்ப இத உங்க கணவரிடம் சொல்லுங்க!

Orgasm Gap In Tamil: உடலுறவின் போது நீங்கள் உச்சக்கட்டத்தை அடையவில்லையா? அல்லது சிற்றின்பத்தை உணரவில்லையா? தம்பதிகளுக்குள் உச்சக்கட்ட இடைவெளி இருப்பது என்பது சாதாரண விஷயமல்ல. ஆதலால், அந்த இடைவெளியைக் குறைக்கவும், உங்கள் செக்ஸ் வாழ்க்கையை மேம்படுத்தவும் நீங்கள் முயற்சி செய்ய வேண்டும்.

உச்சகட்டம் எப்படி இருக்கும் தெரியுமா? நீங்கள் உச்சத்தை அடைந்துவிட்டீர்கள் என்று உங்களுக்கு எப்படித் தெரியும்? சில பெண்கள் ஒரு கூச்ச உணர்வை உணரலாம், ஆனால் அது ஒரு உச்சியை உண்மையில் எப்படி உணர வேண்டும் என்பதற்கான முதல் படியாக இருந்தால் என்ன செய்வது? பெரிய 'ஓ'-வைச் சுற்றியுள்ள இந்த மர்மத்தைப் பற்றி பெண்கள் அரிதாகவே பேசுகிறார்கள்.

உச்சியை அடையும் போது ஆண்களுக்கு விந்து வெளியேறுகிறது. ஆனால் பல வருட பாலியல் அனுபவங்களுக்குப் பிறகும் பெண்கள் உச்சியை அடையாமலும் இருக்கலாம். காலம் மாறி வருகிறது என்பதற்கு ஏற்ப பெண்கள் தங்கள் பாலியல் தேவைகளை பற்றி கணவனிடம் பேச வேண்டும். தங்களுடைய தேவைகளை பூர்த்தி செய்ய முயற்சி எடுக்க வேண்டும்.

உச்சக்கட்ட இடைவெளி என்றால் என்ன?
புணர்ச்சி இடைவெளி என்றும் அழைக்கப்படும் உச்சக்கட்ட இடைவெளி, ஆண்களும் பெண்களும் உடலுறவில் இருந்து இன்பத்தைப் பெறும் நேரங்களின் எண்ணிக்கைக்கு இடையே உள்ள வித்தியாசத்தைக் குறிக்கிறது. பெண்கள் பாலியல் உணர்வால் தூண்டப்படலாம். அது இயற்கையானது, ஆனால் அவர்கள் பெரும்பாலும் உச்சக்கட்டத்தை அடையாமல் இருக்கலாம்.

உடலுறவை பற்றிய விஷயங்கள் அறியாமல் இருப்பது, இதில் முக்கிய பங்கு வகிக்கிறது என்றாலும், உச்சக்கட்ட இடைவெளி உங்கள் கூட்டாளிகளுடன் நீங்கள் வைத்திருக்கும் பாலியல் தொடர்புகளுடன் அதிகம் தொடர்புடையது என்று ஆய்வுகள் காட்டுகின்றன.

சமீபத்தில் மேற்கொள்ளப்பட்ட ஓர் ஆய்வில், இந்தியாவில் உள்ள பெருநகரங்கள் மற்றும் சிறுநகரங்களில் வசிக்கும் 360 பெண்களிடம் கேள்விகள் கேட்கப்பட்டன. பதிலளித்தவர்களில் 81 சதவீதத்திற்கும் அதிகமானோர் தங்கள் பாலியல் வாழ்க்கையில் அதிருப்தி அடைந்துள்ளதாகவும், 73 சதவீதம் பேர் அரிதாகவே உச்சக்கட்டத்தை அடைவதாகவும் ஆய்வில் கூறியுள்ளனர்.

கணக்கெடுக்கப்பட்டவர்களில் 22 சதவீத பெண்கள் செக்ஸ் பொம்மைகள் பற்றி அறிந்திருக்கிறார்கள். ஆனால், 8 சதவீதம் பேர் மட்டுமே தங்கள் படுக்கையறைகளில் அவற்றைப் பயன்படுத்துகிறார்கள் என்பதும் இந்த ஆய்வின்மூலம் தெரிய வந்துள்ளது.

பாலியல் தேவைகள், சிரமங்கள் மற்றும் கற்பனைகள் போன்றவற்றைத் தங்கள் கணவனோடு தொடர்புகொள்வது பெண்களுக்கு இன்ப இடைவெளியைக் குறைக்க உதவும். ஆய்வு மேற்கொள்ளப்பட்ட மொத்த பெண்களில் 41 சதவீதம் பேர் மட்டுமே தங்கள் பாலியல் தேவைகளை பற்றித் தங்கள் கூட்டாளிகளிடம் தெரிவித்ததாக ஆய்வில் கூறியுள்ளனர்.

