For Quick Alerts
ALLOW NOTIFICATIONS  
For Daily Alerts

வெஜிடேபிள் சீஸ் சாண்ட்விச்

By Maha
|

காலையில் பலர் சமைத்து சாப்பிடுவதற்கு சோம்பேறித்தனப்பட்டு, பிரட்டைக் கொண்டு சாண்ட்விச் செய்து சாப்பிடுவார்கள். ஏனெனில் சாண்ட்விச் செய்வதற்கு அவ்வளவு நேரம் தேவையே இல்லை. குறிப்பாக பேச்சுலர்கள், அலுவலகத்திற்கு செல்பவர்கள் தான், சாண்ட்விச் அதிகம் சாப்பிடுவார்கள்.

வித்தியாசமான சுவையுடைய சாண்ட்விச் ரெசிபிக்கள்!!!

அந்த சாண்ட்விச்சில் நிறைய வெரைட்டிகள் உள்ளன. இங்கு அவற்றில் ஒன்றான வெஜிடேபிள் சீஸ் சாண்ட்விச் ரெசிபியை எப்படி செய்வதென்று கொடுத்துள்ளோம்.

Vegetable Cheese Sandwich

தேவையான பொருட்கள்:

வெள்ளை பிரட் - 4-8 துண்டுகள்
சீஸ் துண்டுகள் - 4
வெங்காயம் - 1 (நறுக்கியது)
குடைமிளகாய் - 1/2 (நறுக்கியது)
தக்காளி - 1 (நறுக்கியது)
பச்சை மிளகாய் - 2 (நறுக்கியது)
மிளகாய் தூள் - 1/2 டீஸ்பூன்
சாட் மசாலா - 1 டீஸ்பூன்
எலுமிச்சை சாறு - 1 டீஸ்பூன்
உப்பு - தேவையான அளவு
வெண்ணெய் - 1 டீஸ்பூன்

செய்முறை:

முதலில் ஒரு பௌலில் வெங்காயம், குடைமிளகாய், பச்சை மிளகாய் மற்றும் தக்காளி சேர்த்து கலந்து கொள்ள வேண்டும்.

பின் அதில் மிளகாய் தூள், எலுமிச்சை சாறு மற்றும் உப்பு சேர்த்து நன்கு கலந்து தனியாக வைத்துக் கொள்ள வேண்டும்.

பின்பு பிரட் துண்டுகளை எடுத்து, அதன் முனைகளை நீக்கிவிட்டு, ஒரு பிரட் துண்டை எடுத்து, அதன் மேல் ஒரு சீஸ் துண்டை வைத்து, பின் அதன் மேல் வெஜிடேபிள் கலவையை வைத்து, மற்றொரு பிரட் துண்டை வைத்து மூடி, முன்னும் பின்னும் வெண்ணெய் தடவி பொன்னிறமாக சுட்டு எடுக்க வேண்டும்.

இதுப்போன்று அனைத்து பிரட் துண்டுகளையும் செய்தால், சுவையான வெஜிடேபிள் சீஸ் சாண்ட்விச் ரெடி!!!

English summary

Vegetable Cheese Sandwich

Here is a Indian style vegetable cheese sandwich recipe which can be prepared for a filling breakfast. This breakfast recipe is quick as well!
Story first published: Wednesday, March 12, 2014, 18:21 [IST]
Desktop Bottom Promotion