For Quick Alerts
ALLOW NOTIFICATIONS  
For Daily Alerts

வெஜிடேபிள் மயோனைஸ் சாண்ட்விச் ரெசிபி

By Maha
|

மாலையில் பள்ளி முடிந்து பசியுடன் வரும் குழந்தைகளின் பசியை ஆரோக்கியமான உணவுப் பொருட்களின் மூலம் சரிசெய்ய வேண்டுமானால், வெஜிடேபிள் மயோனைஸ் சாண்ட்விச் ரெசிபியை செய்து கொடுங்கள். இந்த ரெசிபியானது மாலையில் மட்டுமின்றி, காலையிலும் செய்யக்கூடியது.

குறிப்பாக வேலைக்கு செல்வோர் காலையில் இதை முயற்சி செய்து பார்க்கலாம். இப்போது அந்த வெஜிடேபிள் மயோனைஸ் சாண்ட்விச் ரெசிபியை எப்படி செய்வதென்று பார்ப்போமா!!!

தேவையான பொருட்கள்:

பிரட் துண்டுகள் - 10
மயோனைஸ் - 1/2 கப்
செலரி - 1 கப் (பொடியாக நறுக்கியது)
கேரட் - 1 (துருவியது)
லெட்யூஸ் இலைகள் - 5
குடைமிளகாய் - 1 (பொடியாக நறுக்கியது)
உப்பு - தேவையான அளவு
மிளகு தூள் - 1 டீஸ்பூன்
டபாஸ்கோ சாஸ்/சில்லி சாஸ் - 1/2 டீஸ்பூன்

செய்முறை:

முதலில் ஒரு பௌலில் செலரி, குடைமிளகாய், கேரட், உப்பு, மிளகு தூள், டபாஸ்கோ/சில்லி சாஸ் மற்றும் மயோனைஸ் சேர்த்து கலந்து கொள்ள வேண்டும்.

பின்னர் பிரட் துண்டுகளின் பக்கவாட்டில் உள்ள ப்ரௌன் நிறத்தை அகற்றிவிட வேண்டும்.

பின் ஒரு பிரட் துண்டின் மீது, ஒரு லெட்யூஸ் இலையை வைத்து, அதன் மேல் கலந்து வைத்துள்ள மயோனைஸ் கலவையை பரப்பி, அடுத்து அதன் மேல் மற்றொரு பிரட் துண்டை வைத்து மூட வேண்டும். இதேப் போன்று அனைத்து பிரட் துண்டுகளையும் செய்ய வேண்டும்.

இப்போது உங்கள் வெஜிடேபிள் மயோனைஸ் சாண்ட்விச் ரெசிபி ரெடி!!!

English summary

Easy Vegetable Mayonnaise Sandwich Recipe

Looking for a quick and easy recipe for breakfast? Have a look at this easy vegetable mayonnaise sandwich recipe
Story first published: Tuesday, March 4, 2014, 17:20 [IST]