பாலியல் உறவுகளுக்கு என்று வரும்போது நமது சமூகம் மற்றும் கலாச்சாரம் ஆண்களுக்கும் பெண்களுக்கும் வெவ்வேறு எதிர்பார்ப்புகளை எவ்வாறு கொண்டுள்ளது என்ற பாலின எண்ணமும் இன்ப இடைவெளி நீடிப்பதற்கு மற்றொரு காரணமாக இருக்கிறது. வரும் காலங்களில் பெண்கள் தங்கள் கூட்டாளிகளிடம் இதைப் பற்றி வெளிப்படையாகப் பேசுவதன் மூலம் உச்சக்கட்டத்தை அடையலாம். உங்கள் துணையுடன் மகிழ்ச்சி இடைவெளியைப் பற்றி விவாதிக்க வழிகள் உள்ளன.

சொந்த மகிழ்ச்சியை அறிந்து கொள்ளுங்கள்
உச்சக்கட்டத்தின் நுணுக்கங்கள் உங்களுக்கு ஒரு மர்மமாக இருக்க வேண்டாம். உடலுறவு என்பது ஆரம்பம் முதல் முடிவு வரை ஒரு சுவாரஸ்ய அனுபவமாக இருக்கும். ஆனால், உங்களை இன்பம் கொள்ள செய்வது எது என்று உங்களுக்குத் தெரிந்தால் மட்டுமே அவை மகிழ்ச்சியாக இருக்கும். அதற்கு, சுய ஆய்வு முக்கியமானது.

உங்கள் உடலை பற்றி நீங்கள் தெரிந்து வைத்திருக்க வேண்டும். சுய இன்பத்தைப் பற்றியும், எப்படி செய்யும்போது உங்களுக்கு இன்பம் கிடைக்கிறது என்று தெரிந்து வைத்திருக்க வேண்டும். அதை உங்கள் கணவனிடம் கூறும்போது, நீங்கள் உச்சக்கட்டத்தை அடையாலாம்.

பாலியல் ஆசைகளைத் தெரிவிக்கவும்
உச்சக்கட்ட இடைவெளியைக் குறைக்கும் போது தொடர்பு மிகவும் முக்கியமானது. உங்கள் பாலியல் ஆசைகள் மற்றும் பிரச்சனைகள் ஏதேனும் இருந்தால் அவற்றைப் பற்றி மனம் திறந்து உரையாட வேண்டும். இதன் மூலம் நீங்கள் இழந்த உச்சியை அனுபவிக்க முடியும். உடலுறவின் போது வலி ஏற்படுவதை குறைக்க லூப்ரிகண்டைப் பயன்படுத்துவது உங்களுக்கு வேலை செய்தால், சருமத்திற்கு ஏற்ற லூப்ரிகண்ட்டை பயன்படுத்தலாம்.

மகிழ்ச்சியுடன் கூடிய பாதுகாப்பு
தகவல்தொடர்புக்கு வரும்போது, ஒப்புதல் மற்றும் பாதுகாப்பு பற்றி பேச மறந்துவிடாதீர்கள். ஆணுறைகளைப் பயன்படுத்தாமல் உடலுறவு கொள்ளும்போது சில ஆண்களுக்கு மிகவும் இன்பம் கிடைப்பதாகத் தோன்றினாலும், உடலுறவு என்று வரும்போது பாதுகாப்பாக இருக்க வேண்டும். உடலுறவை பாதுகாப்பாக மேற்கொள்ளுங்கள்.

இறுதிக்குறிப்பு
பெண்ணின் உச்சக்கட்டம் எவ்வளவு மர்மமானது என்று கருதப்படுவதால், உச்சக்கட்டத்தை எவ்வாறு அடைவது மற்றும் எவ்வளவு அடிக்கடி நீங்கள் அதை பெறலாம் என்பது பற்றி நிறைய கட்டுக்கதைகள் இருக்கலாம். நினைவில் கொள்ளுங்கள், ஒரு பெண்ணுக்கு வேலை செய்யக்கூடியது மற்றொரு பெண்ணுக்கு வேலை செய்யாது.

ஊடுருவும் உடலுறவு உங்களுக்கு உச்சியை கொடுக்காமல் போகலாம். சிலருக்கு க்ளிட்டோரிஸ் தூண்டுதல் மட்டும் நன்றாக வேலை செய்யும். சிலருக்கு, ஒரு குறிப்பிட்ட பாலியல் நிலை சிறப்பாக செயல்படலாம். அந்த வகையில், உங்களுக்கு எது உச்சக்கட்டத்தை அடைய உதவும் என்பதை அறிந்துகொள்ள வேண்டும்.