உங்ககிட்ட போலியா பழகும் சொந்தக்காரங்கள எப்படி கண்டுபிடிக்கணும்? அவங்கக்கூட எப்படி பழகணும் தெரியுமா?

ஒவ்வொருவரின் வாழ்க்கையிலும் சில உறவினர்கள் மற்றும் நண்பர்கள் மிகவும் பக்கபலமாக இருந்திருக்கலாம். அதேசமயம் போலி உறவினர்களும் உங்கள் வாழ்க்கையில் வரலாம். பெரும்பாலும் உறவினர்களிடையே அதிக போலித்தன்மை காணப்படுகிறதாக பலர் புகார் கூறுகிறார்கள்.

பெரும்பலான மக்களின் வாழ்க்கையில் பல உறவினர்கள் பெரிய ஏமாற்றுக்காரர்களாக இருக்கிறார்கள். அதேநேரம் உங்களுக்கான நலம் விரும்பிகளும் உங்களைச் சுற்றி இருக்கலாம். ஆனால் நம் உறவினர்கள் அவர்களில் ஒருவரல்ல என்பதில் உறுதியாக பலர் உள்ளனர்.

எப்போதாவது உங்கள் பெற்றோருடன் சண்டையிடுவது, நிதி உதவிக்கான நுட்பமான குறிப்புகள், உங்கள் படிப்பு, ஆடை மற்றும் வேலை பற்றி மறைமுகமான கருத்துக்கள், இவை அனைத்தும் ஒரு போலி மற்றும் சந்தர்ப்பவாத உறவினர்களால் கேட்கப்படலாம். ஆனால், போலியான உறவினர்கள் எப்போதாவது அவர்கள் கேட்கும் கேள்விகளுக்காக உங்களுக்கு உதவுகிறார்களா?

சில சமயங்களில் அவர்கள் குழந்தைகளுடன் உங்களை வெளியே அழைத்துச் செல்கிறார்களா? உங்கள் உறவினர் உண்மையில் ஒரு நண்பராக இருக்கிறரா? அல்லது மாறுவேடத்தில் இருக்கும் முதலையா? என்று நீங்கள் குழப்பமடைந்தால், நாங்கள் உங்களுக்கு சொல்கிறோம். போலி உறவினர்களை அடையாளம் கண்டு எப்படி கையாள வேண்டும் என்று இக்கட்டுரையில் தெரிந்துகொள்ளுங்கள்.

கவனத்தை ஈர்ப்பது

பொய்யான உறவினர்கள் எப்பொழுதும் உங்கள் பெற்றோரின் கவனத்தை அல்லது சில சமயங்களில் உங்கள் கவனத்தை ஈர்ப்பதற்கான வாய்ப்புகளைத் தேடுகிறார்கள்.

மற்றவர்களின் கவனத்தைத் தேடுவது அவர்களின் மனதிற்கு அமைதியையும் மேலும் மேலும் அவர்கள் விரும்புவதைப் பெறவும் உதவுகிறது. திருமண நிகழ்வின்போது கோபமாக நடந்துகொள்வது அல்லது ஒரு பண்டிகையின் போது அவர்களுக்கு முக்கியத்துவம் கொடுக்கவில்லை என்று அழுவது பொய்யான உறவினர்களின் சிறந்த தந்திரங்கள்.

எனவே, அடுத்த முறை உங்கள் உறவினரைப் பார்க்கும்போது, உங்கள் முன்னால் புன்னகையாகவும் மகிழ்ச்சியாகவும் பேசிவிட்டு, மற்றவர்கள் முன் உங்களை மோசமாகப் பேசினால், அவர்கள் போலியானவர்கள் என்பதை அறிந்து கொள்ளுங்கள்.

கிண்டலான மற்றும் இழிந்த சொற்களை பயன்படுத்துவது

ஒரு உறவினர் உங்களை ஒரு மோசமான நேரத்தில் 'ஆற்றுப்படுத்துவதாக' கூறிக்கொண்டு, அவர்கள் உங்களை கேலி செய்வதாக நீங்கள் எப்போதாவது உணர்ந்திருக்கிறீர்களா? ஆம். எனில், இந்த போலி உறவினர்கள் உங்கள் துயரத்தில் மிகுந்த மகிழ்ச்சி அடைவார்கள். உங்களுக்கு ஆறுதல் சொல்லும் போது அல்லது உங்களைத் திசைதிருப்பும் போது உங்களை ஏளனமாக பேச முயற்சிப்பார்கள்.

