உறவுகளில் உள்ள சில குறைபாடுகள்!!!

வெளித்தோற்றம்

சில சமயங்களில் வெளித்தோற்றத்தினால் வரும் இனக்கவர்ச்சியை வைத்து காதலையும், உறவையும் துவங்கியிருப்பீர்கள். உங்களுக்கு துணைவியாருடனான உறவு மிகச்சிறப்பாக அமைய, அந்த உறவில் வரும் குறைகளை ஏற்றுக் கொள்ளவும் மற்றும் அந்த குறைகளை அவருடன் சேர்ந்து எப்படி களைவது என்பது பற்றியும் யோசித்து செயல்படுவதுதான் சரியான செயலாக இருக்கும்.

பாலின அடிப்படை

குறைபாடுகள் சில சமயம் அவர்களின் உறவில் அல்லாமல் அவர்களின் பாலினத்தை குறித்ததாக இருக்கும். உதாரணமாக உங்கள் மனைவி நீண்ட நேரம் பேசுவதிலும், ஏதாவது விஷேசத்திற்கு செல்லும் போது தயாராக நெடுநேரம் எடுத்துக் கொள்ளவும் செய்வார். இது பெண்களுக்கே உரிய இயல்பான விஷயம் தான் என்று ஏற்றுக் கொள்ள வேண்டும்.

நம்பிக்கை துரோகம்

எந்த உறவாயினும் நம்பிக்கை துரோகம் ஒரு பெரிய குறையாகவே கருதப்படுகிறது. தவறான ஆசைகளுக்காகவும் மற்றும் திரில் அனுபவங்களுக்காகவும் நம்பிக்கைக்கு உலை வைக்கும் செயல்களை செய்பவர்கள் அவற்றின் மேல் உடனடியாக கவனம் வேண்டும். நம்பிக்கை துரோகம் என்பது உளவியல் ரீதியாகவும் கூட அணுகப்பட்டு குணப்படுத்தக் கூடிய பிரச்னை தான். நம்பிக்கை துரோகத்தை விட பெரிய பிரச்னை ஒன்றும் இல்லை. ஆகையால் இத்தகைய தவறுகளை ஏற்றுக் கொள்வதும், பிரச்னையிலிருந்து விடுபட முயற்சி செய்வதுமே பாதி பிரச்னையை குறைத்து விடும்.

சமரசம் செய்து கொள்ளுதல்

உறவுகளில் மட்டுமல்லாமல், அதில் ஈடுபடும் மனிதர்களால் கூட குறைபாடுகள் ஏற்படலாம். ஒரு வேளை குறைபாடுகள் உங்களிடமே கூட இருந்து, உங்கள் துணைவர் அதனை சகித்துக் கொண்டு அந்த உறவை மேம்படுத்த முயலலாம். அதே போன்று உங்கள் துணைவரின் செயல்களிலும் குறைபாடுகளை இருப்பதை உணர்ந்து, நீங்கள் அதை பொறுத்துக் கொண்டும் வாழ்ந்திருக்கலாம். இவ்வாறு ஒருவரை ஒருவர் சகித்துக்கொண்டு வாழும் சூழ்நிலையில் தான் உறவு சீரான நிலையில் முன்னேறுகிறது.

விட்டுக் கொடுத்தல்

நல்ல உறவிற்கான அடிப்படை தேவை விட்டுக்கொடுப்பது தான். ஒரு நல்ல துணைவராக சில சமயங்களில் நீங்கள் ஏதேனும் ஒன்றை உங்கள் மனைவிக்காகவோ அல்லது கணவனுக்காகவோ மற்றும் உறவிற்காகவோ விட்டுக் கொடுத்து நடந்து கொள்ள வேண்டி வரும். இச்செயல்கள் அவர்களை மகிழ்விக்கும் மற்றும் அதனால் உறவும் மேம்படும். உதாரணமாக உங்களுக்கு பிடித்த கால் பந்து போட்டியை விட்டு விட்டு, உங்கள் மனைவியை அழைத்து கொண்டு வெளி சென்று மகிழ்ச்சியாக இருந்து வருவதை சொல்லலாம்.

தொடர்பு

வெற்றிகரமான உறவிற்கு எப்போதும் இருவருக்குள்ளும் சொல்லாலும் செயலாலும் நல்ல தொடர்பு இருக்க வேண்டும். நல்ல பேச்சுவார்த்தை எந்த விதமான குற்றங்களையும் பெருமளவில் எளிதில் சரி செய்யவும், தவிர்க்கவும் செய்யும். நல்ல உறவிற்கான அடையாளம் எவ்வாறு இருவரும் எப்படி பேசிக் கொண்டு இருக்கிறார்கள் என்பதை பொறுத்து தான் நிர்ணயம் செய்யப்படுகிறது. தவறான தொடர்புகள் தான் உறவுகளில் பெரும் குறைபாட்டை விளைவிக்கும் மற்றும் மேற்கொண்டு எந்த பேச்சு வார்த்தையும் செய்ய முடியாமல் ஆகிவிடும்.