வெண்டைக்காயை வைச்சு இட்லி, தோசைக்கு இந்த மாதிரி சட்னி செய்யுங்க... எவ்வளவு தோசை சுட்டாலும் தீந்துரும்...!

Vendakkai Chutney Recipe in Tamil: தமிழ்நாட்டின் பெரும்பாலான வீடுகளில் காலையிலோ அல்லது இரவிலோ பிரதான உணவாக இருப்பது இட்லி, அல்லது தோசைதான். தினமும் இட்லி, தோசை செய்வது என்னதான் ஈஸியாக இருந்தாலும் அதற்கு ஏற்ற சரியான சைடிஷ் செய்வது என்பது அவ்வளவு எளிதான காரியமல்ல. இந்த பிரச்சினையை தீர்க்கத்தான் தொடர்ந்து பல்வேறு சட்னி ரெசிபிக்கள் நமது தளத்தில் பகிரப்பட்டு வருகிறது.

இட்லி, தோசைக்கான சைடிஷ் பிரச்சினையை தீர்க்கும் வகையில் இன்று நாம் பார்க்கப் போவது ஆரோக்கியமான வெண்டைக்காய் சட்னியைத் தான். பொதுவாக காய்கறிகளை வைத்து சாதத்திற்குத்தான் சட்னி செய்வோம். ஆனால் இந்த வெண்டைக்காய் சட்னியை சாதத்திற்கு மட்டுமின்றி இட்லி, தோசைக்கும் சிறந்த சைடிஷாக இருக்கும்.

இந்த சட்னியை ஒருமுறை உங்கள் வீட்டில் செய்து பாருங்கள். அனைவருமே வழக்கமாக சாப்பிடுவதை விட அதிகமாக சாப்பிடுவார்கள். குறிப்பாக காய்கறி சாப்பிடாத உங்கள் குழந்தைகள் கூட விரும்பி சாப்பிடுவார்கள். இந்த பதிவில் சுவையான வெண்டைக்காய் சட்னியை எப்படி செய்யலாம் என்று தெரிந்து கொள்ளலாம்.

தேவையானப் பொருட்கள்:

- 2 ஸ்பூன் எண்ணெய்
- ½ ஸ்பூன் உளுந்தம் பருப்பு
- ½ ஸ்பூன் கடலைப்பருப்பு
- 1 ஸ்பூன் கொத்தமல்லி விதைகள்
- ½ ஸ்பூன் சீரகம்
- ¼ ஸ்பூன் வெந்தயம்
- 5 வர மிளகாய்

வெண்டைக்காய் வறுக்க:

- 2 ஸ்பூன் எண்ணெய்

- 5 பல் பூண்டு

- 2 கப் நறுக்கிய வெண்டைக்காய்
- 1 நறுக்கிய தக்காளி
- சிறிய துண்டு புளி
- ¼ ஸ்பூன் மஞ்சள்
- தேவையான அளவு உப்பு

தாளிக்க:

- 2 ஸ்பூன் எண்ணெய்
- 1 ஸ்பூன் கடுகு
- ½ ஸ்பூன் உளுந்தம் பருப்பு
- 2 உடைத்த வர மிளகாய்
- சிறிதளவு கறிவேப்பிலை
- 1 சிட்டிகை பெருங்காயம்

செய்முறை:

- முதலில், ஒரு கடாயில் 2 ஸ்பூன் எண்ணெயை ஊற்றி சூடாக்கவும். பின்னர் ½ ஸ்பூன் உளுத்தம்பருப்பு, ½ ஸ்பூன் கடலைப்பருப்பு, 1 ஸ்பூன் வர மல்லி, ½ ஸ்பூன் சீரகம், ¼ ஸ்பூன் வெந்தயம் மற்றும் 5 உலர்ந்த சிவப்பு மிளகாய் சேர்த்து வதக்கவும்.

- மசாலா வாசனை போகும் வரை குறைந்த தீயில் வறுக்கவும், நன்றாக ஆறியதும் பொடியாக அரைத்து தனியாக வைத்து விடவும்.

- அதே கடாயில் 2 ஸ்பூன் எண்ணெயை சூடாக்கி, 5 பல் பூண்டை பொன்னிறமாகும் வரை வதக்கவும்.

- பின்னர் 2 கப் நறுக்கிய வெண்டைக்காயை சேர்த்து வதக்கவும். வெண்டைக்காயை ஒட்டாமல் மொறுமொறுப்பாக மாறும் வரை கிளறி வதக்கவும்.

- பின்னர் 1 தக்காளி, ஒரு சிறிய துண்டு புளி, ¼ ஸ்பூன் மஞ்சள் சேர்த்து நன்கு வதக்கவும். தக்காளி மென்மையாக மாறும் வரை வதக்கவும்.

- இவை நன்றாக ஆறியதும் மிக்ஸி ஜாருக்கு மாற்றவும். பின்னர் ½ ஸ்பூன் உப்பு சேர்த்து கரடுமுரடான பேஸ்டாக அரைக்கவும்.

- ஒரு வாணலியில் 2 ஸ்பூன் எண்ணெயை ஊற்றி சூடாக்கவும். பின்னர் 1 ஸ்பூன் கடுகு, ½ ஸ்பூன் உளுத்தம்பருப்பு, 2 வர மிளகாய், சிறிது கறிவேப்பிலை சேர்த்து, ஒரு சிட்டிகை பெருங்காயம் சேர்க்கவும்.

- இந்த தாளிப்பை சட்னி மீது கொட்டி நன்கு கலக்கவும்.

- பின்னர் இதை அடுப்பில் வைத்து எண்ணெய் பக்கவாட்டில் பிரிந்து வரும் வரை நன்கு கிளறவும்.

- சூப்பரான வெண்டைக்காய் சட்னி ரெடி. இதை சூடான சாதம், இட்லி அல்லது தோசையுடன் பரிமாறினால் அட்டகாசமாக இருக்கும்.