எனவே, அடுத்த முறை அவர்கள் உங்களை ஏளனமாகக் கூறுவதைக் கேட்கும்போது, அவர்கள் முகத்தில் ஒரு தந்திரமான புன்னகையுடன், அவர்கள் போலியானவர்கள் என்பதை அறிந்து கொள்ளுங்கள்.

சீரற்ற தொடர்பு

உண்மையாக உங்கள் மீது அன்பு செலுத்துபவர்கள், உங்களுடன் தொடர்பில் இருப்பார்கள். உங்கள் நலன் மற்றும் சுக, துக்கங்களை அவர்கள் அறிவார்கள். அவர்களின் தனிப்பட்ட நன்மைகளுக்காக உங்களை ஓர் உறவினர் அணுகுகிறார் என்றால், அவர்கள் போலி உறவினர்.

ஒரு உறவினர் அவர்களின் தகவல்தொடர்புகளில் சீரற்றதாக இருந்தால், எப்போதாவது அல்லது அவர்களுக்கு ஏதாவது தேவைப்படும் நேரங்களில் மட்டுமே உங்களை அணுகினால், அது அவர்களின் நோக்கங்கள் உண்மையானவை அல்ல என்பதற்கான அறிகுறியாக இருக்கலாம். அவர்கள் காரண காரியத்திற்காக உங்களுடன் பழகுகிறார்கள்.

எல்லைகளை அமைக்க வேண்டும்

போலி உறவினர்களை கையாளுவதற்கான முதன்மை விஷயம், உங்கள் தொடர்புகளில் தெளிவான எல்லைகளை அமைக்க வேண்டும். சாத்தியமான கையாளுதலில் இருந்து உங்களைப் பாதுகாத்துக் கொள்ள, நேரிலும் ஆன்லைனிலும் நீங்கள் அவர்களுடன் பகிர்ந்து கொள்ளும் தகவலை வரம்பிட வேண்டும்.

அவர்களிடம் நீங்கள் பகிரப்படக் கூடாத முக்கியமான தகவல்கள் சில உள்ளன. அவை, நிதி நிலை, பதவி உயர்வுகள், சாத்தியமான உறவு போன்றவை அடங்கும். உங்கள் தனிப்பட்ட விஷயங்களை போலியான உறவினர்களிடம் ஒருபோதும் பகிர வேண்டாம்.

படிப்படியான பற்றின்மை

உறவுகளை துண்டித்துக்கொள்வது அல்லது அவர்களுடன் எவ்வித தொடர்பும் கொள்ளாமல் இருப்பது கடினமான செயல். ஆனால், உங்கள் உறவினர்களிடையே அதிருப்தியை அடிக்கடி நீங்கள் சந்திக்கும்போது, அவர்களின் உறவிலிருந்து உங்களை விலக்கி கொள்வது அவசியம்.

ஒரு போலி உறவினர் சில சமயங்களில் உறவினர்கள், மாமா, அத்தை மற்றும் தாத்தா பாட்டி வடிவில் உங்களிடம் வரலாம். இவர்களை கவனமாக கையாள வேண்டும். அவர்களுடன் அதிக ஈடுபாடு அல்லது உணர்வுபூர்வமாக இணைந்திருக்காமல் அவர்களின் செய்திகள் அல்லது கோரிக்கைகளுக்கு மட்டும் பதிலளிக்கவும்.

உண்மையான உறவுகளில் கவனம் செலுத்துங்கள்

ஒரு போலி உறவினரின் செல்வாக்கிலிருந்து வெளியேற அல்லது அவர்களிடமிருந்து நீங்கள் பிரிந்த பிறகு வெற்றிடத்தை நிரப்ப, உங்கள் மீது உண்மையிலேயே அக்கறை கொண்ட உண்மையான உறவினர்கள் மற்றும் நண்பர்களுடன் உறவுகளை வளர்ப்பதில் உங்கள் நேரத்தையும் சக்தியையும் முதலீடு செய்வது முக்கியம்.

நேர்மறையான தாக்கங்களுடன் உங்களைச் சூழ்ந்துகொள்வது, போலி உறவினர்களின் எதிர்மறையான தாக்கத்தை எதிர்கொள்ளவும், உங்கள் தனிப்பட்ட வாழ்க்கையை மகிழ்ச்சியான அதிர்வுகளால் நிரப்பவும் உதவும்.