For Quick Alerts
ALLOW NOTIFICATIONS  
For Daily Alerts

இலங்கை ஸ்டைல் சிக்கன் குழம்பு

உங்கள் வீட்டில் உள்ளோர் சிக்கன் கேட்கிறீர்களா? அப்படியானால் இலங்கை ஸ்டைல் சிக்கன் குழம்பு செய்யுங்கள். இந்த சிக்கன் குழம்பு சப்பாத்திக்கு மட்டுமின்றி, சாதத்துடன் சேர்த்து சாப்பிடவும் அற்புதமாக இருக்கும்.

Posted By:
|

இன்று இரவு உங்கள் வீட்டில் சப்பாத்தி செய்ய போகிறீர்களா? அதற்கு சைடு டிஷ்ஷாக உங்கள் வீட்டில் உள்ளோர் சிக்கன் கேட்கிறீர்களா? அப்படியானால் எப்போதும் போன்று சிக்கன் கிரேவி செய்யாமல், இலங்கை ஸ்டைல் சிக்கன் குழம்பு செய்யுங்கள். இந்த சிக்கன் குழம்பு சப்பாத்திக்கு மட்டுமின்றி, சாதத்துடன் சேர்த்து சாப்பிடவும் அற்புதமாக இருக்கும். முக்கியமாக இந்த இலங்கை ஸ்டைல் சிக்கன் குழம்பு செய்வதற்கு வீட்டில் உள்ள பொருட்களே போதுமானது.

Sri Lankan Chicken Curry Recipe In Tamil

உங்களுக்கு இலங்கை ஸ்டைல் சிக்கன் குழம்பு எப்படி செய்வதென்று தெரிந்து கொள்ள வேண்டுமா? கீழே இலங்கை ஸ்டைல் சிக்கன் குழம்பு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* நெய்/வெண்ணெய் - 3 டேபிள் ஸ்பூன்

* ஏலக்காய் - 4

* வெந்தயம் - 1 டீஸ்பூன்

* பட்டை - 1 சிறிய துண்டு

* கறிவேப்பிலை - சிறிது

* வெங்காயம் - 5 (பொடியாக நறுக்கியது)

* இஞ்சி - 2 டேபிள் ஸ்பூன் (பொடியாக நறுக்கியது)

* பூண்டு - 2 டேபிள் ஸ்பூன் (பொடியாக நறுக்கியது)

* உப்பு - சுவைக்கேற்ப

* மிளகாய் தூள் - 2 டீஸ்பூன்

* மல்லித் தூள் - 1 டேபிள் ஸ்பூன்

* மஞ்சள் தூள் - 1 டீஸ்பூன்

* கரம் மசாலா - 2 டீஸ்பூன்

* சீரகத் தூள் - 1 டீஸ்பூன்

* சோம்பு தூள் - 1 டீஸ்பூன்

* தக்காளி - 4 (பொடியாக நறுக்கியது)

* சிக்கன் - 1 கிலோ

* ரம்பை இலை - 1

* வினிகர் - 2 டேபிள் ஸ்பூன்

* கெட்டியான தேங்காய் பால் - 1 கப் / 250 மிலி

செய்முறை:

* முதலில் ஒரு அகலமான வாணலியை அடுப்பில் வைத்து, அதில் நெய் ஊற்றி சூடானதும், பட்டை, ஏலக்காய், வெந்தயம் சேர்த்து தாளிக்க வேண்டும்.

* பின் அதில் கறிவேப்பிலை சேர்த்து தாளிக்க வேண்டும்.

* அடுத்து அதில் வெங்காயத்தைப் போட்டு பொன்னிறமாக சிறிது நேரம் வதக்கி, இஞ்சி, பூண்டு மற்றும் உப்பு தூவி நன்கு வதக்க வேண்டும்.

* பின்பு அதில் மசாலா பொடிகள் அனைத்தையும் சேர்த்து நன்கு கிளறி விட வேண்டும்.

* பின் அதில் தக்காளியை சேர்த்து 5 நிமிடம் நன்கு எண்ணெய் பிரிய வதக்க வேண்டும்.

* அடுத்து அதில் சிக்கனை கழுவிப் போட்டு நன்கு மசாலா சிக்கனில் ஒன்று சேரும் வரை கிளறி விட வேண்டும். சிக்கனில் மசாலா நன்கு ஒன்று சேர்ந்ததும், அதில் ரம்பை இலை, வினிகர் சேர்த்து கிளறி, மூடி வைத்து குறைவான தீயில் வைத்து, 40-45 நிமிடம் சிக்கனை வேக வைக்க வேண்டும்.

* சிக்கன் நன்கு வெந்ததும், அதில் தேங்காய் பாலை ஊற்றி கிளறி, 2 நிமிடம் கொதிக்க வைத்து இறக்கினால், இலங்கை ஸ்டைல் சிக்கன் குழம்பு தயார்.

Image Courtesy: yummytummyaarthi

[ of 5 - Users]
English summary

Sri Lankan Chicken Curry Recipe In Tamil

Want to know how to make a sri lankan chicken curry recipe at home easily? Take a look and give it a try...
Story first published: Thursday, October 27, 2022, 17:59 [IST]
Desktop Bottom Promotion