Just In
- 18 min ago இந்தியாவின் டாப் 10 ஏழை மாநிலங்கள் என்னென்ன தெரியுமா? கடைசி இடத்துல இருக்கிறத பார்த்தா ஷாக் ஆகிடுவீங்க...!
- 57 min ago உங்களுக்கான அதிர்ஷ்ட மோதிரம் எது தெரியுமா? தங்கமா, வெள்ளியா?
- 2 hrs ago ஜோதிடத்தில் திசை என்றால் என்ன? உங்களுக்கு என்ன திசை நடக்கிறது? அதனால் கிடைக்கும் பலன்கள்..!
- 2 hrs ago 11 வயது சிறுமியை அம்மாவும்-மகனும் சேர்ந்து கடத்திய வினோதம்... எதுக்காக கடத்துனாங்க தெரியுமா?
Don't Miss
- Movies Pandian stores 2: நீ ஓடி வரவில்லையே.. காரில்தானே வந்தாய்.. மீனாவை கலாய்த்த கோமதி!
- News ஏசி ஓடுதா? மேட்ச் நடக்குதா? 18ம் தேதி என்னாச்சு? சூப்பர் சர்ப்ரைஸ் தந்த தமிழக மின்வாரியம்..மகிழ்ச்சி
- Sports தோல்வியின் போது ஒளிந்துகொள்ளும் ருதுராஜ்.. செய்தியாளர்களை சந்திக்கவே பயம்.. சோகத்தில் சிஎஸ்கே!
- Finance பாகிஸ்தானுக்கு ஆயுதம் சப்ளை செய்த சீனா.. கண்டுபிடித்து வெளுத்த அமெரிக்கா..!!
- Technology புரட்டிப்போடும் பட்ஜெட்.. ரூ.1099 போதும்.. MAP நேவிகேஷன்.. HD டிஸ்பிளே.. 230mAh பேட்டரி.. எந்த மாடல்?
- Automobiles டாடாவின் இந்த கார் இவ்ளோ பாதுகாப்பானதா! ஷோரூம்களில் மக்கள் கூட்டம் அலைமோதுது! அதிர்ச்சியில் மாருதி சுஸுகி!
- Travel நம்ம தர்மபுரியில் சுற்றிப் பார்க்க இவ்வளவு இடங்கள்?
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
இன்றைய ஸ்பெஷல் ரெசிபி - வெந்தய குழம்பு
இன்று உங்கள் வீட்டில் என்ன சமைப்பது என்று தெரியாமல் யோசித்துக் கொண்டிருக்கிறீர்களா? மிகவும் ஈஸியாக அதே சமயம் சுவையாக இருக்கும் ஒரு ரெசிபியை செய்ய விரும்புகிறீர்களா? அப்படியானால் வெந்தய குழம்பு செய்யுங்கள்.
இன்று உங்கள் வீட்டில் என்ன சமைப்பது என்று தெரியாமல் யோசித்துக் கொண்டிருக்கிறீர்களா? மிகவும் ஈஸியாக அதே சமயம் சுவையாக இருக்கும் ஒரு ரெசிபியை செய்ய விரும்புகிறீர்களா? அப்படியானால் வெந்தய குழம்பு செய்யுங்கள். இந்த வெந்தய குழம்பில் வெண்டைக்காய், கத்திரிக்காய் ஆகியவற்றை போட்டு செய்தால், குழம்பு இன்னும் ருசியாக இருக்கும். வெந்தய குழம்பை சூடான சாதத்துடன் சேர்த்து சிறிது நெய் ஊற்றி சாப்பிட்டால், அட்டகாசமாக இருக்கும். மேலும் இது பேச்சுலர்கள் செய்யும் வகையில் மிகவும் சுலபமாகவும் இருக்கும்.
உங்களுக்கு வெந்தய குழம்பு எப்படி செய்வதென்று தெரிந்து கொள்ள வேண்டுமா? கீழே வெந்தய குழம்பின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* வெண்டைக்காய் - 10 (நறுக்கியது)
* கத்திரிக்காய் - 1 (நறுக்கியது)
* புளி - 1 எலுமிச்சை அளவு
* நல்லெண்ணெய் - 5 டேபிள் ஸ்பூன்
* உப்பு - சுவைக்கேற்ப
* வெல்லம் - 1 டீஸ்பூன்
வறுத்து அரைப்பதற்கு...
* மல்லி - 1 டேபிள் ஸ்பூன்
* வெந்தயம் - 1 டீஸ்பூன்
* துவரம் பருப்பு - 1 டேபிள் ஸ்பூன்
* உளுத்தம் பருப்பு - 1 டீஸ்பூன்
* வரமிளகாய் - 5
* எண்ணெய் - 1 டீஸ்பூன்
தாளிப்பதற்கு...
* எண்ணெய் - 1 டேபிள் ஸ்பூன்
* வெந்தயம் - 1/2 டீஸ்பூன்
* துவரம் பருப்பு - 1 டீஸ்பூன்
* உளுத்தம் பருப்பு - 1 டீஸ்பூன்
* வரமிளகாய் - 1
* பெருங்காயத் தூள் - 1/4 டீஸ்பூன்
* கறிவேப்பிலை - சிறிது
செய்முறை:
* முதலில் ஒரு வாணலியை அடுப்பில் வைத்து, அதில் 1 டீஸ்பூன் எண்ணெய் ஊற்றி சூடானதும், மல்லி, வெந்தயம், துவரம் பருப்பு, உளுத்தம் பருப்பு, வரமிளகாய் சேர்த்து பொன்னிறமாக வறுத்து இறக்கிக் கொள்ள வேண்டும்.
* பின் அதை மிக்சர் ஜாரில் போட்டு, சிறிது நீர் ஊற்றி நன்கு மென்மையாக அரைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் 3 டேபிள் ஸ்பூன் எண்ணெய் ஊற்றி சூடானதும், வெண்டைக்காய் மற்றும் கத்திரிக்காய் சேர்த்து 5 நிமிடம் வதக்க வேண்டும்.
* பிறகு அதில் புளிச்சாறு மற்றும் அரைத்த மசாலாவை சேர்த்து கிளறி, சுவைக்கேற்ப உப்பு சேர்த்து கிளறி மூடி வைத்து, 15 நிமிடம் குறைவான தீயில் கொதிக்க வைக்க வேண்டும்.
* குழம்பு நன்கு கொதித்ததும், அதை இறக்கிக் கொள்ள வேண்டும்.
* அடுத்து ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், துவரம் பருப்பு, உளுத்தம் பருப்பு, பெருங்காயத் தூள், வெந்தயம், வரமிளகாய் மற்றும் கறிவேப்பிலை சேர்த்து தாளிக்க வேண்டும்.
* பின் அதை குழம்பில் ஊற்றி கிளறினால், சுவையான வெந்தய குழம்பு தயார்.
Image Courtesy: yummytummyaarthi